ചില മഹാന്മാർ വാഴ്ത്തപ്പെടുക മരണശേഷമാവും.
"Vincent Van Gogh - The Father Of Modern Art"

വിൻസെന്റിന്റെ മരണത്തിന് ശേഷം ഒരു വര്ഷം പിന്നിടുന്നു.അദ്ദേഹം അവസാനമായി എഴുതിയ ഒരു കത്ത്.തന്റെ സഹോദരനായ "തിയോ"ക്ക് എഴുതിയത്.അത് ഇപ്പോഴും പോസ്റ്റ്‌മാസ്റ്ററിന്റെ കൈകളിൽ തന്നെ ഭദ്രമാണ്.രണ്ട് തവണ അയച്ചപ്പോഴും അത് തിരിച്ച് അദ്ദേഹത്തിന്റെ പക്കൽ തന്നെ വന്നു.അതുകൊണ്ട് തന്റെ മകനെ  ഒരു കർത്തവ്യം ഏൽപ്പിച്ചു.ആ കത്ത് ലക്ഷ്യസ്ഥാനത്ത് എത്തിക്കുക.

തീരെ താല്പര്യം ഇല്ലായിരുന്നു അർമണ്ടിന് ആ കത്തുകളുടെ ഭാരം പേറാൻ.പല തവണ ഒഴിഞ്ഞ് മാറാൻ ശ്രമിച്ചിട്ടും അതിൽ വിജയിക്കാൻ അദ്ദേഹത്തിന് കഴിഞ്ഞില്ല.ഒടുവിൽ മനസ്സില്ലാമനസ്സോടെ അദ്ദേഹം യാത്ര തടുങ്ങി.വിൻസെന്റിന്റെ അടുത്ത സുഹൃത്ത് എന്നറിയപ്പെടുന്ന ഗാഷെ താമസിച്ചിരുന്ന സ്ഥലത്തെ ലക്ഷ്യമാക്കി അദ്ദേഹം സഞ്ചരിച്ചു.

എന്നാൽ ആ സ്ഥലത്ത് ചെന്നത് മുതൽ വിൻസന്റിന്റെ കാര്യം ആരായുമ്പോൾ അദ്ദേഹത്തിന് കേൾക്കേണ്ടി വന്നത് ഓരോരുത്തരിൽ നിന്നും ഓരോ കഥകളാണ്.അത് പലതും ആശ്ചര്യം ജനിപ്പിക്കുന്നതും.

🔻ＢＥＨＩＮＤ ＳＣＲＥＥＮ🔻

Best Animated Feature Film വിഭാഗത്തിൽ ഓസ്‌ക്കാർ നോമിനേഷൻ കിട്ടിയ ചിത്രം എന്ന നിലയിലാണ് Loving Vincent കാണാൻ തുടങ്ങിയത്.Dorota Kobeila-Hugh Welchman കൂട്ടുകെട്ട് അണിയിച്ചൊരുക്കിയ ചിത്രം.വിശ്വപ്രസിദ്ധ ചിത്രകാരൻ വിൻസെന്റ് വാൻ ഗോഗിന്റെ അവസാന നാളുകളിലേക്ക് ഒരു എത്തിനോട്ടം.