Abeed Azad: June 2017

Bekas (2012) - 97 min

🔺ഈ കഴുതയെ കഴുതയെന്ന് വിളിക്കരുത്..
🔻കഴുതയെ കഴുതയെന്നല്ലാതെ മൈക്കിൾ ജാക്സൻ എന്ന് വിളിക്കാൻ പറ്റുവോ..?
🔺ആഹാ അത് കൊള്ളാല്ലോ..ഇനി മുതൽ ഇവനെ മൈക്കിൾ ജാക്സൻ എന്ന് വിളിക്കാം..
🔻ങ്ങേ..

🔻Story Line🔻
സദ്ധാം ഹുസൈന്റെ ഇറാഖിലെ ഭീകരഭരണ കാലഘട്ടം..അവിടെയാണ് സഹോദരങ്ങളായ സനായും ദനായും തങ്ങളുടെ ബാല്യം കഴിച്ചുകൂട്ടിയിരുന്നത്..അനാഥരായിരുന്ന അവർ അന്നന്നത്തെ ഭക്ഷണത്തിനായി ജോലി ചെയ്ത് പണം കണ്ടെത്തിയിരുന്നു..അവിടേക്കാണ് 'സൂപ്പർമാൻ' പ്രദർശനത്തിനെത്തുന്നത്..

ഏറെ ഇഷ്ടപ്പെട്ടിരുന്ന തങ്ങളുടെ സൂപ്പർ ഹീറോയെ ഒരു നോക്ക് കാണാൻ ഏവരെയും പോലെ അവരും ആഗ്രഹിച്ചിരുന്നു..എന്നാൽ അതവർക്ക് സാധിക്കാതെ പോവുന്നു..ഇനിയിപ്പോ എന്താ ഒരു വഴി..അപ്പോഴാണ് ദനായുടെ മനസ്സിൽ ഒരു ബുദ്ധി തെളിയുന്നത്..വണ്ടി നേരെ അമേരിക്കയിലേക്ക് വിട്..നമുക്ക് സൂപ്പർമാനെ നേരിട്ട് ചെന്ന് അങ്ങ് കണ്ടേക്കാം..കേട്ടപാതി കേൾക്കാത്തപാതി ഇരുവരും അമേരിക്കയിലേക്ക് യാത്രക്കുള്ള തയ്യാറെടുപ്പുകൾ തുടങ്ങി..അതിനുള്ള വാഹനമായി അവരുടെ കഴുതയും..തുടർന്ന് അവരുടെ യാത്രയാണ്..സൂപ്പർമാൻ എന്ന ഒറ്റ ലക്ഷ്യവുമായി..

🔻Behind Screen🔻
1990കളിൽ ഇറാഖിലെ യുദ്ധഭീകരതയുടെ കാലത്ത് ഇറാഖിൽ നിന്ന് കുർദ്ധിസ്ഥാനിലേക്ക് കുടിയേറിയവരിൽ ഒരു ഒമ്പത് വയസ്സുകാരൻ ബാലനുമുണ്ടായിരുന്നു..Karzan Kader..അവസാനം ആ കുടുംബം സ്വീഡനിൽ സെറ്റിലായി..സിനിമയോട് കമ്പമുണ്ടായിരുന്ന കർസാൻ ഡയറക്ഷൻ പഠിച്ച് ഒരു ഷോർട്ട് ഫിലിം സംവിധാനം ചെയ്തു..'Bekas'..Student Oscar കരസ്ഥമാക്കിയ ചിത്രം അതേ പേരിൽ അദ്ധേഹം 2012ൽ ഫീച്ചർ ഫിലിമാക്കി..അദ്ധേഹത്തിന്റെ ആദ്യത്തെ സിനിമ..

പോസ്റ്റർ കാണുമ്പോൾ ഒരു ഫീൽ ഗുഡ് മൂവിയോ ഒരു കോമഡിയോ ആവും നാം പലരും പ്രതീക്ഷിക്കുക..എന്നാൽ കോമഡി മാത്രമല്ല,നല്ല കാമ്പുള്ള കഥയും ചിത്രത്തിനുണ്ട്..ആ കാലഘട്ടത്തിലെ ഇറാഖിലെ കുട്ടികളുടെ ജീവിതവും വളർന്ന് വരുന്ന സാഹചര്യവും സംവിധായകൻ ഗൗരവത്തോടെ തന്നെ വരച്ച് കാട്ടുന്നുണ്ട്..അതിലുപരി സന,ദന എന്നീ സഹോദരങ്ങളുടെ സ്നേഹം..നമ്മുടെ മനസ്സിനെ ഈറനണിയിക്കുന്ന രംഗങ്ങളിലൂടെ അതിമനോഹരമായി പറഞ്ഞ് പോയിരിക്കുന്നു..ചെറിയൊരു പ്രമേയത്തിലൂന്നി പറയേണ്ട കാര്യങ്ങൾ അതീവ ഗൗരവത്തോടെ തന്നെ പരിചരിച്ച് മുന്നോട്ട് പോവുന്നതിൽ കർസൻ വിജയിച്ചിട്ടുണ്ട്..

🔻On Screen🔻
Zamand Taha, Sarwar Fazil എന്നീ കൊച്ചു മിടുക്കന്മാർ..സനായേയും ദനായേയും മനോഹരമാക്കിയവർ..അത്രകണ്ട് മനസ്സ് കീഴടക്കി ഇരുവരും.. പ്രത്യേകിച്ച് Zamand..പുള്ളിയെ സ്ക്രീനിൽ കണ്ടാൽ പിന്നെ കണ്ണെടുക്കാൻ തോന്നില്ല..അതിഗംഭീരം..!! സംസാരശൈലിയും അഭിനയവുമൊക്കെ തകർത്തു..അവസാന രംഗങ്ങളിലൊക്കെ മാസ്മരിക പ്രകടനം കാഴ്ച്ചവെച്ചു രണ്ട് പേരും..ഒരേ സമയം ചിരിപ്പിക്കുകയും അവസാന നിമിഷങ്ങളിൽ കണ്ണ് നനയിക്കുക്കുകയും ചെയ്തു ഇരുവരും..സനായുടെ ആ പുഞ്ചിരി..പറഞ്ഞറിയിക്കാനാവാത്ത ഫീൽ തന്ന സീൻ..കൂടെയുള്ളവരും നല്ല പ്രകടനം കാഴ്ച്ചവെച്ചു..

🔻Music & Technical Sides🔻
ചിത്രത്തിന്റെ കളർ ടോൺ ശ്രദ്ധേയമായിരുന്നു..എന്തോ ഒരു വ്യത്യസ്തത പ്രേക്ഷകനിൽ ഫീൽ ചെയ്യിക്കുന്ന കളർ..പശ്ചാത്തലസംഗീതവും ഛായാഗ്രഹണവും ഗംഭീരം..അങ്ങനെ ആകെ മൊത്തത്തിൽ തിരക്കഥക്ക് മികച്ച പിന്തുണ നൽകിയ ഘടകങ്ങളായി എല്ലാം..

🔻Awards & Nominations🔻
Dubai International Film Festivalൽ മികച്ച സംവിധായകനുള്ള അവാർഡ് കർസൻ കരസ്ഥമാക്കി..മികച്ച ചിത്രത്തിനുള്ള നോമിനേഷനുകളിലും ചിത്രം ഇടം നേടി..Stockhalm Film Festivalലും അവാർഡ് കർസനെ തേടിയെത്തി..Hong Kong International Film Festivalലും കർസൻ നോമിനേഷൻ നേടിയിരുന്നു..

🔻Final Verdict🔻
തന്റെ ജീവിതത്തിൽ നിന്ന് തന്നെ ഒരു ഏട് വികസിപ്പിച്ച് സിനിമയാക്കിയ സംവിധായകൻ..കഥാപാത്രങ്ങളായി സ്ക്രീനിൽ ജീവിച്ച കുട്ടികൾ..ഒരേ സമയം ചിരിപ്പിക്കുകയും ടെൻഷൻ അടിപ്പിക്കുകയും വിഷമിപ്പിക്കുകയും മനസ്സിന് കുളിർമ നൽകുകയും ചെയ്യുന്ന കഥാ സന്ദർഭങ്ങൾ..ഇവയൊന്നും പോരെങ്കിൽ യൂട്യൂബിൽ ചിത്രത്തിന്റെ ട്രെയിലർ ഒന്ന് കണ്ട് നോക്കൂ..ഉറപ്പായും ഈ ചിത്രം കണ്ടിരിക്കും..എന്റെ പ്രിയപ്പെട്ട ചിത്രങ്ങളുടെ പട്ടികയിൽ കയറിപ്പറ്റിയ അടുത്ത ചിത്രമായി Bekas..കൂടെ ആ സഹോദരങ്ങളും..

My Rating :: ★★★★★

0Comments

, by Abeed Azad

In 3 star movies, Comedy

Role Models (2017) - 131 min

"ഇത് ഞങ്ങളുടെ പഴയ ഗൗതം അല്ല..അവന് കാര്യമായി എന്തൊക്കെയോ മാറ്റങ്ങൾ സംഭവിച്ചിട്ടുണ്ട്..അത് എന്താണെന്ന് കണ്ടെത്തി അവനെ പഴയത് പോലെ ചുറുചുറുക്കുള്ള ഗൗതമായി തിരിച്ച് കൊണ്ടുവരണം..അതിനാണ്‌ ഞങ്ങളുടെ ഈ യാത്ര''

🔻Story Line🔻
ഗൗതം പണ്ട് ഇങ്ങനെയായിരുന്നില്ല..ഇപ്പോൾ ആരോടും സംസാരിക്കാതെ ജോലിയിൽ മാത്രം വ്യാപൃതനായിരിക്കുന്ന തരക്കാരനായി അവൻ മാറിയിരിക്കുന്നു..അതിൽ തനിക്കും പങ്കുണ്ടെന്ന് മനസിലാക്കിയ അവന്റെ പിതാവ് അവന്റെ പഴയ കൂട്ടുകാരെ അവനിലേക്കെത്തിക്കുകയാണ്..പഴയ റോൾ മോഡൽസിനെ..

പ്രശ്നത്തിന്റെ വേര് തേടിപ്പിടിക്കുന്നതിനുള്ള ശ്രമത്തിലാണ് അവന്റെ മൂന്ന് കൂട്ടുകാരും..അതിന്റെ ഭാഗമായി അവർക്ക് ഗോവയിലേക്ക് ഒരു ട്രിപ്പ് പോകേണ്ടി വരുന്നു..അവന്റെ ജീവിതം തന്നെ മാറ്റിമറിക്കാനായി..

🔻Behind Screen🔻
റിംഗ് മാസ്റ്ററിനും ടു കൺട്രീഡിനും ശേഷം റാഫി തിരക്കഥയെഴുതി സംവിധാനം ചെയ്ത ചിത്രമാണ് റോൾ മോഡൽസ്..ഫഹദും റാഫിയും ആദ്യമായി ഒന്നിക്കുന്ന ചിത്രമെന്ന പ്രത്യേകതയും ചിത്രത്തിനുണ്ട്..ട്രെയിലറിൽ നിന്നും പാട്ടിൽ നിന്നുമൊക്കെ വ്യക്തമായിരുന്നത് പോലെ തന്നെ ഒരു കോമഡി എന്റർടെയിനർ ആണ് ചിത്രം..റാഫിയുടെ ചിത്രം നൽകുന്ന മിനിമം ഗ്യാരന്റി റോൾ മോഡൽസും കാത്തുസൂക്ഷിക്കുന്നുണ്ട്..മുൻ ചിത്രങ്ങളിൽ നിന്ന് വ്യത്യസ്തമായി കുറച്ച് സീരിയസ് മോഡിലും ചിത്രം സഞ്ചരിക്കുന്നുണ്ട്..സാമൂഹിക പ്രസക്തിയുള്ള ചില കാര്യങ്ങൾ പ്രതിപാദിക്കുന്നുമുണ്ട് ചിത്രത്തിൽ..വീട്ടുകാരുടെ നിർബന്ധത്തിന് വഴങ്ങി സ്വന്തം സ്വപ്നങ്ങൾ ത്യജിക്കേണ്ടി വരുന്ന ഇപ്പോഴത്തെ ജനറേഷനും കോളേജ് മാനേജ്മെന്റുകളുടെ കെടുകാര്യസ്ഥതയുമൊക്കെ ചിത്രം ചെറിയ തോതിൽ ചൂണ്ടിക്കാട്ടുന്നുണ്ട്‌..ആദ്യ പകുതി നർമത്തിൽ പൊതിഞ്ഞ് ഒട്ടും ബോറടിപ്പിക്കാതെ നല്ലൊരു ഇന്റർവെൽ പഞ്ചിൽ നിർത്തുന്നു..രണ്ടാം പകുതി കൂടുതലും നനഞ്ഞ പടക്കങ്ങളായിരുന്നു..എങ്കിലും പറഞ്ഞ് പോവുന്ന കഥ അത്യാവശ്യം വിരുസനീയമായ രീതിയിൽ പ്രേക്ഷകനിലേക്കെത്തിക്കാൻ ചിത്രത്തിന്റെ ആഖ്യാനത്തിനായിട്ടുണ്ട്..ലോജിക്കുകൾ വിട്ട് ചിന്തിച്ചാൽ തൃപ്തിപ്പെടുത്തുന്ന ഒരു കഥയാണ് റോൾ മോഡൽസിന്റേത്..

🔻On Screen🔻
ഗൗതമിന്റെ വേഷം കൈകാര്യം ചെയ്തത് ഫഹദാണ്..ഫഹദിനെ പോലൊരു നടന് ഒട്ടും വെല്ലുവിളി ഉയർത്തുന്ന വേഷമായിരുന്നില്ല ഗൗതമിന്റേത്..ആയതിനാൽ തന്നെ തന്റെ വേഷം ഫഹദ് ഭംഗിയാക്കി..ഷറഫുദ്ധീൻ-വിനായകൻ എന്നിവരാണ് കാണികളെ ഏറ്റവും ചിരിപ്പിച്ചത്..പല സിറ്റുവേഷൻ കോമഡികളും തകർത്തു..നായികയുടെ വേഷം നമിത അവതരിപ്പിച്ചു..രൺജി പണിക്കർ, സിദ്ധീഖ്,റാഫി തുടങ്ങിയവർ മറ്റ് വേഷങ്ങൾ ചെയ്തു..അവസാനം വന്ന ഗസ്റ്റ് റോൾ ശരിക്കും ഞെട്ടിച്ചു..പക്ഷേ പുള്ളിക്കാരനെ കൊണ്ട് സാരോപദേശം പറയിച്ചത് ശരിയായില്ല..

🔻Music & Technical Sides🔻
ഷാംദത്ത് സൈനുദ്ധീന്റെ ഛായാഗ്രഹണം നന്നായിരുന്നു..പടത്തോട് ചേർന്നു നിന്നു എല്ലാ സീക്വൻസുകളും..ഗോപി സുന്ദറിന്റെ പശ്ചാത്തല സംഗീതവും സന്ദർഭത്തോട് ചേർന്ന് നിൽക്കുന്നത് തന്നെ..ആദ്യ ഗാനം മോശമായപ്പോൾ 'തേച്ചില്ലേ പെണ്ണേ' എന്ന ഗാനം സന്ദർഭത്തോട് ചേർത്ത് വെക്കുമ്പോൾ രസകരമായിരുന്നു..നജീം പാടിയ മൂന്നാമത്തെ ഗാനവും കൊള്ളാം..

🔻Final Verdict🔻
റാഫിയുടെ ഒരു ചിത്രമെന്ന നിലയിൽ നാം പ്രതീക്ഷിക്കുന്ന കോമഡി ആവോളമുണ്ട് ചിത്രത്തിൽ..പ്രതീക്ഷിച്ച് ചെന്നത് തന്നെ കിട്ടിയതിനാൽ ഞാൻ സംതൃപ്തനാണ്..ഒരു ഫെസ്റ്റീവ് മോഡിൽ കാണാൻ പറ്റിയ ചിത്രം..ദ്വയാർഥപ്രയോഗങ്ങൾ തീരെയില്ല എന്നത് അഭിനന്ദനം അർഹിക്കുന്നു..ഈദ് റിലീസുകളിൽ എനിക്ക് ഏറ്റവും സംതൃപ്തി നൽകുകയും എന്റർടൈൻ ചെയ്യിക്കുകയും ചെയ്ത ചിത്രമായി മാറുന്നു റോൾ മോഡൽസ്..അമിത പ്രതീക്ഷ ഇല്ലാതെ പോയാൽ സാധാരണ പ്രേക്ഷകരെ ചിത്രം കയ്യിലെടുക്കും..

My Rating :: ★★★☆☆

0Comments

, by Abeed Azad

In 1.5 star movies, Comedy

Avarude Ravukal (2017) - 140 min

"ഞങ്ങൾ വീണ്ടുമൊരു യാത്ര പോവുകയാണ്..ആദ്യ യാത്ര ഞങ്ങളുടെ പ്രശ്നങ്ങളുടെ ഉറവിടം തേടി ഉള്ളതായിരുന്നെങ്കിൽ ആ യാത്രയുടെ അവസാനം അദ്ധേഹം ഉയർത്തിയ ആ വലിയ ചോദ്യം..അതിനുള്ള ഉത്തരം തേടിയുള്ള യാത്രയാണിത്''

🔻Story Line🔻
ഒരു പ്രശ്നം പരിഹരിക്കാൻ രണ്ട് വഴികളാണുള്ളത്..ഒരു എളുപ്പ വഴിയും മറ്റൊരു ബുദ്ധിമുട്ടുള്ള വഴിയും..അത്തരത്തിൽ തങ്ങളുടെ ജീവിതത്തിലെ പ്രശ്നങ്ങളും അതിനുള്ള പ്രതിവിധിയും തേടി കൊച്ചിയിലെത്തിയതാണ് ആഷികും വിജയ്‌യും സിദ്ധാർഥും..അവർ മൂവരും കണ്ടുമുട്ടുന്നതാവട്ടെ സ്കോബോയുടെ അടുത്തും..

സ്കോബോ അവരുടെ വീട്ടുടമ മാത്രമായിരുന്നില്ല, അവർക്ക് വേണ്ടിയിരുന്ന എല്ലാ ഉപദേശങ്ങളും അദ്ധേഹത്തിന്റെ പക്കൽ ഉണ്ടായിരുന്നു..അങ്ങനെ സ്കോബോയിലൂടെ അവരുടെ പ്രശ്നങ്ങൾക്ക് ഒരു ഉത്തരം തേടുകയാണ് മൂവരും..

🔻Behind Screen🔻
മങ്കിപെൻ എന്ന ചിത്രത്തിന് ശേഷം ഷാനിൽ മുഹമ്മദ് തിരക്കഥയെഴുതി സംവിധാനം ചെയ്ത ചിത്രമാണ് അവരുടെ രാവുകൾ..എന്റെ ഇഷ്ടചിത്രങ്ങളിൽ ഒന്നാണ് മങ്കിപെൻ..വേറിട്ട പ്രമേയവും രസകരമായ ആഖ്യാനവും എത്ര കണ്ടാലും മടുപ്പ് തോന്നിക്കുകയില്ല..എന്നാൽ അതിൽ നിന്ന് ഈ സിനിമയിലേക്ക് വരുമ്പോൾ സംവിധായകൻ സകല പ്രതീക്ഷകളും തച്ചുടച്ചു എന്നേ പറയാനാവൂ..ഇത്തരത്തിലുള്ള ഒരു പ്രമേയം തെരഞ്ഞെടുക്കുമ്പോൾ ആദ്യം വേണ്ടിയിരുന്നത് കഥാപാത്രങ്ങളെ പ്രേക്ഷകനിലേക്ക് അടുപ്പിക്കുക എന്നതായിരുന്നു..സിനിമാമോഹവുമായി തമിഴ്നാട്ടിൽ നിന്ന് വണ്ടി കയറിയ ആഷിഖും മാനസികമായി സമ്മർദം അനുഭവിച്ച് ഒരു വിശ്രമത്തിനായി വന്ന വിജയ്യും എന്താണ് പ്രശ്നം എന്ന് പോലുമറിയാത്ത സിദ്ധാർഥും പ്രേക്ഷകനെ യാതൊരു തരത്തിലും സ്വാധീനിക്കുന്നില്ല..വിജയ് ആണ് കുറച്ചെങ്കിലും പ്രേക്ഷകന്റെ മനസ്സിൽ തൊടുന്ന കഥാപാത്രം..എന്നാലും ഒരു പൂർണ്ണത ഇല്ല..ആഷിഖിന്റേത് പൊതുവേ കണ്ടുവരുന്ന ഒന്നുമാത്രമായി.. തുടക്കത്തിൽ കാണിച്ച രംഗങ്ങളൊക്കെ സർക്കാസം ആണോ അതോ ഒറിജിനൽ ആണോ എന്ന് ഇപ്പോഴും മനസിലായിട്ടില്ല..ഞരമ്പ് രോഗം ഇത്ര വലിയ പ്രശ്നമാണോ എന്ന് സിദ്ധാർഥിന്റെ കഥാപാത്രം കണ്ടപ്പോൾ തോന്നി..സിദ്ധാർഥിന്റെ ക്യാരക്ടറൈസേഷൻ തീരെ ബോധിച്ചില്ല..ഈ മൂവർ സംഘത്തിൽ ഒരു കല്ലുകടി തന്നെയായിരുന്നു സിഡ്..ഒട്ടും സുഖകരവും എൻഗേജിംഗും അല്ലാത്ത ആഖ്യാനം ശരിക്കും പ്രേക്ഷകന്റെ ക്ഷമ പരീക്ഷിക്കുന്നുണ്ട്..പലയിടങ്ങളിലും നല്ല രീതിയിൽ ലാഗിംഗ് അനുഭവപ്പെടുന്നുണ്ട്..ഊഹിക്കാൻ കഴിയുന്ന പല കഥാസന്ദർഭങ്ങളും ആവശ്യമില്ലാത്ത സീനുകളുമൊക്കെയായി ആകെ അവിയൽ പരുവത്തിൽ പാചകം ചെയ്തിരിക്കുന്ന ഒരു ചിത്രമായി മാറുന്നു അവരുടെ രാവുകൾ..ചില ഇൻസ്പിറേഷണൽ ഡയലോഗുകളും നർമ രംഗങ്ങളും മാത്രമാണ് ആശ്വാസമായി ഉണ്ടായിരുന്നത്..നർമ്മങ്ങൾ ചീറ്റിപ്പോയതും അനവധി ഉണ്ടെന്നത് മറ്റൊരു സത്യം..

🔻On Screen🔻
വിനയ് ഫോർട്ട്, ആസിഫലി, ഉണ്ണിമുകുന്ദൻ എന്നിവരാണ് കേന്ദ്ര കഥാപാത്രങ്ങളെ അവതരിപ്പിച്ചത്..ഇതിൽ നല്ല പ്രകടനം കാഴ്ച്ചവെച്ചതായി തോന്നിയത് വിനയ് ഫോർട്ട് മാത്രമാണ്..കിട്ടിയ വേഷം ഭംഗിയായി ചെയ്തു..ആസിഫലിയുടേത് ശരാശരിക്ക് മുകളിൽ നിന്നു..ചില രംഗങ്ങളൊക്കെ കയ്യടക്കത്തോടെ ചെയ്തു ഫലിപ്പിച്ചു.. ഉണ്ണിമുകുന്ദന്റെ കഥാപാത്രം പോലെ തന്നെ വേഷവും വേണ്ടിയിരുന്നില്ല എന്ന് തോന്നി..നെടുമുടി വേണു തനിക്ക് കിട്ടിയ വേഷം നല്ല രീതിയിൽ കൈകാര്യം ചെയ്തു..നായികമാർക്ക് കാര്യമായി ഒന്നും ചെയ്യാനുണ്ടായിരുന്നില്ല..

🔻Music & Technical sides🔻
വിഷ്ണു നാരായണിന്റെ ഛായാഗ്രഹണത്തിൽ എടുത്തുപറയത്തക്ക യാതൊന്നും ഉണ്ടായിരുന്നില്ല..ശങ്കർ ശർമയുടെ പശ്ചാത്തല സംഗീതം നന്നായിരുന്നു..ഒരു ഗാനമൊഴികെ ബാക്കിയെല്ലാം ശരാശരിയിലും അതിന് താഴെയുമായി ഒതുങ്ങി..ഇരു വിഭാഗവും സിനിമയുടെ മൂഡിനനുസരിച്ച് തങ്ങളുടെ ഭാഗം കൈകാര്യം ചെയ്തിട്ടുണ്ട്..

🔻Final Verdict🔻
ജീവിതത്തിൽ പല ഘട്ടങ്ങളിലായി വീണുപോകുന്നവർക്ക് നല്ല ഒരു മെസേജ് നൽകുവാനുള്ള ശ്രമമാണ് സംവിധായകന്റെ ഈ ചിത്രം..എന്നാൽ ആഖ്യാനത്തിലെ വിരസതയും ദുർബലമായ തിരക്കഥയും പ്രേക്ഷകനിൽ യാതൊരു ഇംപാക്ടും ഉണ്ടാക്കുന്നില്ല..ആയതിനാൽ തന്നെ ശരാശരിയിൽ താഴെ സംതൃപ്തി മാത്രമാണ് ചിത്രം എനിക്ക് നൽകിയത്..ഇത്തരത്തിലുള്ള ചിത്രങ്ങൾ ഇഷ്ടപ്പെടുന്നവർക്ക് ഒരുപക്ഷേ ചിത്രം തൃപ്തി നൽകിയേക്കാം..അതും അമിതപ്രതീക്ഷയില്ലാതെ സമീപിച്ചാൽ മാത്രം..കൂടുതൽ നല്ല സൃഷ്ടികളുമായി സംവിധായകൻ നല്ലൊരു തിരിച്ചുവരവ് നടത്തുമെന്ന് പ്രതീക്ഷിക്കുന്നു..

My Rating :: ★½

0Comments

, by Abeed Azad

In 2.5 star movies, Drama

Oru Cinemakaran (2017) - 125 min

'അവളുടെ അമ്മയുടെ ഓർമക്കായി അവൾ കൂടെ കൊണ്ടുനടന്നതായിരുന്നു ആ മാല..എന്നാൽ ഇപ്പോൾ അത് ബാങ്ക് ജപ്തി ചെയ്യുന്നതിന്റെ വക്കിലാണ്..ഏത് വിധേനയും ഒരു ലക്ഷം രൂപ എനിക്ക് സംഘടിപ്പിച്ചേ മതിയാവൂ''

സ്വന്തമായി ഒരു സിനിമ എന്ന മോഹവുമായി നടക്കുകയാണ് ആൽബി..പലരുടെയും അസിസ്റ്റന്റായി വർക്ക് ചെയ്തുള്ള പരിചയവും ഒരു സ്ക്രിപ്റ്റും അദ്ധേഹത്തിന്റേതായുണ്ട്..കൂടെ ഒരു പ്രണയവും..എന്നാൽ ഇരുവരുടെയും വീട്ടുകാർ എതിർക്കുന്നതോടെ അവർക്ക് സ്വന്തമായി ഒരു താമസസ്ഥലം കണ്ടെത്തേണ്ടി വരുന്നു..

അവിടെ വെച്ച് സ്വന്തം സിനിമക്കായി പ്രൊഡ്യൂസറെ തപ്പി നടക്കുന്ന സമയത്താണ് അദ്ധേഹത്തിന് മറ്റൊരു സംഭവം വെല്ലുവിളിയാവുന്നത്..തുടർന്ന് അദ്ധേഹത്തിന്റെ ജീവിതം വലിയൊരു വഴിത്തിരിവിലേക്ക് നീങ്ങുന്നു..

🔻Behind Screen🔻
പയ്യൻസ് എന്ന തന്റെ ചിത്രത്തിന് ശേഷം നീണ്ട ഒരു ഇടവേള കഴിഞ്ഞ് ലിയോ തദേവൂസ് തിരക്കഥയെഴുതി സംവിധാനം ചെയ്തിരിക്കുന്ന ചിത്രമാണ് ഒരു സിനിമാക്കാരൻ..ആദ്യ പകുതി ആൽബിയുടെ കുടുംബവും ജീവിതവുമൊക്കെയായി മുന്നോട്ട് പോവുമ്പോൾ ഇടവേളക്ക് ശേഷം ചിത്രം ത്രില്ലറിലേക്ക് ട്രാക്ക് മാറുന്നു..എന്നാൽ തിരക്കഥയിലെ ദുർബലതയും പാളിച്ചകളും ക്ലീഷേകളുടെ അതിപ്രസരവും ആസ്വാദനത്തിന് വലിയ തോതിൽ അടിയായിട്ടുണ്ട്..ചിരിപ്പിക്കാതെ നിശ്ഫലമായി പോവുന്ന കോമഡികളാണ് ചിത്രത്തിൽ ഭൂരിഭാഗവും ഉള്ളത്..അതിനാൽ തന്നെ ആദ്യ പകുതി വിരസതയോടെയാണ് കണ്ടുതീർത്തത്..എന്നാൽ രണ്ടാം പകുതി കുറച്ച് കൂടി വേഗത കൈവരിക്കുകയും നിലവാരം പുലർത്തുകയും ചെയ്യുന്നുണ്ട്..എന്നാൽ പഴുതടച്ച ഒരു ത്രില്ലർ എന്നും വിശേഷിപ്പിക്കാനാവില്ല ചിത്രത്തെ.ടെയിൽ എന്റ് സിനിമ പകുതി എത്തിയപ്പോഴേ ഊഹിച്ചിരുന്നു..

🔻On Screen🔻
ആൽബിയുടെ വേഷം വിനീത് ശ്രീനിവാസനും കാമുകിയായി റജിഷയും വേഷമിട്ടു..തൃപ്തികരമായിരുന്നു ഇരുവരുടെയും പ്രകടനം.. റൺജി പണിക്കർ ചെയ്ത വേഷം അത്ര ബോധിച്ചില്ല..ചില ഭാവങ്ങൾ കണ്ടപ്പോൾ പശു ചാണകമിടുന്ന ഭാവമല്ലേ ഇതെന്ന് തോന്നി..ലാലിനും വലിയ റോളുണ്ടായിരുന്നില്ല..അനുശ്രീയും പ്രശാന്ത് നാരായണനും കിട്ടിയ റോളുകൾ ഭംഗിയാക്കി..

🔻Music & Technical Sides🔻
സുധീർ സുരേന്ദ്രന്റെ ഛായാഗ്രഹണം കഥക്ക് മികച്ച പിന്തുണയാണ് നൽകിയിക്കുന്നത്..സിനിമയെ വേഗത്തിൽ നയിക്കുന്നതിന് അത് സഹായിച്ചു..കൂടെ ബിജിബാലിന്റെ പശ്ചാത്തലസംഗീതം കൂടി ആയപ്പോൾ രണ്ടാം പകുതി അത്യാവശ്യം ത്രില്ലടിപ്പിച്ചു..ഗാനങ്ങൾ ശരാശരിയിൽ ഒതുങ്ങി..എഡിറ്റിംഗ് നന്നായിരുന്നു..

🔻Final verdict🔻
ചിത്രത്തിന്റെ പേരുമായി ഒരു ബന്ധവും പുലർത്തുന്നില്ല കഥ..തുടക്കവും ഒടുക്കവും മാത്രമാണ് 'സിനിമ'യെ പരാമർശിക്കുന്നത്..വിരസമായ ആദ്യ പകുതിയും അത്യാവശ്യം ത്രില്ലടിപ്പിച്ച രണ്ടാം പകുതിയും ചേർത്ത് വായിക്കുമ്പോൾ ശരാശരി സംതൃപ്തി മാത്രമാണ് ചിത്രം സമ്മാനിച്ചത്..അമിത പ്രതീക്ഷ ഇല്ലാതെ സമീപിച്ചാൽ തൃപ്തിപ്പെടുത്തിയേക്കാവുന്ന ഒന്ന് മാത്രമായി ഒതുങ്ങുന്നു ഈ സിനിമാക്കാരൻ..

My Rating :: ★★½

0Comments

, by Abeed Azad

In 4 star movies, Action

Rangoon (2017) - 154 min

''എന്നെ ഇപ്പോൾ ആരെങ്കിലുമൊക്കെ ആരാധിക്കുന്നുണ്ടെങ്കിൽ അതിന്റെ ഫുൾ ക്രെഡിറ്റും റുസ്തമിന് അവകാശപ്പെട്ടതാണ്..അദ്ധേഹത്തോട് എനിക്ക് എന്തെന്നില്ലാത്ത സ്നേഹമോ ബഹുമാനമോ ആണ്..എന്നാൽ ഇപ്പോൾ മനസ്സിന് ഒരു ചാഞ്ചല്യം..മറ്റൊരാൾ കൂടി അതിൽ ഇടം കണ്ടെത്തിയോ?''

ഇന്ത്യൻ സിനിമ ചരിത്രത്തിന് 1935ൽ റിലീസ് ചെയ്ത Hunterwali എന്ന ചിത്രത്തിന്റെ സംഭാവന ഒഴിവാക്കാൻ സാധിക്കാത്തതാണ്..പുരുഷന്മാർ മാത്രം കുത്തകയാക്കി വെച്ചിരുന്ന സിനിമയിലെ ആക്ഷനിലും സാഹസിക രംഗങ്ങളിലും ആദ്യമായി ഒരു സ്ത്രീ കൈകടത്തിയിരിക്കുന്നു..Fearless Nadia..അതായിരുന്നു അവളെ എല്ലാവരും ഓമനിച്ച് വിളിച്ചിരുന്നത്..ചിത്രം വൻ ജനസ്വീകാര്യത നേടിയതോടെ Nadia ഏവർക്കും പ്രിയപ്പെട്ടവളായി..Hunterwali എന്ന പേരിൽ പല സാമഗ്രികളും വിപണിയിൽ ചൂടപ്പം പോലെ വിറ്റഴിഞ്ഞു..

രംഗൂണിലെ ജൂലിയ എന്ന കഥാപാത്രം Fearless Nadiaയിൽ നിന്ന് പ്രചോദനം ഉൾകൊണ്ട് സൃഷ്ടിച്ചതാണ്..ഇന്ത്യയിലും വിദേശത്തും ഒരേപോലെ സ്വീകാര്യതയുള്ള നടിയായി അവൾ വളർന്നു..പുരുഷന്മാരെ പോലെ തന്നെ ആയോധനകലകൾ അവളിൽ നന്നായി വഴങ്ങി..അവളെ ഇത്ര പോപ്പുലറാക്കിയതിന്റെ ക്രെഡിറ്റ് റുസ്തം ബില്ലിമോറിയക്ക് അവകാശപ്പെട്ടതാണ്.. അതിന്റെ സ്നേഹവും നന്ദിയും അവളിൽ എപ്പോഴുമുണ്ട്..അവനെ സ്വന്തമാക്കാനും അവൾ ആഗ്രഹിക്കുന്നു..

അങ്ങനെയിരിക്കെ ഒരു പ്രത്യേക സാഹചര്യത്തിൽ അവളുടെ ജീവിതത്തിലേക്ക് മറ്റൊരാൾ കൂടി കടന്നുവരുന്നു..അവൾ പോലുമറിയാതെ അവൾ അവനെ സ്നേഹിച്ച് തുടങ്ങി..ദിവസങ്ങൾ കഴിയുന്തോറും അത് ശക്തി പ്രാപിച്ചു.. തുടർന്ന് അവളുടെ ജീവിതം മാറിമറിയുന്നു..

Vishal Bhardwaj സംവിധാനം ചെയ്തിരിക്കുന്ന രംഗൂൺ രണ്ടാം ലോക മഹായുദ്ധ കാലഘട്ടത്തിലെ കഥയാണ് മുന്നിൽ വെക്കുന്നത്..ബ്രിട്ടീഷുകാരിൽ നിന്നും രക്ഷനേടാനായി ഇന്ത്യക്കാർ ഒന്നിച്ച് INA രൂപീകരിക്കുന്നതും അവർക്കെതിരെ പോരാടുന്നതും എല്ലാം ചിത്രം കാണിക്കുന്നുണ്ട്..വിരോധാഭാസം എന്തെന്നാൽ ബ്രിട്ടീഷ് ആർമിയിലും ഇന്ത്യക്കാർ തന്നെയായിരുന്നു കൂടുതലായി സേവനം അനുഷ്ടിച്ചിരുന്നത്..കയ്യൂക്കുള്ളവന്റെ കൂടെ നിൽക്കുക..ഇതായിരുന്നു അവരുടെ തത്വം..ജമാധാർ നവാബ് മാലിക്കും അത്തരത്തിൽ ബ്രിട്ടീഷ് ആർമിക്ക് വേണ്ടി പണിയെടുത്തിരുന്നവനാണ്..

ജൂലിയയുടെ വേഷം ഗംഭീരമാക്കിയത് കങ്കണയാണ്..ക്വീനിന് ശേഷം കങ്കണക്ക് ലഭിച്ച മികച്ച വേഷം..തുടക്കം മുതൽ ഒടുക്കം വരെ ഒരേ എനർജിയോടെയുള്ള പെർഫോമൻസ്..ആദ്യ പകുതിയിൽ ഷാഹിദ് കപൂറുമായുള്ള കോമ്പിനേഷൻ സീനിലെ ചില ഡയലോഗുകളും ഭാവങ്ങളും നന്നേ ബോധിച്ചു..രണ്ടാം പകുതിയിൽ വികാരഭരിതമായ പല മുഹൂർത്തങ്ങളും മികച്ചതാക്കി..നവാബ് മാലിക്കായി സ്ക്രീനിൽ നിറഞ്ഞ് നിന്നത് ഷാഹിദ് കപൂറാണ്..കയ്യടി അർഹിക്കുന്ന പ്രകടനം..സെയ്ഫ് അലി ഖാന്റെ റുസ്തമം മനസ്സിൽ പതിഞ്ഞ് നിൽക്കുന്നത് തന്നെ..പ്രത്യേകിച്ച് ക്ലൈമാക്സിലെ പ്രകടനം..ബ്രിട്ടീഷുകാരായി അഭിനയിച്ചവരും മികച്ച പ്രകടനം കാഴ്ച്ചവെച്ചു..

ചിത്രത്തിന്റെ ഛായാഗ്രഹണവും പശ്ചാത്തലസംഗീതവും എടുത്ത് പറയേണ്ട ഘടകങ്ങളാണ്..മനോഹരമായ വിഷ്വൽസാണ് ചിത്രത്തിന്റേത്..പശ്ചാത്തലസംഗീതവും മികച്ചത് തന്നെ..ഗാനങ്ങൾ പാതി ശരാശരിയും ബാക്കിയുള്ളവ കേൾക്കാൻ ഇമ്പമുള്ളതുമായിരുന്നു..

രണ്ടര മണിക്കൂറിന് മുകളിൽ ദൈർഘ്യമുള്ള ചിത്രം തിരക്കഥ ആവശ്യപ്പെടുന്ന വേഗതയിൽ മാത്രം സഞ്ചരിക്കുന്ന ഒന്നാണ്..ആദ്യ പകുതി ചെറിയ നർമരംഗങ്ങളൊക്കെയായി രസിപ്പിച്ച് മുന്നേറുമ്പോൾ രണ്ടാം പകുതി ഒരു ത്രില്ലറിന് വഴിവെക്കുന്നു..ഗംഭീര ക്ലൈമാക്സോടു കൂടി ചിത്രം അവസാനിക്കുന്നു..ഒരു ഫാസ്റ്റ് പേസ് മൂവി പ്രതീക്ഷിക്കാതെ സമീപിച്ചാൽ ഒരു മികച്ച അനുഭവമാവും രംഗൂൺ സമ്മാനിക്കുക..

My Rating :: ★★★★☆

0Comments

, by Abeed Azad

In 4.5 star movies, Comedy

Ulidavaru Kandanthe (2014) - 154 min

''എന്തിനാവും രഘു നാട്ടിൽ വന്നിട്ടുണ്ടാവുക.?.എന്താവും റിച്ചിക്ക് സംഭവിച്ചിട്ടുണ്ടാവുക..?.പെട്ടെന്ന് ഒരു അനുമാനത്തിൽ എത്തിച്ചേരുക സാധ്യമല്ല..സത്യം അറിയണമെങ്കിൽ ഇവർ അഞ്ച് പേരുടെയും വാക്കുകൾ കേട്ടേ പറ്റൂ''

മാൾപ്പ്.. ഉഡുപ്പിയിൽ അറബിക്കടലിനോട് ചേർന്ന ഗ്രാമം..അവിടെയാണ് ആ സംഭവം നടന്നത്..എന്നാൽ പെട്ടെന്ന് അതിന്റെ സത്യാവസ്ഥ അറിയുക സാധ്യമല്ല..അതുകൊണ്ട് തന്നെ അഞ്ച് പേരുടെ വിവരണത്തിലൂടെ അതിലേക്ക് എത്തിച്ചേരാൻ ശ്രമിക്കുകയാണ് റെജീന..

സ്ഥലത്തെ പ്രധാന റൗഡിയാണ് റിച്ചി..അവനിലൂടെയാണ് ചിത്രത്തിന്റെ കഥ പറഞ്ഞ് പോവുന്നത്..അവനും റെജീനയും തമ്മിൽ പഴയ ഒരു ബന്ധമുണ്ട്.. അത് തന്നെയാണ് അവളെ ഈ അന്വേഷണത്തിന് പ്രേരിപ്പിക്കുന്നതും..

കന്നടയിലെ പ്രമുഖ നടനും തിരക്കഥാകൃത്തുമായ രക്ഷിത് ഷെട്ടി ആദ്യമായി സംവിധാനം ചെയ്ത ചിത്രമെന്ന നിലയിൽ തന്നെ സിനിമ ശ്രദ്ധ നേടിയിരുന്നു..ചിത്രത്തിന്റെ തിരക്കഥയും അദ്ധേഹത്തിന്റേത് തന്നെ..ഹാറ്റ്സ് ഓഫ്..നല്ല കിടിലൻ തിരക്കഥയും അതിനൊത്ത ആവിഷ്കരണവും..ഒരു പുതുമുഖ സംവിധായകന്റേതെന്ന് തോന്നിക്കാത്ത വിധം മിക്കച്ച് നിൽക്കുന്നുണ്ട് ചിത്രം..നോൺ ലീനിയർ ആഖ്യാനമാണ് ചിത്രത്തിന്റേത്..അത് തന്നെയാണ് ചിത്രത്തെ വ്യത്യസ്തമാക്കുന്നത്..ചിത്രത്തെ 6 ചാപ്റ്ററുകളായി തിരിച്ചാണ് കഥ പറഞ്ഞ് പോവുന്നത്..

സംവിധായകൻ രക്ഷിത് ഷെട്ടി തന്നെയാണ് റിച്ചിയുടെ വേഷവും അവതരിപ്പിച്ചിരിക്കുന്നത്..ഒറ്റ ചിത്രം കൊണ്ട് ഞാൻ ഒരു നടന്റെ ഫാൻ ആയിട്ടുണ്ടെങ്കിൽ അത് രക്ഷിതിന്റെയാണ്..അതിഗംഭീര പെർഫോമൻസ്..കെട്ടിലും മട്ടിലും അദ്ധേഹം റിച്ചി ആയി കസറി..വാക്കിലും നോക്കിലും നടത്തത്തിലും ഡാൻസിലും തന്റേതായ ശൈലി അദ്ധേഹം റിച്ചിയിൽ ചാർത്തിയിട്ടുണ്ട്..അപാര സ്ക്രീൻ പ്രസൻസും ഡയലോഗ് ഡെലിവറിയും..ഇടക്കിടെ വരുന്ന ഇംഗ്ലിഷ് ഡയലോഗുകളും തകർത്തു..അങ്ങനെ കാണികളുടെ മുഴുവൻ കയ്യടിയും അദ്ധേഹം സ്വന്തമാക്കി..സംവിധായകൻ റിഷബ് ഷെട്ടിയും ഒരു പ്രധാന വേഷം കൈകാര്യം ചെയ്തിട്ടുണ്ട്..കിഷോർ,ഷീതൾ എന്നിവരും പ്രമുഖ വേഷങ്ങളിൽ സ്ക്രീനിലെത്തി..കിഷോറിന്റെ വേഷം ശ്രദ്ധേയമായിരുന്നു..

ചിത്രത്തിന്റെ ക്യാമറയും സംഗീതവുമൊക്കെ ഒന്നിനൊന്ന് മികച്ച് നിൽക്കുന്നു..മനോഹരമായ ഫ്രെയിമുകളും പുലികളിയുമൊക്കെ ഒരു വിരുന്ന് തന്നെയായിരുന്നു.. ഗാനങ്ങളും പശ്ചാത്തല സംഗീതവും ചിത്രത്തിന്റെ മാറ്റ് കൂട്ടുന്നു..എന്റെ പ്ലേലിസ്റ്റിലും അവ ഇടം നേടിക്കഴിഞ്ഞു..

ബോക്സ് ഓഫീസിൽ വൻ വിജയമായത് പോലെ തന്നെ അവാർഡുകളും ചിത്രം സ്വന്തമാക്കി.. karnataka state film awardസിൽ ഡയറക്ഷനും മ്യൂസിക്‌ ഡയറക്ടറും അവാർഡ് സ്വന്തമാക്കിയപ്പോൾ Filmfare awardസിൽ മേൽപറഞ്ഞതുൽപ്പടെ മൂന്ന് അവാർഡുകൾ സ്വന്തമാക്കി..

ഇതിനകം തന്നെ ഭൂരിഭാഗം പ്രേക്ഷകരും ചിത്രം കണ്ട് കഴിഞ്ഞിട്ടുണ്ടാവും..ഇതിന്റെ തമിഴ് റീമേക്കായി നിവിൻ പോളി നായകനാവുന്ന റിച്ചി ഉടൻ റിലീസ് ചെയ്യും..ആ വേഷവും സിനിമയും എത്രത്തോളം മികച്ച് നിൽക്കുമെന്ന കാത്തിരിപ്പിലാണ് ഇപ്പോൾ..ചിത്രം കാണാത്തവർ ഉടൻ തന്നെ കാണാൻ ശ്രമിക്കുക..

My Rating :: ★★★★½

0Comments

, by Abeed Azad

Abeed Azad

Pages

Bekas (2012) - 97 min

Role Models (2017) - 131 min

Avarude Ravukal (2017) - 140 min

Oru Cinemakaran (2017) - 125 min

Rangoon (2017) - 154 min

Ulidavaru Kandanthe (2014) - 154 min

Blog Archive

TOTAL VISITS

GENRE

STAR RATINGS

LANGUAGE

COUNTRY

THIS IS SPECIAL

MOST VIEWED