മനുഷ്യയുഗത്തിന്റെ അന്ത്യമായി.. അവസാന ജീവനും ഭൂമിയിൽ നിന്ന് ഇല്ലാതായി.. അവിടെയാണ് '9' കണ്ണ് തുറന്ന് എഴുന്നേൽക്കുന്നത്.. ഒരു കൊച്ചു വീട്ടിൽ..ആരോ നൂലിനാൽ നെയ്ത ഒരു കൊച്ച് പാവക്കുട്ടിയാണവൻ.. തനിക്ക് ഒട്ടും പരിചിതമല്ലാത്ത സ്ഥലമാണതെന്ന് മനസ്സിലാക്കുന്ന അവൻ പുറത്തേക്ക് ഇറങ്ങുകയാണ്.. അവിടെ വെച്ചാണ് അവൻ '2'നെ കാണുന്നത്.. തന്നെപ്പോലെ തന്നെ നൂലിനാൽ നെയ്ത മറ്റൊരു പാവ.. തുടർന്ന് സൗഹൃദ സംഭാഷണത്തിലേർപ്പെടുന്ന അവരെ ഒരു Machine ആക്രമിക്കുന്നു.. ചെറുത്ത് നിൽക്കാൻ ശ്രമിച്ചെങ്കിലും 2നെ മെഷീൻ തന്റെ സ്ഥലത്തേക്ക് തട്ടിക്കൊണ്ടുപോവുന്നു.. എന്ത് ചെയ്യണമെന്നറിയാതെ പരിഭ്രമിച്ച് നിൽക്കുന്ന സമയത്താണ് '5','7' എന്നിവരെയും അവരുടെ നേതാവായ '1'നെയും കണ്ടുമുട്ടുന്നത്..