ബുദ്ധിമാന്ദ്യമുള്ള അഛന്റെയും മകളുടെയും വൈകാരിക ബന്ധത്തിന്റെ കഥ പറഞ്ഞ് നമ്മുടെ മനസ്സ് കീഴടക്കിയ ചിത്രമാണ് 'ദൈവത്തിരുമകൾ'.. കൊറിയൻ ചിത്രങ്ങൾ കാണുന്നതിനിടയിൽ അങ്ങനെയൊരെണ്ണം അവിടെയും കാണുവാൻ ഇടയായി.. അതാണ് ''Miracle in cell no 7''

Lee yong-go എന്ന ബുദ്ധിമാന്ദ്യമുള്ള അഛന്റെയും മകൾ Ye seungന്റെയും കഥയാണ് ''Miracle in cell No 7''.. ഒരു നിമിഷം പോലും പിരിഞ്ഞിരിക്കാൻ പറ്റാത്തത്ര ആത്മബന്ധം ആണ് അവർക്കിടയിൽ.. എന്നാൽ ഒരു പ്രത്യേക സാഹചര്യത്തിൽ ഒരു പോലീസ് കമ്മീഷണറുടെ കുട്ടിയെ റേപ്പ് ചെയ്ത് കൊലപ്പെടുത്തിയ കേസിൽ Lee അറസ്റ്റ് ചെയ്യപ്പെടുന്നു.. അദ്ധേഹത്തെ പാർപ്പിക്കുന്ന സെല്ലാവട്ടെ കൂട്ടത്തിൽ കൊടും കുറ്റവാളികൾ താമസിക്കുന്നതും ഏറ്റവും സുരക്ഷാ ക്രമീകരണങ്ങളുമുള്ള 'cell No 7'ൽ..

ചിത്രത്തിലെ എന്നെ ഏറ്റവും ആകർഷിച്ച ഘടകം Leeയുടെ കഥാപാത്രം അവതരിപ്പിച്ച Ryu Seung ന്റയും Ye seungന്റെ കഥാപാത്രം അവതരിപ്പിച്ച Kal So-won ന്റയും ഗംഭീര അഭിനയം ആണ്.. ഇരുവരുടെയും സക്രീൻ പ്രസൻസ് മികച്ചതായിരുന്നു.. സഹതടവുകാരും സിനിമയിൽ നിറഞ്ഞ് നിന്നിരുന്നു.. വൈകാരിക മുഹൂർത്തങ്ങളും ചെറിയ നർമങ്ങളും കൊണ്ട് സമ്പന്നമായ ഈ മനോഹര ചിത്രം അണിയിച്ചൊരുക്കിയത് Lee Hwan-kyung ആണ്.. ചില രംഗങ്ങളിൽ കണ്ണ് നനയിക്കത്തക്ക മുഹൂർത്തങ്ങളുള്ള ഈ ചിത്രം സംവിധായകന്റെ ഒരു മികച്ച വർക്ക് തന്നെയാണ്.. എന്റെ ഫേവറേറ്റുകളിൽ ഒന്നും.. മനസ്സിൽ നിന്നും മായാത്ത ഒരു മുഖമായി തോന്നുന്നു 'Kal'ന്റെത്..

ചിത്രത്തിന് ഞാൻ നൽകുന്ന റേറ്റിംഗ് :::
''5/5''