ഡോ.ലവ്വിന് ശേഷം കെ.ബിജു കഥയെഴുതി സംവിധാനം ചെയ്ത ചിത്രമാണ് ഇത്..പുതുമയൊന്നും അവകാശപ്പെടാനില്ലാത്ത തിരക്കഥയാണെങ്കിലും പതിവ് ദിലീപ് ചിത്രങ്ങൾ പോലെ മോശമാക്കിയില്ല..തൃശ്ശൂർ ഭാഷയിലുള്ള സംഭാഷണങ്ങൾ അധികമായപ്പോൾ ചെറിയ അലോസരമുണ്ടാക്കി അവ..ചിത്രത്തിന്റെ ആദ്യ പകുതി നർമ്മത്തിൽ ചാലിച്ചാണ് മുന്നോട്ട് പോയതെങ്കിൽ രണ്ടാം പകുതി സീരിയസ് മോഡിലാണ് കൂടുതലും സഞ്ചരിച്ചത്..നർമ്മരംഗങ്ങൾ നന്നേ കുറവായിരുന്നു ഇടവേളക്ക് ശേഷം..ആദ്യ പകുതിയിലും ചീറ്റിപ്പോയ കുറച്ച് നമ്പറുകൾ ഉണ്ടായിരുന്നെങ്കിലും ചിരിപ്പിച്ചവയും ഉണ്ടായിരുന്നു..

ലോജിക്കിനെ കാറ്റിൽ പറത്തിയ തിരക്കഥ ആണെങ്കിലും സംവിധാനത്തിൽ ചെറിയ മികവ് പുലർത്തിയത് ചിത്രത്തിന് ഗുണകരമായി.. ക്ലീഷേ രംഗങ്ങളാലും ഊഹിക്കാവുന്ന ക്ലൈമാക്സാലും സമ്പുഷ്ടമാണെങ്കിലും ഒരു പ്രതീക്ഷയും ഇല്ലാതെ പോയത് കൊണ്ട് ഒരു തവണ കാണാനുള്ള വക ചിത്രം എനിക്ക് നൽകി..സമയദൈർഘ്യം കൂടിയത് മൂലം ചെറിയ  ഇഴച്ചിൽ അനുഭവപ്പെട്ടിരുന്നു..