Abeed Azad

🔻സിനിമ കണ്ട് കഴിഞ്ഞപ്പോൾ നേരെ വിക്കിപീഡിയയിൽ ജൂഡിയെ തിരഞ്ഞു. ഇതുവരെ കേൾക്കാത്ത, അല്ലെങ്കിൽ ശ്രദ്ധിക്കാതെ പോയ ഒരു പേരായിരുന്നു ജൂഡി. ചെറുപ്പത്തിൽ തന്നെ സ്റ്റേജ് ആർട്ടിസ്റ്റായും ഗായികയായും നടിയായുമൊക്കെ കഴിവ് തെളിയിച്ചവൾ. ഗ്രാമ്മിയും ബാഫ്തയുമടക്കമുള്ള അവാർഡുകൾക്ക് അർഹയായവൾ. തന്റെ സൗന്ദര്യം കൊണ്ടും ശബ്ദം കൊണ്ടും ലോകം കീഴ്പെടുത്തിയവൾ. എന്നാൽ ഇതിൽ നിന്നൊക്കെ ഒരു ട്രാജിക്ക് മരണത്തിലേക്ക് ജൂഡിയെ നയിച്ചതെന്താണ്.? സിനിമ ചർച്ച ചെയ്യുന്നതും ജൂഡിയുടെ അവസാന കാലഘട്ടമാണ്.

Year : 2019
Run Time : 1h 58min

🔻ഒരു സിനിമ ഭൂരിഭാഗവും അടയാളപ്പെടുത്തുക സംവിധായകന്റെയോ എഴുത്തുകാരന്റെയോ പേരിലാവും. എന്നാൽ Judy തീർത്തും Renee Zellwegerന്റെ ചിത്രമാണെന്ന് നിസ്സംശയം പറയാം. അത്ര ഗംഭീര പ്രകടനമാണ് Renee കാഴ്ചവെച്ചിരിക്കുന്നത്. ഈ വർഷത്തെ ഓസ്കർ കരസ്ഥമാക്കിയതും ജൂഡിയിലൂടെ Renee തന്നെയാണ്. ഈ പ്രകടനത്തോടൊപ്പം ജൂഡിയുടെ ജീവിതം നന്നായി അവതരിപ്പിച്ചിരിക്കുന്നതോട് കൂടി ജൂഡി നല്ലൊരു ചിത്രമാവുന്നു.

🔻ഭർത്താവുമായി പിരിഞ്ഞ് മക്കളുമൊത്ത് ജീവിക്കുന്ന കാലഘട്ടത്തിലാണ് സാമ്പത്തികമായി പല കോട്ടങ്ങളും ജൂഡിയുടെ ജീവിതത്തിൽ സംഭവിക്കുന്നത്. മക്കളെ ഇനി കൂടെ നിർത്തണമെങ്കിൽ സാമ്പത്തികമായി സ്ഥിരത ആവശ്യമായെന്ന് തോന്നിയ ഘട്ടത്തിലാണ് ലണ്ടനിൽ പലയിടങ്ങളിലായി കോൺസെർട്ടുകൾ അവതരിപ്പിക്കാൻ ജൂഡി  തയ്യാറായത്. ഈയൊരു ഭാഗത്തിലൂടെയാണ് സംവിധായകൻ കഥ പറഞ്ഞ് പോവുന്നത്.

🔻അഭിനയത്തിലേക്ക് കടന്നുവന്ന സമയത്ത് തന്നെ ഏറെ കഷ്ടതകൾ അനുഭവിക്കേണ്ടി വന്നിട്ടുണ്ട് ജൂഡിക്ക്. ഉറക്കവും ഭക്ഷണവുമെല്ലാം ഒരു കൗമാരക്കാരിക്ക് ലഭിക്കേണ്ടുന്നതിന്റെ അളവിനോളം ലഭിക്കാതിരുന്നത് ആരോഗ്യപരമായി പല കുഴപ്പങ്ങൾക്കും വഴിവെച്ചു. അത് ജൂഡിയെ നയിച്ചത് ഡ്രഗ്സിന്റെ ഉപയോഗത്തിലേക്കാണ്. ആ കാലഘട്ടത്തിൽ ഉപയോഗിച്ച് തുടങ്ങിയ ഡ്രഗ്സുകൾ ജൂഡിയുടെ ലൈംലൈറ്റിലെ അധഃപതനത്തിലേക്കാണ് പിന്നീട് നയിച്ചത്.

🔻ലണ്ടനിലെ ജൂഡിയുടെ പ്രോഗ്രാമുകൾ വിശദമായി തന്നെ സിനിമ ചർച്ച ചെയ്യുന്നുണ്ട്. അതിലേക്ക് ജൂഡിയെ നയിക്കുന്ന സാഹചര്യങ്ങൾ, താല്പര്യം ഇല്ലാതിരുന്നിട്ടും കുടുംബത്തിന് വേണ്ടി മനസില്ലാമനസോടെ ഏൽക്കേണ്ടി വന്ന ഷെഡ്യൂളുകൾ, ഇതിനിടയിൽ ആരോഗ്യപരമായ പ്രശ്നങ്ങൾ, വിവാഹം തുടങ്ങി അനവധി കാര്യങ്ങളിലേക്ക് വെളിച്ചം വീശുന്നുണ്ട് സംവിധായകൻ. അതിനൊപ്പം തന്നെ തന്റെ ആദ്യകാലഘട്ടത്തിൽ അനുഭവിക്കേണ്ടി വന്ന യാതനകളെയും പ്രേക്ഷകരിലേക്ക് എത്തിക്കാൻ ചെറുരംഗങ്ങളിലൂടെ സാധിച്ചിട്ടുണ്ട്. ഇടയ്ക്കിടെ പോരായ്മകൾ വന്നുപോവുന്നുണ്ടെങ്കിലും Reneeയുടെ പെർഫോമൻസ് അതിനെയെല്ലാം കവച്ച് വെക്കുന്നുണ്ട്.

🔻ജൂഡിയുടെ പ്രശസ്തമായ ഗാനങ്ങൾ വീണ്ടും പിറവിയെടുക്കുമ്പോൾ എന്തെന്നില്ലാത്ത സുഖമാണ് അത് സമ്മാനിക്കുക. അതിനൊപ്പം സുന്ദരമായ കൊറിയോഗ്രഫിയും മികവ് പുലർത്തുമ്പോൾ മനോഹരമാവുന്നുണ്ട് ആ വേളകൾ. Renee വാക്കിലും നോക്കിലും ജൂഡിയായി ജീവിക്കുമ്പോൾ അത്ഭുതപ്പെടുത്തും വിധം സ്‌ക്രീൻ പ്രസൻസ് കയ്യാളുന്നുണ്ട്. ബോഡി ലാംഗ്വേജ് പോലും എന്തൊരു അനായാസമാണ് കഥാപാത്രത്തിലേക്ക് സമന്വയിപ്പിച്ചിരിക്കുന്നത്.

🔻ＦＩＮＡＬ ＶＥＲＤＩＣＴ🔻

ഒരാളുടെ മാത്രം കഥയല്ല ജൂഡി പറയുന്നത്. ജൂഡി ഗാർലാന്റിനെ പോലെ പല അവസരങ്ങളിലായി ജീവിതം കൈവിട്ടുപോയവരുടെ ഓർമ്മപുതുക്കൾ കൂടിയാണ് ഈ ചിത്രം. അണിയറക്ക് പിന്നിലുള്ളവരേക്കാളേറെ ക്യാമറക്ക് മുന്നിലുള്ള Renee ആണ് പ്രധാന ആകർഷണം. ബയോഗ്രഫി ഡ്രാമകൾ ഇഷ്ടപ്പെടുന്നവർക്ക് ധൈര്യമായി കാണാം ജൂഡിയുടെ ഈ ജീവിതം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻പോലീസിനെയും നിയമവ്യവസ്ഥയെയും വെല്ലുവിളിക്കുന്ന, വളരെ പൈശാചികവും  ഈഗോയിസ്റ്റിക്കുമായ mindset ഉള്ള ഒരു വില്ലനെ നേരിടേണ്ടി വരികയാണ് SP ശിവാനി റോയിക്ക്. പെൺകുട്ടികളെ തട്ടിക്കൊണ്ട് പോവുകയും ക്രൂരവും മൃഗീയവുമായ രീതിയിൽ കൊലപ്പെടുത്തുകയും ചെയ്യുന്ന സൈക്കോ. കുത്തനെ കൂടിക്കൊണ്ടിരിക്കുന്ന ക്രൈം റേറ്റിന് ആക്കം കൂട്ടാതിരിക്കാൻ ആ കൊലയാളിയെ കണ്ടെത്തുകയെന്നതാണ് ഒരേയൊരു പോംവഴി.

Year : 2019
Run Time : 1h 43min

🔻ഒരു സസ്പെൻസ് ത്രില്ലറല്ല മർദാനി 2. ആദ്യ രംഗം തന്നെ വില്ലനെ കാണിക്കുകയും തുടർന്ന് കേന്ദ്രകഥാപാത്രങ്ങൾ തമ്മിലുള്ള ക്യാറ്റ് & മൗസ് ഗെയിമുമാണ് നമുക്കായി കാത്തിരിക്കുന്നത്. അങ്ങനെയൊരു പ്ലോട്ടിൽ വരാവുന്ന ക്ലിഷേകൾ പലതും ലൈവായി നിലനിൽക്കുന്നതും അവതരണത്തിലെ old school ശൈലി ആസ്വാദനത്തെ ഒരൽപം പിന്നോട്ടടിക്കുന്നതും സിനിമയിൽ പോരായ്‌മ തന്നെയാണ്. എന്നാൽ വില്ലനായി വന്ന Vishal Jethwaയുടെ ഗംഭീര പ്രകടനം നമ്മെ വിസ്മയിപ്പിക്കും. ഒപ്പം ചിത്രം മുന്നോട്ട് വെക്കുന്ന ആശയങ്ങളും gender equality, സ്ത്രീസുരക്ഷ, ഇന്ത്യയിലെ ക്രൈം റേറ്റ് തുടങ്ങിയ വിഷയങ്ങളിൽ  സൊസൈറ്റിയുമായുള്ള കലഹങ്ങളും എല്ലാ കാലഘട്ടത്തിലും പ്രസക്തിയാർജിക്കുന്ന ഒന്നാണ്. പ്ലോട്ടിനോട് ചേർന്ന് നിൽക്കാത്ത ഒറ്റ രംഗം പോലും ഒന്നേ മുക്കാൽ മണിക്കൂർ മാത്രം ദൈർഖ്യമുള്ള ചിത്രത്തിൽ കാണിച്ച് തരാനാവില്ല. അത്ര crisp യും വെടിപ്പായും ത്രില്ലർ ഒരുക്കുന്നതിൽ സംവിധായകൻ വിജയിച്ചിട്ടുണ്ട്. ഒപ്പം റാണി മുഖർജിയും മികച്ച പ്രകടനം കാഴ്ചവെച്ചിട്ടുണ്ട്.

🔻ത്രില്ലർ പ്രേമികൾക്ക് തീർച്ചയായും ഒരു തവണ കാണാനുള്ള വക മർദാനി 2 ഒരുക്കിവെച്ചിട്ടുണ്ട്. പോരായ്മകൾ ഒരുപാടുണ്ടെങ്കിലും  ചിത്രം കൈകാര്യം ചെയ്യുന്ന വിഷയത്തിന്റെ തീവ്രത കൊണ്ട് അവയൊക്കെയും മറന്ന് കളയാൻ സാധിക്കും. ഫലമോ അത്യാവശ്യം ആസ്വദിച്ച് കാണാവുന്ന ഒരു ത്രില്ലറും.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻വലിയൊരു എഴുത്തുകാരനാവണമെന്നാണ് മാത്യുവിന്റെ ആഗ്രഹം. എന്നാൽ ഏറെ പരിശ്രമിച്ചെഴുതിയ രചനകൾ പോലും പബ്ലിഷ് ചെയ്യാൻ സാധിക്കാത്തതിന്റെ വിഷമവും അവനിലുണ്ട്. ക്ലീനിങ്ങ് ഡിപ്പാർട്ട്മെന്റിൽ ജോലി ചെയ്യുന്ന മാത്യുവിന് ആയിടക്കാണ് അന്തരിച്ച ഒരു പട്ടാളക്കാരൻ താമസിച്ചിരുന്ന വീട്ടിൽ ജോലി കിട്ടിയത്. അവിടെ വെച്ച് അവന്റെ ജീവിതം ഒരു വഴിത്തിരിവിലേക്ക് സഞ്ചരിക്കുകയായിരുന്നു.

Year : 2015
Run Time : 1h 44min

🔻ആ വീട്ടിൽ നിന്ന് മാത്യുവിന് ലഭിച്ച ഒരു ജേർണൽ തന്റെ പേരിൽ പുസ്തകമായി പബ്ലിഷ് ചെയ്യുന്നു. കണ്ണടച്ച് തുറക്കുന്നതിനും മുമ്പായിരുന്നു അവന്റെ വളർച്ച. ആഗ്രഹിച്ചത് പോലെ പേരും പ്രശസ്തിയും അവനെ തേടിയെത്തി. എന്നാൽ ഒരു ഊരാക്കുരുക്കിലേക്കായിരുന്നു ആ യാത്രയെന്ന് മൂന്ന് വർഷത്തിന് ശേഷമാണ് മാത്യു തിരിച്ചറിഞ്ഞത്.

🔻തീരെ സങ്കീർണ്ണമല്ലാത്ത, ഏതൊരാൾക്കും ഒരുപോലെ ഇഷ്ടപ്പെടുന്ന അവതരണമാണ് ചിത്രത്തിന്റെ ഏറ്റവും വലിയ പ്ലസ് പോയിന്റ്. നമ്മെ കൺഫ്യൂഷൻ അടിപ്പിക്കാനായി യാതൊരു കൈകടത്തലും കഥയിൽ കാണാൻ സാധിക്കില്ല. എന്നാൽ കാണികളുടെ താല്പര്യമൊട്ട് കുറയുകയുമില്ല. അത്ര പക്വമായാണ് കഥയെ സംവിധായകൻ കൈകാര്യം ചെയ്തിരിക്കുന്നത്.

🔻അതിവേഗം നീങ്ങുന്ന ത്രില്ലറായിട്ടല്ല കഥയെ അവതരിപ്പിച്ചിരിക്കുന്നത്. നീരസമുണ്ടാക്കാത്ത വിധം കഥയിലേക്ക് കടക്കാൻ സമയമെടുത്തതിന് ശേഷം മാത്രം ബാക്കിയുള്ള കഥാപാത്രങ്ങളെ പരിചയപ്പെടുത്തുകയും ശേഷം മെയിൻ കണ്ടന്റിലേക്ക് കടക്കുകയും ചെയ്യുന്ന വിധമാണ് ആഖ്യാനം. ഒരിക്കലും അതൊരു പോരായ്മയായി തോന്നില്ല എന്ന് മാത്രമല്ല ഓരോ നിമിഷം കഴിയുമ്പോഴും കാണിയെന്ന നിലയിൽ കൂടുതൽ താല്പര്യവാനാക്കാനും ചിത്രത്തിന് സാധിച്ചിട്ടുണ്ട്.

🔻ചില രംഗങ്ങളിൽ മാത്രം കഥാപാത്രം കണക്കെ ഒഴുകിവരുന്ന പശ്ചാത്തലസംഗീതമുണ്ട്. ആ സീനിന്റെ അവതരണത്തേക്കാളേറെ നമ്മുടെ ശ്രദ്ധ പതിക്കുക ആ മ്യൂസിക് നോട്ടിലായിരിക്കും. സുപ്രധാന രംഗങ്ങളിലെല്ലാം സംഗീതം അഭിവാജ്യഘടകമായി നിലകൊള്ളുന്നുണ്ട് ചിത്രത്തിൽ. ലളിതമായ തിരക്കഥക്കും  കയ്യടക്കത്തോടെയുള്ള അവതരണത്തിനുമൊപ്പം ഒരു ത്രില്ലറായി ചിത്രത്തെ മാറ്റുന്നതിൽ പശ്ചാത്തലസംഗീതവും വലിയൊരു പങ്ക് വഹിച്ചിട്ടുണ്ട്. ഒപ്പം നായകന്റെ പ്രകടനവും മികച്ചുനിൽക്കുന്നുണ്ട്.

🔻ＦＩＮＡＬ ＶＥＲＤＩＣＴ🔻

ഒരു ഫാസ്റ്റ് പേസ്ഡ് ത്രില്ലർ അല്ല നമുക്കായി കാത്തിരിക്കുന്നത്. പകരം ഡ്രാമയായി പാതിയോളം പിന്നിട്ട ശേഷം കഥാപാത്രങ്ങൾ തമ്മിലുള്ള കോൺഫ്ലിക്റ്റ് നമുക്ക് മുന്നിൽ  തുറന്ന് കാട്ടി, ശേഷം മാത്രം ത്രില്ലർ പരിവേഷം സ്വീകരിക്കുന്ന മികച്ച ചിത്രമാണ്. അധികം കണ്ടുകാണാൻ സാധ്യതയില്ലാത്ത കഥയായത് കൊണ്ട് തന്നെ നല്ലൊരു അനുഭവം തന്നെയാവും എന്ന കാര്യത്തിൽ സംശയമില്ല. മാത്രമല്ല ചെറിയൊരു സന്ദേശം കൂടി ചിത്രം അവശേഷിക്കുന്നുണ്ട്.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻മെക്സിക്കോ എന്ന ചെറു രാജ്യം സമ്പദ്വ്യവസ്ഥയുടെ കാര്യത്തിൽ ഒരുപാട് മുന്നിൽ നിൽക്കുന്ന ഒന്നാണ്. മാത്രമല്ല വളർച്ചാനിരക്കിലും തങ്ങളുടേതായ സ്ഥാനം അവർ കണ്ടെത്തുന്നുണ്ട്. നോർത്ത് അമേരിക്കൻ ഭൂഖണ്ഡത്തിലെ അഭിവാജ്യ ഘടകങ്ങളിൽ ഒന്ന് തന്നെയാണ് ഈ രാജ്യം. എന്നാൽ ഇവയ്‌ക്കെല്ലാം ഭീഷണിയായി നിൽക്കുന്ന ഒന്നുണ്ട് ആ രാജ്യത്ത്. ലോകത്തെ ഏറ്റവും വലിയ Drug Cartelഉകളിൽ ഒന്നാണ് ഈ രാജ്യം. ഒപ്പം Organ Traffickingഉം.

Year : 2017
Run Time : 1h 23min

🔻നാം സ്ഥിരം വായിക്കുന്ന ഫെയറി ടെയ്‌ലുകളിൽ എന്തെല്ലാം കാര്യങ്ങളാണ് തുടർച്ചയായി വരാറുള്ളത്. രാജകുമാരൻ. രാജകുമാരി,അവരുടെ പരിവാരങ്ങൾ, ദുർമന്ത്രവാദികൾ, കടുവകൾ, ചെന്നായകൾ അങ്ങനെ നീണ്ടുപോകും സംഗതികൾ. ഇവയ്‌ക്കെല്ലാം പുറമെ മാറ്റിനിർത്താൻ സാധിക്കാത്ത ഒരു കാര്യം കൂടിയുണ്ട്. മൂന്ന് വരങ്ങൾ. ഇതേ കുറിച്ച് സംസാരിക്കുന്ന വിദ്യാർത്ഥികളുടെ കാതുകളിലാണ് വെടിശബ്ദം മുഴങ്ങുന്നത്. തുടർന്ന് ജീവൻ രക്ഷിക്കാനുള്ള പരക്കം പാച്ചിലിലാണ് ഓരോരുത്തരും.

അങ്ങനെയൊരു സന്ദർഭത്തിലാണ് എസ്‌ട്രെല്ല ഷൈനിനെയും സംഘത്തെയും കണ്ടുമുട്ടുന്നത്. നഷ്ടങ്ങളുടെ കണക്കുപുസ്തകങ്ങൾ മാത്രം കയ്യിലൊതുക്കാൻ വിധിക്കപ്പെട്ട ചില ബാല്യങ്ങൾ. മാതാപിതാക്കളുടെ സ്നേഹവും വാത്സല്യവും കരുതലും അറിഞ്ഞ് ജീവിക്കേണ്ട പ്രായത്തിൽ കയറിക്കിടക്കാൻ ഒരു മേൽക്കൂര പോലും ഇല്ലാത്ത കുരുന്നുകൾ. അവർക്കിടയിലേക്ക് എസ്‌ട്രെല്ല കൂടി വരുമ്പോൾ അവളൊരു ദൗത്യത്തിന്റെ കൂടി ഭാഗമാവുകയായിരുന്നു. അവർക്ക് ചുറ്റും അനേകം വെല്ലുവിളികളും.

🔻കേവലമൊരു സിനിമ എന്നതിലുപരി വ്യക്തമായ രാഷ്ട്രീയത്തിന്റെ വക്താവ് കൂടിയാണ് Tigers Are Not Afraid. സിനിമയുടെ കേന്ദ്രകഥാപാത്രങ്ങളായ ബാല്യങ്ങളിലൂടെ തുറന്ന് കാട്ടുന്നത് രാജ്യത്തിന്റെ തന്നെ സാമൂഹികവ്യവസ്ഥിതിയെയാണ്. Sicario എന്ന ചിത്രത്തിൽ കണ്ട Drug Cartelsനെ അതിന്റെ തീവ്രതയോടെ ദർശിക്കാനാവും ഈ ചിത്രത്തിൽ. ഒരു സുപ്രഭാതത്തിൽ തനിക്ക് ചുറ്റുമുള്ളവരൊക്കെ കാണാതാവുകയെന്ന ദുസ്വപ്നവും പേറി ജീവിക്കുന്ന ജനങ്ങളുടെ നേർക്കാഴ്ച്ചയാണ് ഓരോ കഥാപാത്രങ്ങളും. സംസാരശേഷി ഉണ്ടായിരുന്ന Morro എന്തോ കണ്ട് ഭയന്ന് സംസാരശേഷി നഷ്ടപ്പെട്ടതാണെന്ന സ്റ്റേറ്റ്മെന്റിൽ തന്നെയുണ്ട് സാധാരണജനങ്ങളുടെ ദുസ്സഹമായ ജീവിതത്തിന്റെ അടയാളപ്പെടുത്തലുകൾ. ഇത്തരത്തിൽ അനവധി ജീവനുകളുടെ ബാക്കിപത്രമാണ് ഈ ചിത്രം.

🔻സിനിമയെന്ന രീതിയിൽ അതിന്റെതായ മികവ് പുലർത്തുന്നുണ്ട് ഈ ചിത്രം. സാധാരണ ഗതിയിലുള്ള അവതരണത്തിൽ ഭംഗിയായി ഫാന്റസി-ഹൊറർ എലമെന്റുകൾ കൂട്ടിച്ചേർത്തിരിക്കുന്നത് കാണാം. സിനിമയെന്ന നിലയിലുള്ള അനുഭവത്തിന് അത് മാറ്റേകുന്നുണ്ട്. ഭൂരിഭാഗവും റിയലിസ്റ്റിക് രീതി അവലംബിക്കുന്ന അവതരണം ആസ്വാദനത്തിന് ഗുണം ചെയ്യുന്നുണ്ട്. ആ കുട്ടികളുടെ ഗംഭീര പ്രകടനം പറയാതിരിക്കാൻ പറ്റില്ല. എന്തൊരു റിയാലിറ്റിയാണ് അവർ പകർന്ന് നൽകുന്നത്. ഒപ്പം രാത്രിയുടെ ഭീകരത പകർത്തിയെടുക്കുന്ന ഛായാഗ്രഹണമികവും പശ്ചാത്തലസംഗീതവും അഭിനന്ദനാർഹം തന്നെ.

🔻ＦＩＮＡＬ ＶＥＲＤＩＣＴ🔻

Drug Mafiaയുടെയും Organ Traffickingന്റെയും ഇരയായി കഴിഞ്ഞ പത്ത് വർഷങ്ങൾക്കിടെ കൊല്ലപ്പെട്ട ലക്ഷക്കണക്കിന് ജനങ്ങളുടെയും കാണാനില്ല എന്ന് മാത്രം അറിവുള്ള അറുപതിനായിരത്തോളം ജീവനുകളുടെയും ഓർമപ്പെടുത്തലാണ് ഈ ചിത്രം. മെക്സിക്കോ എന്ന രാജ്യത്തിൻറെ ക്രൈം റേറ്റ് ഏറ്റവും കൂടുതൽ കുടിയിരിക്കുന്നത് ഈ രണ്ട് സംഗതികളിലാണ്. അവിടുത്തെ ബാല്യങ്ങളെ എങ്ങനെയാണ് ഇതൊക്കെ ബാധിക്കുന്നത്.? ഒരിക്കലും നഷ്ടപ്പെടുത്തരുത് ഈ ചിത്രം. കേവലം ഒന്നര മണിക്കൂറിൽ ഒരുപാട് ജീവിതങ്ങൾ നമ്മെ കാത്തിരിക്കുന്നുണ്ട്.

ＡＢ ＲＡＴＥＳ ★★★★☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2019
Run Time : 2h 13min

🔻വീണ്ടും ചിന്തിപ്പിക്കുന്ന ഒരു കഥയുമായാണ് ആയുഷ്മാൻറെ വരവ്. കരിയർ ഗ്രാഫ് മുകളിലേക്ക് മാത്രം ഉയർത്തുന്ന ഘട്ടത്തിൽ ക്വാളിറ്റിയുടെ കാര്യത്തിൽ Dream Girl അൽപ്പം പതർച്ച നൽകിയെങ്കിലും Balaയിലൂടെ വീണ്ടും ട്രാക്കിലാവാൻ ആയുഷ്മാന് സാധിച്ചിട്ടുണ്ട്. തന്റെ കഷണ്ടിത്തല ഒരു ബലഹീനതയായി കൊണ്ടുനടക്കുന്ന ബാലയെന്ന ചെറുപ്പക്കാരന്റെ കഥയാണ് ചിത്രം കൈകാര്യം ചെയ്യുന്നത്. ബാലയുടെ കഥ നമ്മെ ചിന്തിപ്പിക്കുകയും ഒരുപാട് ചിരിപ്പിക്കുകയും ചെയ്യുന്നിടത്താണ് പ്രേക്ഷകനെ കയ്യിലെടുക്കുന്നതിൽ ചിത്രം വിജയിക്കുന്നത്.

🔻ആയുഷ്മാൻ ഖുറാനെയും യാമി ഗൗതമും ഭൂമി പട്നേക്കറും ഒരുമിച്ച് തകർത്തഭിനയിച്ച ചിത്രമാണ് Bala. സൗരഭ് ശുക്ലയടക്കമുള്ള ബാക്കിയുള്ള അഭിനേതാക്കളും ഇവരോടൊപ്പം തന്നെ നില്കുനുണ്ട്. സർക്കാസ്റ്റിക്കായി അവതരിപ്പിച്ച് പ്രേക്ഷകരെ  entertain ചെയ്ത് മുന്നേറുമ്പോഴും സിനിമ മുന്നോട്ട് വെക്കുന്ന ആശയത്തിൽ നിന്ന് തെല്ലും വ്യതിചലിക്കുന്നില്ല. ഭൂമിയുടെ റോൾ അതിനായി നല്ല രീതിയിൽ ഉപയോഗിച്ചിട്ടുണ്ട്. പക്ഷെ കരി വാരി തേച്ചത് പോലെയുള്ള മേക്കപ്പ് തീർത്തും അലോസരപ്പെടുത്തുന്നതായിരുന്നു. സിനിമയിൽ തോന്നിയ ആകെയൊരു പോരായ്മയും അത് തന്നെ.

🔻എല്ലാവരിലും ഒരു പോസിറ്റീവ് ഫീൽ നൽകുവാനും കോൺഫിഡൻസ് ലെവൽ വർദ്ധിപ്പിക്കാനും ചിത്രത്തിനായിട്ടുണ്ട്. ആയുഷ്മാൻറെ ബോഡി ലാംഗ്വേജ് അടക്കം ചിരിയുടെ പൂരം തീർക്കുമ്പോ പ്രേക്ഷകനെന്ന നിലയിൽ എന്നെ ഒരൽപം ചിന്തിപ്പിക്കുവാനും സിനിമക്ക് സാധിച്ചിട്ടുണ്ടെങ്കിൽ ബാല ഒരു വിജയം തന്നെയാണ്. ധൈര്യമായി സമീപിക്കാവുന്ന ഒരു entertainer എന്ന നിലയിലും നല്ലൊരു ചിത്രമെന്ന നിലയിലും Bala is a good flick.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2011
Run Time : 1h 26min

🔻മനോഹരമായ തുടക്കവും പ്രേക്ഷകരെ ഒരു മാജിക്കൽ ഫീലിലേക്ക് എലവേറ്റ് ചെയ്യുന്ന പക്വമായ, പ്രണയാതുരമായ അവതരണവും. ഏറെ പ്രതീക്ഷയായിരുന്നു ഇത്തരത്തിലൊരു സ്വപ്നതുല്യമായ തുടക്കം ഒരു പ്രേക്ഷകന് എന്ന നിലയിൽ ലഭിച്ചപ്പോൾ. എന്നാൽ കഥാപാത്രങ്ങൾ തമ്മിലുള്ള കോൺഫ്ലിക്ടുകൾ കഥയിലേക്ക് കടന്നുവരുന്നത് മുതൽ ദുർബ്ബലമായിപ്പോവുന്നുണ്ട് അവതരണം. പ്രണയം നിറഞ്ഞുനിൽക്കുന്ന ഒരു രംഗം കഴിഞ്ഞുടനെ തന്നെ ഇരുവരും തമ്മിൽ പിരിയുന്ന കാരണമൊന്നും വ്യക്തമായി പറഞ്ഞ് വെക്കാൻ സാധിക്കാത്തിടത്ത് ആസ്വാദനം കുത്തനെ ഇടിയുന്നുണ്ട്. അവിടുന്ന് uplift ചെയ്യാൻ അൽപ്പം സമയം എടുക്കുന്നുമുണ്ട്. തുടർന്ന് വീണ്ടും പഴയ ഫീലിലേക്ക് ഉയർന്ന് വരുമ്പോൾ പാളിച്ചകളൊക്കെ മറക്കാൻ സാധിച്ചാൽ നല്ലൊരു റൊമാന്റിക്ക്  മൂവി ആസ്വദിക്കാം. ഫെലിസിറ്റിയുടെ ചിരിയിൽ പോലും അപാര ക്യൂട്ട്നെസ്സ് നിറഞ്ഞ് നിൽക്കുന്നുണ്ട്. ഫെലിസിറ്റിയെ ഏറ്റവും സുന്ദരിയായി കാണാൻ സാധിച്ചതും ഈ ചിത്രത്തിലാണ്. ഒപ്പം നല്ല പ്രകടനവും.

As a one time watchable movie, 'Like Crazy' is a recommended one.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻Night Shyamalanന്റെ ഭൂരിഭാഗം  സിനിമകൾക്കും ഏറെ പ്രത്യേകത തോന്നിയിട്ടുണ്ട്. സിനിമയുടെ കഥക്ക് അനുയോജ്യമായ മൂഡ് ക്രിയേറ്റ് ചെയ്യുന്നതിൽ തന്റേതായ സിഗ്നേച്ചർ അദ്ദേഹം പതിപ്പിക്കാറുണ്ട്. The Village എന്ന underrated സിനിമ അതിന് ഏറ്റവും നല്ല ഉദാഹരണമാണ്. Servant സീരീസിൽ അദ്ദേഹം പ്രൊഡ്യൂസർ ആണെങ്കിൽ കൂടി അദ്ദേഹത്തിന്റെ പല കരവിരുതുകളും കാണാനാവും. ഹൊറർ മൂഡ് ക്രിയേറ്റ് ചെയ്യുന്ന വിധമാണ് എടുത്ത് പറയേണ്ടത്. Jump Scare പേരിന് പോലുമില്ലാതെ കാണികളിൽ creepy atmosphere ഈ സീരീസ് നൽകുന്ന വിധം കണ്ടറിയേണ്ടത് തന്നെ.

Year : 2019
Episode : 10
Run Time : 30 min each

🔻ഡൊറോത്തിയും ഷോണും തങ്ങളുടെ കുഞ്ഞിനെ നോക്കാനായി ഒരു സെർവന്റിനെ ആവശ്യപ്പെട്ട് പത്രത്തിൽ പരസ്യം കൊടുക്കുന്നു. പലരും അതിനായി അപേക്ഷ അയച്ചെങ്കിലും അതിലൊന്നിലും തൃപ്തിപ്പെടാതെ വന്ന, റിപ്പോർട്ടറായി ജോലി ചെയ്യുന്ന ഡൊറോത്തി ഒടുവിൽ എത്തിച്ചേർന്നത് ലിയാന്റെ CVയിലാണ്. അതിൽ പ്രത്യേകത അനുഭവപ്പെട്ട ഡൊറോത്തി ലിയാനെ സർവെന്റായി നിശ്ചയിക്കുന്നു. എന്നാൽ അവരെ കാത്തിരുന്നത് അപ്രതീക്ഷിതമായ ദുരനുഭവങ്ങളായിരുന്നു.

🔻ഓരോ ആഴ്ചയും റിലീസ് ആവുന്ന എപ്പിസോഡുകളായാണ് servant കണ്ടുതീർത്തത്. അതുകൊണ്ട് തന്നെ Binge watch ചെയ്യുന്ന ഒരാളുടെ അനുഭവമായിരിക്കില്ല ഒരു പ്രേക്ഷകനെന്ന നിലയിൽ എനിക്ക് ലഭിച്ചിട്ടുണ്ടാവുക. ആസ്വാദകനെന്ന നിലയിൽ ഏറെ ആകാംഷയോടെ കാത്തിരിക്കുകയാണ് ഓരോ എപ്പിസോഡ് കഴിയുമ്പോഴും  ഞാൻ ചെയ്തിട്ടുള്ളത്. കാരണം എന്തെന്നാൽ ഭൂരിഭാഗം എപ്പിസോഡുകളിലും കഥയെ പറ്റി യാതൊരു ഐഡിയയും നമുക്ക് ലഭിക്കില്ല എന്നത് തന്നെ. കാണുന്നവരിൽ കൺഫ്യൂഷൻ ക്രിയേറ്റ് ചെയ്യുക എന്ന ദൗത്യം കൃത്യമായി ഓരോ എപ്പിസോഡും നിർവ്വഹിക്കുമ്പോൾ കിളി പോയ പോലെ നോക്കിയിരിക്കാം എന്നത് മാത്രമായിരുന്നു പ്രതിവിധി. വിരലിലെണ്ണാവുന്ന കഥാപാത്രങ്ങൾ മാത്രമേ സീരീസിൽ ഉള്ളൂ. എന്നിട്ടാണ് ഇമ്മാതിരി ചെയ്ത്ത്.

🔻ആദ്യ എപ്പിസോഡിൽ തന്നെ ഒരു മാരക ട്വിസ്റ്റ് ഒളിപ്പിച്ച് വെച്ചപ്പോൾ അതിനെ പറ്റി കൂടുതൽ അറിയാനായി ആഗ്രഹം തോന്നും ഓരോ എപ്പിസോഡ് കഴിയുമ്പോഴും. എന്നാൽ കൈ വഴുതി പോവുന്ന മീൻ പോലെ പിടിച്ചാൽ കിട്ടാത്ത കഥാസന്ദർഭങ്ങളുമായി വേറൊരു തലത്തിലേക്ക് യാത്ര ചെയ്യുകയാണ് ഓരോ എപ്പിസോഡും. ഇപ്പോൾ എന്താണ് സംഭവിക്കുന്നതെന്ന് പൂർണ്ണമായി മനസ്സിന് ഉൾകൊള്ളാൻ സാധിക്കാത്ത വിധം വിദഗ്ധമായി നമ്മെ കബളിപ്പിക്കുന്നുണ്ട് സംവിധായകൻ. ഒടുവിൽ സീസൺ ഫിനാലെയിൽ cliffhangerൽ നിർത്തി ഒരു എന്റിങ്ങും. അടുത്ത സീസണിനായി കാത്തിരിക്കാൻ അത് മാത്രം മതിയാവും.

🔻ഡാർക്ക് atmosphere കൊണ്ട് ഓരോ രംഗവും നിറയുമ്പോഴും creepy ഫീൽ നൽകുന്ന പശ്ചാത്തലസംഗീതം കാതുകളിൽ താങ്ങി നിൽക്കുമ്പോഴും ഭയം അരിച്ചിറങ്ങും കാണികളിൽ. അത്ര ഗംഭീരമായിട്ടാണ് ടെക്നിക്കൽ വശങ്ങൾ കഥയോട് ചേർന്ന് നിൽക്കുന്നത്. പല ക്യാമറ ആംഗിളുകൾ പോലും വേറൊരു തലത്തിലേക്ക് ആ രംഗങ്ങളെ എലവേറ്റ് ചെയ്യുന്നുണ്ട്. നിഗൂഢത നിറഞ്ഞ കഥയെ അതിനേക്കാൾ നിഗൂഢമായ അവതരണശൈലിയിലൂടെ പുതു അനുഭവമാക്കി മാറ്റുന്നുണ്ട് സംവിധായകൻ. അതിനായി കഥാപാത്രങ്ങളായി തന്നെ നിലകൊള്ളുന്നുണ്ട് ഛായാഗ്രഹണവും പശ്ചാത്തലസംഗീതവും.

🔻ＦＩＮＡＬ ＶＥＲＤＩＣＴ🔻

ഹൊറർ മൂഡ് ക്രിയേറ്റ് ചെയ്യുന്നതിൽ ഒരു പാഠപുസ്തകമാണ് Servant. Jump Scare കണ്ട് മടുത്തവർക്ക് നല്ലൊരു പ്ലോട്ടും അതിനൊപ്പം നിൽക്കുന്ന അവതരണവുമായി മികച്ച അനുഭവമാകും സീരീസ് സമ്മാനിക്കുക. Night Shyamalan എന്ന പേര് നമുക്ക് നൽകുന്ന പ്രതീക്ഷ അസ്ഥാനത്താക്കുന്നില്ല Servant. ദൈർഖ്യം കുറവായത് കൊണ്ട് തന്നെ വേഗം തീരുകയും ചെയ്യും.

 ＡＢ ＲＡＴＥＳ ★★★½

സീരീസ് ടെലിഗ്രാം ചാനലിൽ ലഭ്യമാണ്. Abi Suggests

🔻ചില റിവ്യൂകൾ എഴുതുമ്പോൾ കഥയെ പറ്റിയോ ജേണറിനെ പറ്റിയോ എവിടെയും പ്രതിപാദിക്കാറില്ല. റിവ്യൂ വായിക്കുന്ന ചിലർ അതൊരു പോരായ്മയായി പറയുകയും ചെയ്യാറുണ്ട്. Believe Me അത്തരം സിനിമകളെ പറ്റി ഞാൻ കൂടുതൽ എഴുതിയാൽ കാണാത്തവരോട് ചെയ്യുന്ന ഏറ്റവും വലിയ അപരാധമാവും. അത്തരത്തിലൊരു സിനിമയാണ് Mathu Vadaralaയും.

Year : 2019
Run Time : 2h 10min

🔻ഭൂരിഭാഗം സിനിമകളും ഏതെങ്കിലുമൊരു ജേണറിൽ stick on ചെയ്ത് കാണികളെ കയ്യിലെടുക്കാറാണ് പതിവ്. അല്ലെങ്കിൽ അത്തരത്തിലുള്ള അവതരണമാണ് പല സിനിമകൾക്കും ഏറ്റവും അനുയോജ്യമായത്. എന്നാൽ ചില സിനിമകളിൽ മാത്രം പല ജേണറുകൾ ബ്ലെൻഡ് ചെയ്തുള്ള അവതരണം കാണാം. അതൊരു പരീക്ഷണമാണ്. ഭൂരിഭാഗം സന്ദർഭങ്ങളിലും അത് വിജയിക്കാതെ പോവാറുണ്ട്. വിരളമായ ചില അനുഭവങ്ങൾ മാത്രം ആസ്വാദകരെ തൃപ്തിപ്പെടുത്തി നിലയുറപ്പിക്കും. അതിൽ ഏറ്റവും ബുദ്ധിമുട്ടുള്ളത് ത്രില്ലറും കോമഡിയും തമ്മിൽ കൃത്യമായി ഇഴചേർന്ന് കൊണ്ടുപോവുന്നതാണെന്ന് തോന്നിയിട്ടുണ്ട്. ഇന്ത്യൻ സിനിമകളിൽ നന്നേ കുറവുള്ള ഒരു Genre Mix ആണത്. Agent Sai Srinivasa Athreya മാത്രമാണ് ഓർമ്മയിൽ നിലനിൽക്കുന്ന കോമിക് സസ്പെൻസ് ത്രില്ലർ. ഈ സിനിമ ഒരുപടി കൂടി മുന്നോട്ട് പോയിരിക്കുകയാണ്. കോമഡിയും ത്രില്ലറും ഒപ്പം ബ്ലാക്ക് ഹ്യൂമറും കൂടി ഗംഭീരമായി കൂട്ടിയിണക്കിയിരിക്കുകയാണ് Mathu Vadarala. സത്യത്തിൽ Andhadhunന് ശേഷം ആ വിഭാഗത്തിൽ പൂർണ്ണമായി വിജയിച്ച ചിത്രമെന്ന് വിശേഷിപ്പിക്കാം ഇതിനെ.

🔻കോമഡി ഡ്രാമയിൽ തുടങ്ങി പൊടുന്നനെ ത്രില്ലറിലേക്കും അതിലൂടെ ബ്ലാക്ക് ഹ്യൂമറിലേക്കും വീണ്ടും ത്രില്ലറിലേക്കും ഒരൊറ്റ ചാട്ടമാണ് കഥ. ഇതൊക്കെ എങ്ങനെ സാധിക്കുന്നെന്ന് അമ്പരന്നു പോയി എന്നതാണ് സത്യം. ഒരു പുതുമുഖ സംവിധായകൻ കൂടിയാണെന്നറിഞ്ഞപ്പോൾ അമ്പരപ്പ് ഇരട്ടിയായി. സത്യത്തിൽ ത്രില്ലർ ആഗ്രഹിക്കുന്നവർ വ്യത്യസ്തത നിറഞ്ഞ ചിത്രങ്ങൾ കാണാൻ ആഗ്രഹിക്കുന്നവർക്കും ഒരുപോലെ ആസ്വദിക്കാവുന്ന ചിത്രമാണ് mathu Vadarala.ഇന്ത്യൻ സിനിമകളിൽ തീർത്തും അപൂർവ്വമായ അനുഭവങ്ങളിൽ ഒന്ന്. ഒപ്പം പോപ്പ് കൾച്ചർ റഫറൻസുകളും. ഒന്നുകൂടി പറയുന്നു സിനിമയെ പറ്റി യാതൊന്നും അറിയാതെ തന്നെ കാണുക. കൂടുതൽ വലിച്ച് നീട്ടുന്നില്ല.

🔻ＦＩＮＡＬ ＶＥＲＤＩＣＴ🔻

Andhadhunന് ശേഷം ഇത്രയേറെ Genre Mixകൾ സമർത്ഥമായി ഉപയോഗിച്ച സിനിമ Mathu Vadaralaയാണെന്ന് നിസ്സംശയം പറയാം. ഒരിക്കൽ പോലും കാണികളുടെ ഊഹങ്ങൾ ശരിയാണെന്ന് തോന്നിപ്പിക്കാത്ത, ഒരു ഗംഭീര സംവിധായകനെയും തിരക്കഥാകൃത്തിനെയും അടയാളപ്പെടുത്തുന്ന സിനിമ. കണ്ടില്ലെങ്കിൽ ശരിക്കും നഷ്ടമാണെന്നേ പറയാനുള്ളൂ.

ＡＢ ＲＡＴＥＳ ★★★★☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests