Abeed Azad

Year : 2018
Run Time : 2h 27min

🔻ഇന്ത്യൻ ഇൻഡസ്ട്രിയിൽ ഒരുപക്ഷെ എനിക്ക് ഏറ്റവും കുറവ് തൃപ്തി നൽകിയിട്ടുള്ളത് തെലുഗ് സിനിമകളാണ്. വളരെ കുറച്ച് മാത്രമേ കണ്ടിട്ടുള്ളൂവെങ്കിലും അവയിൽ ഭൂരിഭാഗവും നിരാശയാണ് നൽകിയത്. ആയിടക്കാണ് അഥിവി സേഷ് നായകനായ 'ക്ഷണം' കണ്ടത്. എന്നെ പൂർണ്ണമായി തൃപ്തിപ്പെടുത്തി എന്ന് മാത്രമല്ല ഇഷ്ടത്രില്ലറുകളുടെ പട്ടികയിൽ ഇടം നേടുകയും ചെയ്തു. അദ്ദേഹത്തിന്റെ തന്നെ അടുത്ത ചിത്രം റിലീസ് ആയപ്പോൾ കാണാനുള്ള ആഗ്രഹം തനിയെ മനസ്സിൽ ഉടലെടുത്തു.

🔻തന്റെ അച്ഛനെപ്പോലെ തന്നെ രാജ്യത്തിന് വേണ്ടി ജീവിക്കണമെന്നാണ് അർജ്ജുന്റെയും ആഗ്രഹം. എന്നാൽ അച്ഛന്റെ മരണശേഷം അവനെ വളർത്തിയ സത്യ എത്ര പിന്തിരിപ്പിക്കാൻ ശ്രമിച്ചിട്ടും അർജ്ജുൻ അവന്റെ സ്വപ്നത്തിൽ നിന്ന് പിന്മാറിയില്ല. എല്ലാ നാഷണൽ ഏജൻസികളിലേക്കും നിരന്തരം റിക്വസ്റ്റുകൾ അയച്ചുകൊണ്ടേയിരുന്നു.

174 റിക്വസ്റ്റുകൾ കഴിഞ്ഞിരിക്കുന്നു. അതുവരെയുള്ള റിക്വസ്റ്റുകളിലൊക്കെയും അവൻ ഉൾപ്പെടുത്തിയിരുന്ന വിവരമായിരുന്നില്ല 175ആമത്തെ റിക്വസ്റ്റിൽ അവൻ ചേർത്തത്. ആ റിക്വസ്റ്റ് അവന്റെ ജീവിതം തന്നെ തകിടം മറിക്കുന്നു.

🔻അഥിവി സേഷ് കൂടി ഭാഗമായ തിരക്കഥയെ വളരെ മികവോടെ സ്‌ക്രീനിൽ പകർത്തിയിടത്താണ് ഗൂഢാചാരി മികച്ച ത്രില്ലറായി മാറുന്നത്. ഒരുനിമിഷം പോലും സ്‌ക്രീനിൽ നിന്ന് കണ്ണെടുക്കാൻ സാധിക്കാത്ത വിധം എൻഗേജ്ഡ് ആക്കുന്നുണ്ട് സിനിമയുടെ അവതരണം. ലൂപ്പ് ഹോളുകളോ ലോജിക്കില്ലായ്മകളോ നോക്കിയിരിക്കുവാനും ചിന്തിക്കുവാനും അനുവദിക്കാത്ത രീതിയിൽ വേഗത കൈവരിക്കുന്നിടത്ത് ത്രില്ലർ പ്രേമികൾക്ക് വിരുന്നാവുന്നുണ്ട് ഗൂഢാചാരി.

🔻ആദ്യപകുതി നല്ല വേഗതയിൽ മുന്നോട്ട് പോയി ആകാംഷ നൽകുന്ന ഇന്റെർവൽ പഞ്ചോട് കൂടി അവസാനിച്ചു. രണ്ടാം പകുതി കുറെയൊക്കെ സ്ഥിരം സ്പൈ ത്രില്ലറുകളിൽ കൊണ്ടുവന്ന ഫോർമാറ്റ് തന്നെയാണ് സ്വീകരിച്ചിരിക്കുന്നത്. എന്നാലും ആവർത്തനവിരസത നൽകാതെ കയ്യടക്കം പ്രകടമാക്കുന്നുണ്ട് സംവിധായകൻ. അനാവശ്യമായ പാട്ടുകളോ സീനുകളോ ഒന്നുമില്ലാതെ ത്രില്ലർ എന്ന ജേണറിനോട് പരിപൂർണ്ണ നീതിപുലർത്താൻ അണിയറപ്രവർത്തകർ ശ്രമിച്ചിട്ടുണ്ട്.

🔻ട്വിസ്റ്റുകളും സസ്പെൻസുകളും അനവധിയടങ്ങിയ ചിത്രത്തിൽ ഊഹിക്കാവുന്ന ട്വിസ്റ്റുകളുമുണ്ട്. എന്നാൽ അതിനെ കവച്ചുവെക്കുന്ന വഴിത്തിരിവുകൾ അവസാനം അവതരിപ്പിക്കുന്നിടത്ത് തന്റേതായ സിഗ്നേച്ചർ പതിപ്പിക്കുന്നുണ്ട് ചിത്രം. ഇമോഷണലായും ചില കഥാപാത്രങ്ങളെ നമ്മോടടുപ്പിക്കാൻ അധികം സമയം ചിലവഴിക്കാതെ തന്നെ സംവിധായകന് സാധിച്ചിട്ടുണ്ട്. ഒടുവിലത്തെ ഇമോഷണൽ അറ്റാക്ക് നല്ല രീതിയിൽ എക്സിക്യൂട്ട് ചെയ്തിട്ടുണ്ട്.

🔻ചിത്രത്തിന്റെ മറ്റൊരു ഹൈലൈറ്റ് അതിന്റെ ആക്ഷൻ കൊറിയോഗ്രഫിയാണ്. ഗംഭീരമെന്നേ പറയാനുള്ളൂ. ആ സീനുകളിലുള്ള ക്യാമറ ആംഗിളുകളും ഗൺ ഫൈറ്റുമൊക്കെ തകർപ്പനായിരുന്നു. കൂടെ കിടിലൻ ബിജിഎമ്മും. എഡിറ്റിങ്ങും ഒരു ത്രില്ലറിന് വേണ്ട പാകത്തിൽ കൃത്യമായി സന്നിവേശിപ്പിച്ചിട്ടുണ്ട്.

🔻അഥിവി സേഷിന്റെ സ്‌ക്രീൻ പ്രസൻസും ബോഡി ലാംഗ്വേജും അപാരമാണ്. ആക്ഷൻ സീനിലേക്കെ പുള്ളിക്കാരൻ തകർത്തടുക്കുകയാണ്. തന്റെ കഥാപാത്രത്തിന് പരമാവധി സ്‌പേസ് സ്ക്രിപ്റ്റിൽ ഒരുക്കിവെച്ചിട്ടുണ്ട്. കൂടെ സ്ത്രീകഥാപാത്രങ്ങൾക്കും നല്ല സ്‌പേസ് കൊടുത്തിട്ടുണ്ട്. പ്രകാശ് രാജും വെണ്ണല കിഷോറും നല്ല റോളുകളിൽ എത്തുന്നുണ്ട്.

🔻ＦＩＮＡＬ ＶＥＲＤＩＣＴ🔻

ക്ഷണത്തിന് ശേഷം പൂർണ്ണ തൃപ്തി നൽകിയ തെലുഗ് ത്രില്ലറാണ് ഗൂഢാചാരി. മികച്ച തിരക്കഥയും അവതരണത്തിലെ കയ്യടക്കവും ആക്ഷൻ രംഗങ്ങളും ഹൈലൈറ്റാവുമ്പോൾ ചിത്രം തൃപ്തി നൽകുമെന്ന കാര്യത്തിൽ സംശയമില്ല.


ＭＹ ＲＡＴＩＮＧ :: ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2018
Episode : 12

🔻ഓരോ സീസൺ കഴിയുമ്പോഴും ടോക്യോ ഗൗളിന്റെ ഗ്രാഫ് മൂക്കുകുത്തി താഴോട്ട് പോവുകയാണ്. മികച്ച പ്രമേയത്തോടെയും അവതരണത്തോടെയും തുടങ്ങിയെങ്കിലും അത് തുടരാനാവാത്തതിന്റെ ഉദാഹരണങ്ങളാണ് പിന്നീടങ്ങോട്ട് വന്ന രണ്ട് സീസണും.

🔻CCGയുടെ 'Antikeu'ലെ റൈഡ് കഴിഞ്ഞിട്ട് ഏതാണ്ട് രണ്ട് വർഷം പിന്നിടുന്നു. ഗൗളുകളുടെ ശല്യം കുറഞ്ഞെങ്കിലും പ്രതീക്ഷിക്കാത്ത വിധത്തിൽ പലയിടങ്ങളിലും അവയുടെ പ്രാതിനിധ്യം കാണാൻ സാധിക്കുന്നുണ്ട്. അതിനെതിരെയുള്ള തയ്യാറെടുപ്പെന്നോണമാണ് പുതിയൊരു ടീം കൂടി CCG രൂപപ്പെടുത്തിയത്. 'Quinx Squad'. അതാണ് അവരുടെ പേര്. മനുഷ്യരിൽ തന്നെ ഗൗളുകളുടെ കഴിവുള്ള ഒരുപറ്റം ആളുകൾ. അവരുടെ നേതാവായി Haise Sasakiയും.

തന്റെ ഭൂതകാലത്തെക്കുറിച്ച് അവന് യാതൊന്നും ഓർമ്മയില്ല. ചില ദുഃസ്വപ്നങ്ങൾ അവനെ പിന്തുടരുന്നുണ്ടെങ്കിലും അവൻ അതിനെപ്പറ്റി വേവലാതിപ്പെടാറില്ല. എന്നാൽ ഓരോ എൻകൗണ്ടറുകൾ കഴിയുന്തോറും അവൻ അവനെത്തന്നെ കണ്ടെത്താൻ തുടങ്ങി.

🔻നല്ലൊരു തീം തന്നെയാണ് ഈ സീസണിലേത്. ഒരുപാട് ആലോചനകൾക്കും ബാക്ക്സ്റ്റോറികൾക്കും സ്കോപ്പുള്ള മികച്ച ത്രെഡ്. എന്നാൽ അതിനെ ഒന്നുമല്ലാതാക്കി കളഞ്ഞിടത്ത് പൂർണ്ണമായി നശിക്കുന്നു ഗൗളിന്റെ ആസ്വാദനം. വെറും ആക്ഷൻ രംഗങ്ങൾ ആസ്വദിക്കാനെന്നവണ്ണം ലാഘവത്തോടെ സമീപിക്കാവുന്ന ഒന്നായി മാത്രം മാറുന്നു ഈ സീസൺ.

🔻കേന്ദ്രകഥാപാത്രത്തേക്കാൾ എല്ലാ അർത്ഥത്തിലും സ്‌കോർ ചെയ്യുന്നത് കൂടെയുള്ളവരാണ്. ആക്ഷനായാലും കുറച്ച് മാത്രം നീളമുള്ള ബാക്ക്സ്റ്റോറികളിലായാലും ഹൈസെ നിരാശയാണ് നൽകിയത്. ഒരു കഥാപാത്രങ്ങളോടെ ഇമോഷണൽ അറ്റാച്മെന്റ് തോന്നുകയേ ഇല്ല പ്രേക്ഷകർക്ക്. പഴയ കഥാപാത്രങ്ങളെ ഒരു സീനിൽ മാത്രം ഒതുക്കി സംവിധായകൻ മാതൃകയായി (പുച്ഛം).

🔻ആദ്യ ഭാഗത്തിലെ രോമാഞ്ചിഫിക്കേഷൻ ക്ലൈമാക്സ് സീൻ പോലെ ഒരെണ്ണം ഇതിലും ട്രൈ ചെയ്യുന്നുണ്ടെങ്കിലും നനഞ്ഞ പടക്കം മാത്രമായി ആ രംഗം. ബാക്കിയൊരു ഭാഗത്തും മികവ് പുലർത്തുന്നുമില്ല ബിജിഎം. ആക്ഷൻ രംഗങ്ങൾ കൊള്ളാം. അത് മാത്രമാണ് സീരീസിന്റെ പോസിറ്റിവ്.

🔻ＦＩＮＡＬ ＶＥＲＤＩＣＴ🔻

ആദ്യ രണ്ട് ഭാഗങ്ങളേക്കാൾ നിരാശ നൽകിയ മൂന്നാം സീസണാണ് ഗൗളിന്റേത്. യാതൊരു തരത്തിലും പ്രേക്ഷകനെ പിടിച്ചിരുത്താൻ ശ്രമിക്കാത്ത, വിരസത നൽകുന്ന അനുഭവം. അടുത്ത ഭാഗമെങ്കിലും നല്ല രീതിയിൽ ഒരുക്കുമെന്ന പ്രതീക്ഷയോടെ ഒരു ഗൗൾ സ്‌നേഹി.

ＭＹ ＲＡＴＩＮＧ :: ★★☆☆☆

ചിത്രം ടെലിഗ്രാം ചാനലിൽ ലഭ്യമാണ് Abi Suggests

🔻ＳＴＯＲＹ ＬＩＮＥ🔻

പുകയിലൂടെ ജീവിതം കൈക്കൊണ്ടവനാണ് ബിനീഷ്. എന്താണ് അവനും സിഗരറ്റും തമ്മിലുള്ള  ബന്ധം.? അവനെങ്ങനെയൊരു ചെയിൻ സ്മോക്കർ ആയി.? അവനെങ്ങനെ തീവണ്ടിയെന്ന പേര് വന്നു.? ഇത്തരത്തിൽ ഒരുപാട് ചോദ്യങ്ങൾക്കുള്ള ഉത്തരമാണ് 'തീവണ്ടി'.

🔻ＢＥＨＩＮＤ ＳＣＲＥＥＮ🔻

ഇന്ത്യൻ റയിൽവേയുടെ സ്വഭാവത്തിന്റെ തനിപ്പകർപ്പ് തന്നെയായിരുന്നു തീവണ്ടിയുടേതും. കൃത്യനിഷ്ഠ ഏഴയലത്ത് കൂടി പോയിട്ടില്ല. അതുകൊണ്ട് തന്നെ ഓരോ ഡേറ്റ് മാറുമ്പോഴും അതിനനുസരിച്ച് പ്രതീക്ഷകളും വന്നുകൊണ്ടിരുന്നു. അവസാനം ആ വണ്ടിയിൽ കയറിയിറങ്ങിയപ്പോഴാണ് ആശ്വാസമായത്.

വിനി വിശ്വലാൽ കഥയെഴുതി നവാഗതനായ ഫെല്ലിനി ടി.പി സംവിധാനം ചെയ്ത തീവണ്ടി കൈകാര്യം ചെയ്യുന്നത് വളരെ ലളിതമായ കഥയാണ്.ചെറുപ്പം മുതൽ തന്നെ സിഗരറ്റിന്റെ രുചിയറിഞ്ഞ് തുടങ്ങിയ ബിനീഷ് അമ്മാവന്റെ പാത പിന്തുടർന്ന് ഒരു ചെയിൻ സ്മോക്കറായി മാറുന്നു. സ്മോക്കിങ്ങ് അവന്റെ ജീവിതത്തിൽ ഉണ്ടാക്കുന്ന രസകരമായ സംഭവങ്ങളാണ് ചിത്രം കൈകാര്യം ചെയ്യുന്നത്.

വളരെ രസകരമായ തുടക്കമാണ് ചിത്രത്തിന്റേത്. ബിനീഷിന്റെ ജനനവും സിഗററ്റുമായുള്ള ബന്ധമൊക്കെ ഹാസ്യത്തിന്റെ അകമ്പടിയോടെ താൽപര്യം ജനിപ്പിക്കുന്ന രീതിയിൽ കൈകാര്യം ചെയ്തിട്ടുണ്ട്. അതുകൊണ്ട് തന്നെ സിഗരറ്റിന്റെ അതിപ്രസരമുള്ള സിനിമയിൽ ഒരു രംഗം പോലും അതിരുകവിഞ്ഞതായി തോന്നിയില്ല. ബിനീഷിന്റെ കൂടെപ്പിറപ്പാണല്ലോ സിഗരറ്റ്. പിന്നെന്താ പ്രശ്നം.

തുടക്കത്തിന്റെ ഓളത്തിൽ തന്നെ ആദ്യപകുതി വേഗം പോവുന്നുണ്ട്. അതുകൊണ്ട് വിരസത നൽകുന്നേയില്ല ആദ്യപകുതി. പൊളിറ്റിക്കൽ സറ്റയർ എന്ന് കേട്ടിരുന്നെങ്കിലും അധികമായി അത്തരം രംഗങ്ങൾ ഇല്ല. നല്ലൊരു ഇടവേളയോടെ ചിത്രം പകുതിയാകുമ്പോൾ തൃപ്തിയാണ് ഫലം. എന്നാൽ അതെ തോതിൽ തൃപ്തി നൽകാൻ രണ്ടാം പകുതിക്കായില്ല.

തുടക്കമൊക്കെ നന്നായെങ്കിലും പിന്നീടങ്ങോട്ട് പലയിടങ്ങളിലും ഇഴച്ചിൽ വരുന്നതായി അനുഭവപ്പെട്ടു. ആദ്യപകുതിയെ സംബന്ധിച്ച് കോമഡിയും കുറവാണ്. പാട്ടുകൾ കൂടുതലും. പക്ഷെ അതിന്റെ ആവശ്യമുള്ളതായി തോന്നിയില്ല. പല രംഗങ്ങളും ഒഴിവാക്കുകയോ, അല്ലെങ്കിൽ ചുരുക്കമായിരുന്നു എന്നും തോന്നി. എങ്കിലും അവസാനത്തോടടുക്കുമ്പോൾ വീണ്ടും കാണികളിലേക്ക് അടുക്കുന്നുണ്ട് ചിത്രം. നല്ലൊരു ക്ലൈമാക്സും എന്റിങുമായി സംതൃപ്തി നൽകി തീവണ്ടി യാത്ര അവസാനിപ്പിക്കുന്നു.

പ്രത്യേകിച്ച് യാതൊരു ആകാംഷയും കാഴ്ചയിലുടനീളം ചിത്രം സമ്മാനിക്കുന്നില്ല. നമ്മൾ ഊഹിക്കുന്ന രീതിയിൽ തന്നെ കഥ മുന്നോട്ട് പോവും. അതുകൊണ്ട് തന്നെ ചെറിയ ലാഗ് വരുന്നത് പോലും ആസ്വാദനത്തെ സാരമായി ബാധിക്കുന്നുണ്ട്. എങ്കിലും അതത്ര ബോറടി ജനിപ്പിക്കാതെ പരമാവധി ട്രാക്കിലാക്കി കൊണ്ടുപോവാൻ ശ്രമിക്കുന്നുണ്ട്.

തുടക്കക്കാരന്റെ പതർച്ചകൾ യാതൊന്നും പ്രകടമായിരുന്നില്ല സംവിധായകനിൽ. ചെറിയൊരു കഥ നല്ല രീതിയിൽ തന്നെ ഭംഗിയായി അവതരിപ്പിച്ചിട്ടുണ്ട് പുള്ളിക്കാരൻ. അതുകൊണ്ട് തന്നെ നല്ലൊരു അനുഭവം തന്നെയായി തീവണ്ടി.

🔻ＯＮ ＳＣＲＥＥＮ🔻
ടൊവീനോയുടെ കരിയർ ഗ്രാഫ് വീണ്ടും ഉയർച്ചയിലേക്ക് നയിക്കുകയാണ് ബിനീഷ്. എന്ത് സുന്ദരമായാണ് ചെയിൻ സ്മോക്കറുടെ ജീവിതം അവതരിപ്പിച്ചത്. ഹാസ്യവും നല്ല രീതിയിൽ വഴങ്ങുമെന്ന് തെളിയിക്കുകയാണ് പുള്ളിക്കാരൻ. നായിക സംയുക്ത കാണാൻ നല്ല ഐശ്വര്യമായിരുന്നെങ്കിലും വിരലിലെണ്ണാവുന്ന രംഗങ്ങൾ മാത്രമേ സ്‌ക്രീനിൽ ഉണ്ടായിരുന്നുള്ളൂ. കുറച്ചുകൂടി സ്‌പേസ് കൊടുക്കാമായിരുന്നു. നല്ലൊരു സ്ത്രീകഥാപാത്രത്തിന് പാകമാകുന്ന തുടക്കമായിരുന്നു തീവണ്ടിയിൽ സംയുക്തയുടെ ആദ്യരംഗങ്ങൾ.

കുറെ നാളുകൾക്ക് ശേഷം സുധീഷിനെ നല്ലൊരു വേഷത്തിൽ വീണ്ടും കാണാനായതിൽ ഒരുപാട് സന്തോഷം. ഇനിയും ഇത്തരം കഥാപാത്രങ്ങൾ വരട്ടെ. സുറാജും സൈജു കുറുപ്പും തകർത്ത് വാരി. ഇരുവർക്കും കിട്ടിയ വേഷങ്ങൾ ഗംഭീരമാക്കി. സൈജു കുറുപ്പിന്റെ പല മാനറിസങ്ങളും ഒരുപാട് ചിരിപ്പിച്ചു. കൂടെ ടോവിനോയുടെ വാല് പോലെ നടക്കുന്ന കൂട്ടുകാരും.

🔻ＭＵＳＩＣ & ＴＥＣＨＮＩＣＡＬ ＳＩＤＥＳ🔻

കഥക്ക് ആവശ്യമായ പാട്ടുകളും ബിജിഎമ്മും ഒരുക്കി കൈലാസ് മേനോൻ തന്റെ ആദ്യവരവ് മികച്ചതാക്കി. പാട്ടുകളൊക്കെയും നന്നായിരുന്നു. പ്രത്യേകിച്ച് ജീവംശമായി. കൂടെ ഗ്രാമപ്രദേശങ്ങൾ സുന്ദരമായി പകർത്തിയ ഛായാഗ്രഹണവും കൂടുതൽ ആകർഷകമായി.

🔻ＦＩＮＡＬ ＶＥＲＤＩＣＴ🔻

ലളിതമായ കഥയും അതിന്റെ മനോഹരമായ ആവിഷ്കാരവും ചേരുന്ന കൊച്ച് ചിത്രം. അതാണ് തീവണ്ടി. ഈ തീവണ്ടിയാത്ര തൃപ്തിയുടെ ചൂളം വിളിച്ചുകൊണ്ടാവും. പ്രതീക്ഷകളൊന്നുമില്ലാതെ കുടുംബസമേതം ആസ്വദിക്കാവുന്ന ചിത്രം വിജയകാഹളമൂതുമെന്ന കാര്യത്തിൽ സംശയമില്ല.


ＭＹ ＲＡＴＩＮＧ :: ★★★☆☆

🔻ＳＴＯＲＹ ＬＩＮＥ🔻

26 നായകൾ. അവരുടെ മുന്നിലുള്ള എല്ലാ തടസ്സങ്ങളും ഭേദിച്ചുകൊണ്ട് രോഷാകുലരായി മുന്നോട്ട് കുതിക്കുന്നു. ഒടുവിൽ അവർ എത്തിച്ചേരുന്നത് അവന്റെ മുന്നിലാണ്. 20 വർഷമായി തന്നെ വേട്ടയാടിക്കൊണ്ടിരിക്കുന്ന ഈ സ്വപ്നം അവൻ സുഹൃത്തിനോട് വിവരിക്കുകയാണ്. ലെബനനിൽ അവർ പങ്കെടുത്ത യുദ്ധത്തിന് ശേഷമാണ് ജീവിതം ഇങ്ങനെ.

എന്നാൽ ആ സ്വപ്നം കേൾക്കുന്ന Ari Folman അത്ഭുതപ്പെടുകയാണ്. കാരണം ആ യുദ്ധത്തെപ്പറ്റിയുള്ള ജീവിതത്തിലെ അനുഭവങ്ങൾ അയാൾ പാടെ മറന്നിരിക്കുന്നു. തന്റെ ജീവിതത്തിലെ പ്രധാനപ്പെട്ട ഘട്ടത്തിൽ നടന്ന സംഭവങ്ങൾ. എല്ലാം മനസ്സിൽ നിന്ന് മാഞ്ഞിരിക്കുന്നു. പിന്നീട് അത് വീണ്ടെടുക്കാനുള്ള ശ്രമമാണ് ഫോൾമാന്റെത്. അതിനായി അദ്ദേഹം സുഹൃത്തുക്കളുടെ പക്കൽ പോവുന്നു. തുടർന്ന് ഒരു യുദ്ധഭീകരതയുടെ കഥ അവർ കൂട്ടിച്ചേർക്കുന്നു.

🔻ＢＥＨＩＮＤ ＳＣＲＥＥＮ🔻

സംവിധായകന്റെ തന്നെ ജീവിതത്തിൽ നിന്ന് ഒരേട് പകുത്ത് സിനിമയൊരുക്കിയിരിക്കുകയാണ് പുള്ളി. ആ അനുഭവം സിനിമയായപ്പോൾ ലോകത്തിന് ലഭിച്ചത് ഒരിക്കലും മറക്കാനാവാത്ത ഒരു ചലച്ചിത്രാനുഭവമാണ്. ഇതിന് മുമ്പോ ശേഷമോ ആരും നിർമ്മിക്കാൻ ശ്രമിക്കാത്ത ഒന്ന്.

ഇസ്രായേൽ ഗവണ്മെന്റിന്റെ ഒത്താശയോടെ പലസ്തീൻ ജനതയെ ഒന്നടങ്കം ആക്രമിക്കുന്ന, അവരുടെ അന്ത്യം കുറിക്കുന്ന ലെബനീസ് ക്രിസ്ത്യൻ പാർട്ടിയുടെ ക്രൂരതകളുടെ മനസ്സ് മരവിപ്പിക്കുന്ന ദൃശ്യങ്ങളാണ് സംവിധായകൻ ഒരുക്കിയിരിക്കുന്നത്. നിരപരാധികളെ കാരണങ്ങൾ ഏതുമില്ലാതെ നിർദാക്ഷണ്യം കൊന്നുതള്ളുമ്പോൾ അത് തടയാൻ കെൽപുള്ളവർ പോലും കൈകെട്ടി നോക്കിനിൽക്കുന്ന കാഴ്ചയാണ് കാണാൻ സാധിക്കുക.അധികാരികളുടെ കുറിക്ക് കൊള്ളുന്ന സംഭാഷണങ്ങളും രംഗങ്ങളും ചിത്രത്തെ വേറിട്ടതാകുന്നു.

നിരപരാധികളായ പല പട്ടാളക്കാരും മുതിർന്ന ഉദ്യോഗസ്ഥരുടെ തോൽപാവകളാവുമ്പോൾ മനസ്സില്ലാമനസ്സോടെ പല ജീവനുകളും അവരിലൂടെ പൊഴിയുന്നു. സംവിധായകൻ തന്നിലൂടെ തന്നെ അത് പ്രേക്ഷകരിലേക്ക് എത്തിക്കുകയാണ്.

സിനിമയുടെ അവസാനം കാട്ടുന്ന കുറച്ച് ഒറിജിനൽ ഫൂട്ടേജുകളുണ്ട്. ഒരുപക്ഷെ മനുഷ്യൻ എത്ര ക്രൂരനാവാം എന്നതിന്റെ നേർക്കാഴ്ചയാണ് ആ രംഗങ്ങൾ. മനുഷ്യനോളം അധഃപതിക്കാൻ മനുഷ്യന് മാത്രമേ സാധിക്കൂ എന്ന് അടിവരയിട്ട് പറയുകയാണ് സംവിധായകൻ ഈ ചിത്രത്തിലൂടെ.

🔻ＭＵＳＩＣ & ＴＥＣＨＮＩＣＡＬ ＳＩＤＥＳ🔻

വിഷ്വലുകളും സൗണ്ട് ട്രാക്കുകളും ഇതുവരെ നാം അനുഭവിച്ച് ശീലിച്ചവയല്ല. ഗംഭീരമാണ് അവയുടെ മേക്കിങ്ങ്. ആനിമേഷൻ ചിത്രമാണോ അതോ ഒറിജിനൽ ആണോ സംശയം തോന്നിക്കും  വിധമാണ് ഓരോ ഫ്രെയിമുകളും. ഏത് ഷോട്ട് എടുത്താലും അത്ഭുതപ്പെടുത്തും വിധം നമ്മെ ആകർഷിക്കും അതിന്റെ ഭംഗി. ഒരു ത്രില്ലർ ചിത്രത്തിന് വേണ്ട രീതിയിൽ ഒരുക്കിയിരിക്കുന്ന ബിജിഎം യുദ്ധരംഗങ്ങൾക്കൊക്കെ മിഴിവ് ഏകുന്നുണ്ട്. ശബ്ദങ്ങളുടെ ഉപയോഗം പോലും മികവ് പുലർത്തുന്നുണ്ട്. ഹെലികോപ്ടറിന്റെ ഫാൻ കറങ്ങുന്ന ശബ്ദമൊക്കെ വ്യക്തമായി കേൾക്കാം. അത് പോലെ ഓരോ മൈന്യൂട്ട് ശബ്ദങ്ങളും ശ്രവിക്കാനാവും.

ഓസ്‌കാറിന്റെ ചരിത്രത്തിൽ തന്നെ ഒരേയൊരു ആനിമേഷൻ ചിത്രമാണ് മികച്ച വിദേശഭാഷാ ചിത്രത്തിനായി നോമിനേറ്റ് ചെയ്യപ്പെട്ടിട്ടുള്ളത്. ആ ഖ്യാതി Waltz With Bashirന് സ്വന്തമാണ്. ആഭ്യന്തരമായി ഒരുപാട് പ്രാധാന്യമുള്ള ചിത്രം ഒരുപാട് അവാർഡുകൾ വാരിക്കൂട്ടി. പല ഫിലിം ഫെസ്റ്റുകളിലും കയ്യടി നേടി.

🔻ＦＩＮＡＬ ＶＥＲＤＩＣＴ🔻

ഒരുപക്ഷെ ജീവിതത്തിൽ ഇതുപോലെയൊരു ആനിമേഷൻ ചിത്രം അനുഭവിക്കാൻ സാധ്യതയില്ല. യുദ്ധഭീകരതയെ അതിഗംഭീരമായി സ്ക്രീനിലും നമ്മുടെ മനസ്സിലും പകർത്തുന്ന ചിത്രം ഒരുപാട് ചിന്തിപ്പിക്കുന്നുണ്ട്. പലസ്തീൻ ജീവിതങ്ങൾ ഇപ്പോഴും ജീവന് വേണ്ടി പോരാടുമ്പോൾ, കുരുന്നുകളടക്കം തോക്കിൻ മുനക്ക് മുന്നിൽ പതറാതെ നിൽക്കുമ്പോൾ ചിത്രത്തിന്റെ കാലിക പ്രസക്തിയും ചോദ്യചിഹ്നമാവുന്നു. തീർച്ചയായും കണ്ടിരിക്കേണ്ട ചിത്രത്തിന്റെ കൂട്ടത്തിൽ ഈ ചിത്രവും ചേരുന്നു.


ＭＹ ＲＡＴＩＮＧ :: ★★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

ജീവിതത്തിൽ ഒരു വ്യക്തിയോടോ, അല്ലെങ്കിൽ പല വ്യക്തികളോടോ ഇഷ്ടം തോന്നുക മനുഷ്യന് സ്വാഭാവികമാണ്. അത് ശരീരത്തിലുള്ള ഹോർമോണുകളുടെ ഒരു പ്രവൃത്തി കൂടിയാണ്. തന്റെ ഓപ്പസിറ്റ് സെക്സിനോട് ഏതൊരു ജീവിക്കും തോന്നാവുന്ന വികാരമാണ് പ്രണയം. ചിലർക്ക് സ്വന്തം സെക്സിനോട് തന്നെ അത് തോന്നിയേക്കാം.


💢ലാറ ജീന്റെ ജീവിതത്തിലും സംഭവിച്ചത് അത് തന്നെയാണ്. തന്റെ പല കാലഘട്ടങ്ങളിലായി അവൾക്ക് അഞ്ച് പേരോട് പ്രേമം തോന്നിയിട്ടുണ്ട്. എന്നാൽ അത് തുറന്ന് പറയാനുള്ള ധൈര്യമില്ലാത്തതിനാൽ അവയൊക്കെയും ഒരു പ്രേമലേഖനത്തിന്റെ രൂപത്തിൽ തന്റെ മുറിയിൽ തന്നെ ഒളിപ്പിച്ച് വെക്കുകയാണ് പതിവ്. മനസ്സിൽ വീണ്ടും പ്രണയം തുടിക്കുമ്പോൾ ആ കത്തുകൾ വീണ്ടുമെടുത്ത് വായിക്കും.

എന്നാ ആ അഞ്ച് ലെറ്ററുകളും ഒരേ സമയം പുറത്തുവന്നാലുള്ള ഗതി എന്താവും. എപ്പോൾ എഴുതിയതെന്നോ ഇപ്പോൾ മനസ്സിലെന്താണെന്നോ ആർക്കും അറിവില്ല. പക്ഷെ അഞ്ച് കത്തുകളും എഴുതിയിരിക്കുന്നത് ലാറ ജീൻ തന്നെ. ഇതാണ് ഇപ്പോൾ ലാറയുടെ അവസ്ഥ. ആ കൂട്ടത്തിൽ തന്റെ ഏറ്റവും അടുത്ത സുഹൃത്തായ ജോഷ് ഉണ്ട്. സഹപാഠിയായ പീറ്റർ ഉണ്ട്. ആഹാ എന്താ രസം.

💢Netflix റിലീസ് ആയ ചിത്രം 2014ൽ ഇറങ്ങിയ ഇതേ പേരിലുള്ള നോവലിന്റെ ചലച്ചിത്രാവിഷ്കാരമാണ്. വളരെ രസകരമായ അതുപോലെ തന്നെ സുന്ദരമായ ഒരു റൊമാന്റിക്ക് മൂവിയാണ് സംവിധായകൻ ഒരുക്കിയിരിക്കുന്നത്. തുടക്കം മുതൽ ഒടുക്കം വരെ ഒരു മടുപ്പുമില്ലാതെ കണ്ടിരിക്കാവുന്ന മികച്ച ചിത്രം തന്നെയാണ് ഇത്.

💢ലാറയും മറ്റ് കഥാപാത്രങ്ങളുമായുള്ള ബന്ധം വളരെ നന്നായി എക്സ്പോസ് ചെയ്യാൻ സംവിധായകന് സാധിച്ചിട്ടുണ്ട്. അത് സഹോദരിമാരുമായി ഉള്ളതാണെങ്കിലും അച്ഛനുമായുള്ളതാണെങ്കിലും, ജോഷുമായും പീറ്ററുമായും എല്ലാം കൂട്ടത്തിൽ പെടും. കൂടെ ക്രിസിന്റെ സ്വഭാവം പലയിടങ്ങളിലും കാണാൻ സാധിക്കും. അത് തന്നെയാണ് സിനിമ ആസ്വദിക്കാൻ സാധിച്ചതിന്റെ വലിയൊരു പോയിന്റ്.

💢പ്രതീക്ഷിക്കാതെയാണ് കഥയുടെ തുടക്കമൊക്കെ. ഒരു പരിധി കഴിയുമ്പോൾ നമുക്ക് ഊഹിക്കാൻ സാധിക്കുമെങ്കിലും അവതരണത്തിലൂടെ നല്ല ആസ്വാദനം നൽകാൻ സാധിച്ചിട്ടുണ്ട്. അതോടൊപ്പം എന്തെന്നില്ലാത്ത ചെറു പുതുമകളും ചിത്രം സമ്മാനിക്കുന്നു. അച്ഛനുമായുള്ള ഡയലോഗുകളൊക്കെ നല്ല രസകരമായിരുന്നു.

💢ലാറ ജീൻ ആയി എത്തിയ Lana Condor നല്ല ക്യൂട്ട് ആയിരുന്നു എല്ലാ വേഷങ്ങളിലും. ചില രംഗങ്ങളിൽ ഭാവപ്രകടനങ്ങൾ നന്നേ ബോധിച്ചു. ലാറയുടെ സഹോദരി ആയി എത്തിയ കിറ്റി കുറച്ച് രംഗങ്ങളിലൂടെ തന്നെ ഇഷ്ട കഥാപാത്രമായി. കൂടെ പീറ്ററും ജോഷും ക്രിസും അച്ഛനുമൊക്കെ മനസ്സിൽ ഇടം പിടിച്ചു.

💢പലയിടങ്ങളിലും പാട്ടുകൾ ഉപയോഗിച്ചിട്ടുണ്ട് പശ്ചാത്തലത്തിൽ അതൊക്കെയും നല്ലൊരു മൂവ് ആയി തോന്നി. കൂടെ സുന്ദരമായ വിശ്വൽസും ആ മൂഡിനോട് ചേർന്ന് നിൽക്കുന്നു.

🔻ＦＩＮＡＬ ＶＥＲＤＩＣＴ🔻

റോം കോം സിനിമകൾ ഇഷ്ടപ്പെടുന്നവർക്ക് സുന്ദരമായ അനുഭവമാണ് ഈ ചിത്രം. ലളിതമായ കഥയും അതിന്റെ ഭംഗിയാർന്ന ആവിഷ്കാരവും ഓരോ നിമിഷവും ആസ്വാദ്യകരമാക്കുന്നു. ധൈര്യമായി സമീപിക്കാം ലാറയെയും കൂട്ടരെയും.

ＭＹ ＲＡＴＩＮＧ :: ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

💢26 വർഷങ്ങൾക്ക് മുമ്പ് ഒമ്പതാം ക്‌ളാസിൽ മിസാക്കി എന്നൊരു കുട്ടി പഠിച്ചിരുന്നു. പഠനത്തിലും കായികത്തിലുമെല്ലാം മിസാക്കി ഒരുപോലെ മികവ് പുലർത്തി. എന്നാൽ പെട്ടെന്നൊരു ദിവസം മിസാക്കിയുടെ മരണവാർത്ത സ്‌കൂളിനെ തേടിയെത്തി. അത് ഏവരിലും നടുക്കം രേഖപ്പെടുത്തി. എന്നാൽ കുറച്ച് ദിവസങ്ങൾക്ക് ശേഷം ക്ലാസിൽ അപ്രതീക്ഷിതമായ ഒരു കാര്യം സംഭവിച്ചു. ക്ലാസ്സിലുള്ള ഒരു കുട്ടി, മിസാക്കി തന്റെ ബെഞ്ചിൽ ഇരിക്കുന്നത് കണ്ട് അലറി. എന്നാൽ മറ്റാർക്കും അത് കാണാൻ സാധിച്ചില്ല. എങ്കിലും മിസാക്കിക്ക് വേണ്ടി അവർ ആ വർഷാവസാനം വരെ ഒരു ബെഞ്ച് അധികം കരുതി. എന്നാൽ പിറ്റേ വർഷം മുതൽ ആ ക്ലാസിലെ കാര്യങ്ങൾ തകിടം മറിയാൻ തുടങ്ങി.

💢ജാപ്പനീസ് അനിമേകളോട് ഒരു പ്രത്യേക ഇഷ്ടമാണ്. ആകെ മൂന്നെണ്ണമേ കണ്ടിട്ടുള്ളൂവെങ്കിലും അവയുടെയൊക്കെയും പ്രമേയവും അവതരണവും വളരെയേറെ ഇഷ്ടപ്പെട്ടിരുന്നു.അതുകൊണ്ട് തന്നെ അവ കൂടുതൽ തേടിപ്പിടിച്ച് കാണാൻ തുടങ്ങി. എ കൂട്ടത്തിൽ ലഭിച്ചതാണ് 'Another' എന്ന അനിമേ.

💢ഗംഭീര പ്രമേയമാണ് ഈ സീരീസിന്റെത്. ഒരു തരത്തിലും കഥയുടെ തരിപോലും നമുക്ക് ഊഹിക്കാൻ ഇടതരുന്നില്ല ഈ അനിമേ. എന്നാൽ കഥയുടെ മികവ് അവതരണത്തിൽ പലയിടത്തും കാണാതെ പോയതാണ് തിരിച്ചടിയായിട്ടുള്ളത്. ചിലയിടങ്ങളിലൊഴികെ ബാക്കിയെല്ലാ ഇടങ്ങളിലും നല്ല രീതിയിൽ അവതരണത്തിന്റെ മേന്മ പ്രകടമാകുന്നുമുണ്ട്.

💢അൽപ്പം പതിഞ്ഞ താളത്തിലാണ് തുടക്കത്തിലുള്ള എപ്പിസോഡുകളുടെ പോക്ക്. എന്നാൽ ദുരൂഹത നിറക്കുന്നതിൽ അത്തരത്തിലുള്ള അവതരണം ഗുണം ചെയ്യുന്നുണ്ട്. കഥാപാത്രങ്ങളെ പരിചയപ്പെടുത്താൻ ആവശ്യത്തിന് സമയമെടുക്കുന്നുണ്ട്. അത് പിന്നീട് ഗുണം ചെയ്യുന്നുമുണ്ട്. മൂന്നാം എപ്പിസോഡിന്റെ അവസാനം മുതൽ അനിമേ ക്ലെച്ച് പിടിക്കുന്നുണ്ട്. അവിടെ വെച്ചാണ് കഥയുടെ പൊതുവെയുള്ള രൂപം നമുക്ക് മനസ്സിലാവുന്നത്.

💢Blood-shed അനവധിയുണ്ട് ഈ അനിമേയിൽ. ഒടുവിലേക്ക് വരുന്തോറും ആകാംഷയുടെ മുൾമുനയിൽ നിർത്തുന്നുണ്ട് ഓരോ നിമിഷങ്ങളും. ചോര ചീന്തലുകൾക്ക് യാതൊരു പഞ്ഞവുമില്ല ആ സ്ഥലങ്ങളിൽ. ഒടുവിൽ തീരെ പ്രതീക്ഷിക്കാഞ്ഞ സസ്പെൻസുമായി ഞെട്ടിക്കുന്നുമുണ്ട് അനിമേ.

💢പശ്ചാത്തലസംഗീതം ഗംഭീരമാണ്. ഒരു സിഗ്നേച്ചർ BGM ഉണ്ട് സീരീസിന്. അത് ഉപയോഗിച്ച രംഗങ്ങളൊക്കെയും വേറൊരു തലത്തിലേക്ക് പോവുന്നുണ്ട്. അനിമേക്ക് ഒരു പ്രത്യേക മൂഡ് കൊണ്ടുവരാൻ പശ്ചാത്തലസംഗീതത്തിന് സാധിച്ചിട്ടുണ്ട്. വിഷ്വലുകളും മികവ് പുലർത്തുന്നുണ്ട്.

🔻ＦＩＮＡＬ ＶＥＲＤＩＣＴ🔻

അനിമേ പ്രേമികൾക്ക് ധൈര്യമായി സമീപിക്കാവുന്ന നല്ലൊരു അനിമേ തന്നെയാണ് 'Another'. അവതരണം അത്ര ബോധിക്കില്ലെങ്കിൽ കൂടി കഥയുടെ വൈവിധ്യത്തിൽ നമ്മൾ ആകൃഷ്ടരാകും. അതുകൊണ്ട് വ്യത്യസ്തമായ ആസ്വാദനം പ്രദാനം ചെയ്തു ഈ സീരീസ്.

ＭＹ ＲＡＴＩＮＧ :: ★★★½

സീരീസ് ടെലിഗ്രാം ചാനലിൽ ലഭ്യമാണ്. Abi Suggests

കൊറിയൻ സിനിമകളിൽ ആദ്യമായി കണ്ട ആന്തോളജി ചിത്രം. ഡിസ്‌റ്റോപ്പിയൻ കാലഘട്ടത്തിൽ നടക്കാൻ സാധ്യതയുള്ള മൂന്ന് കഥകൾ. അത് 35 മിനിറ്റ് ദൈർഖ്യമുള്ള മൂന്ന് കഥകളാക്കി ഒരുക്കി ഈ ചിത്രത്തിൽ.


🔻IN A BRAVE NEW WORLD🔻

മനുഷ്യൻ തന്റെ ആവശ്യത്തിന് ശേഷം പുറന്തള്ളുന്ന മാലിന്യങ്ങളിൽ നിന്ന് പല ഘട്ടങ്ങളിലൂടെ കടന്നെത്തുന്ന വൈറസ് മനുഷ്ശരീരത്തിലേക്ക് തന്നെ കടക്കുന്നു. ആ വൈറസ് പ്രവേശിച്ചുകഴിഞ്ഞാൽ അവർ സോമ്പികളായി മാറും. ഇതാണ് ആദ്യചിത്രതിന്റെ കഥ.

അൽപ്പം ഡാർക് ഹ്യൂമറിന്റെ അകമ്പടിയോടെയാണ് ഈ കഥ പറഞ്ഞിരിക്കുന്നത്. നല്ല രീതിയിൽ തുടങ്ങുന്ന ചിത്രം ഒരു പൂർണ്ണതയില്ലാതെ നിർത്തേണ്ടി വരുന്നിടത്ത് ആസ്വാദനം നഷ്ടപ്പെടുന്നു. ഒരുപക്ഷെ അതിൽ നിന്ന് മുക്തിയില്ലാതെ തുടരേണ്ടി വരുമെന്നായിരിക്കാം സംവിധായകൻ ഉദ്ദേശിച്ചത്. എന്നാലും പൂർണ്ണ അർത്ഥത്തിൽ അത് ആസ്വാദനം നൽകുന്നില്ല. ശരാശരിയായി മാത്രം ഒതുങ്ങുന്നു ഈ ചിത്രം.

🔻THE HEAVENLY CREATURE🔻

ഭൂമിയിലുള്ള എന്തിനെയും തന്റെ കാൽക്കീഴിൽ, തന്റെ വരുതിയിൽ കൊണ്ടുവരാൻ ശ്രമിക്കുന്ന ഒരു പ്രത്യേക ജീവിയാണ് മനുഷ്യൻ. എന്നാൽ മനുഷ്യന്റെ തന്നെ ഒരു നിർമ്മിതി മനുഷ്യന്റെ ബുദ്ധിയെ കവച്ചുവെക്കാൻ ശ്രമിച്ചാൽ എന്താണുണ്ടാവുക.?

മനുഷ്യൻ ഒരുക്കിയ റോബോട്ട് താനേ ചിന്തിച്ച് ബുദ്ധന്റെ വചനങ്ങളുടെ അർത്ഥങ്ങളും വ്യാഖ്യാനങ്ങളും കണ്ടെത്തുന്നത് അതിന്റെ നിർമ്മാതാക്കളെ രോഷം കൊള്ളിക്കുന്നു. ഒരു റോബോട്ട് എന്നാൽ മനുഷ്യന്റെ വാക്കിനനുസരിച്ച് പ്രവർത്തിക്കുക മാത്രമാണ് കർത്തവ്യമെന്ന് കരുതുന്നവർ പരിധി വിട്ടുപോയാൽ അതിനെ നശിപ്പിക്കാനാവും സ്വാഭാവികമായി ശ്രമിക്കുക. അതിന്റെ ഏറ്റവും ലളിതമായ, എന്നാൽ കരുത്തുറ്റതുമായ ആഖ്യാനമാണ് ചിത്രം കാട്ടിത്തരുന്നത്.

പൂർണ്ണമായും ഒരു ഡ്രാമ പോലെ ഒരുക്കിയിരിക്കുന്ന ചിത്രം കൈമുതലാക്കുന്നത് ഗംഭീര ആശയങ്ങളാണ്. കൊറിയയിൽ ഏറ്റവും പ്രചാരമുളള ബുദ്ധിസത്തെ തന്നെ കേന്ദ്രീകരിച്ച് ഒരുക്കിയ ചിത്രത്തിന്റെ ഡയലോഗുകൾ വളരെ മികവുറ്റതാണ്. നമ്മെ ഒരുപാട് ചിന്തിപ്പിക്കാനും സംവിധായകന് സാധിച്ചിട്ടുണ്ട്. ചിത്രത്തിന്റെ ക്ലൈമാക്സ് വളരെ ഗംഭീരമായിരുന്നു. മൂന്ന് ചിത്രങ്ങളുടെ കൂട്ടത്തിൽ ഏറ്റവും മികച്ച ചിത്രവും ഇത് തന്നെ.

🔻HAPPY BIRTHDAY🔻

തന്റെ അച്ഛന്റെ ഇഷ്ടഗെയിം ആയ പൂൾ ബോർഡിലെ എട്ടാം നമ്പർ ബോൾ താൻ നശിപ്പിച്ചത് പുറത്ത് അറിയാതിരിക്കാൻ ഓൺലൈൻ വഴി ബുക്ക് ചെയ്യാൻ ശ്രമിക്കുന്നു. എന്നാൽ ബുക്ക് ചെയ്യുന്ന വഴിക്ക് കൊച്ചിന് ഒരബദ്ധം പറ്റി. സൈറ്റ് മാറിപ്പോയി.

രസകരമായ പ്രമേയമാണ് ചിത്രത്തിന്റെ പോസിറ്റീവ്. അത് നല്ല രീതിയിൽ തന്നെ അവതരിപ്പിച്ചിട്ടുമുണ്ട്. ഇടക്കിടെ ചിരിക്കാനുള്ള സംഗതികളും സംവിധായകൻ ഒരുക്കിയിട്ടുണ്ട്. അങ്ങനെ എല്ലാ അർത്ഥത്തിലും നല്ലൊരു ആസ്വാദനം നൽകുന്നു ഈ ജന്മദിനം.

🔻ＦＩＮＡＬ ＶＥＲＤＩＣＴ🔻

നല്ല രീതിയിൽ ആസ്വാദനം നൽകിയ രണ്ട് ചിത്രങ്ങളും ശരാശരിയിൽ ഒതുങ്ങിയ ഒരു ചിത്രവും ഉൾപ്പെടുന്ന ഈ സിനിമ നല്ലൊരു അനുഭവം തന്നെയാണ്. ചിരിപ്പിക്കുകയും ചിന്തിപ്പുകയും ചെയ്യുന്ന പ്രമേയങ്ങൾ അടങ്ങിയ ചിത്രം നിരാശ നൽകില്ല.

ＭＹ ＲＡＴＩＮＧ :: ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

"When Drama Begins, Logic Ends" എന്ന ഹിച്ച്ക്കോക്കിയൻ വചനത്തിൽ വിശ്വസിക്കുന്ന ഒരുവനാണ് ഞാൻ. ആസ്വാദനത്തിന്റെ അളവനുസരിച്ച് അതിലെ ലൂപ്പ് ഹോളുകളും ലോജിക്കില്ലായ്മയും മനഃപൂർവ്വം അങ്ങ് മറക്കും. അത്തരത്തിലൊരു അനുഭവമായിരുന്നു ഇമൈക്ക നൊടികളും.

🔻ＳＴＯＲＹ ＬＩＮＥ🔻

നഗരത്തിൽ സീരിയൽ കില്ലറുടെ വിളയാട്ടമാണ്. സീരിയൽ കില്ലർ CBI ഓഫിസേഴ്‌സിന്റെ വരെ ബുദ്ധിയെ വരെ കടത്തിവെട്ടി സ്‌കോർ ചെയുന്നു. കില്ലർ വ്യക്തിപരമായി ടാർഗറ്റ് ചെയ്യുന്നത് അഞ്ജലി എന്ന ഓഫീസറെയും. അതോടെ തുടങ്ങുന്നു അഞ്ജലിയും കില്ലറും തമ്മിലുള്ള 'ക്യാറ്റ് & മൗസ്' ഗെയിം.

🔻ＢＥＨＩＮＤ ＳＣＲＥＥＮ🔻

ആദ്യ ചിത്രമായ 'Demonte Colony' യിലൂടെ തന്നെ തന്റെ വരവറിയിച്ച സംവിധായകനാണ് അജയ് ജ്ഞാനമുത്തു. അതുകൊണ്ട് രണ്ടാം ചിത്രവും പ്രതീക്ഷകൾ നൽകുക സ്വാഭാവികം. അതും ഒരു വമ്പൻ കാസ്റ്റ് കൂടിയുള്ളപ്പോൾ. പ്രതീക്ഷകൾ പൂർണ്ണമായി ശരിവെച്ച ചിത്രമായിരുന്നു ഇമൈക്ക നൊടികൾ.

കഥയിലേക്ക് കൂടുതൽ കടക്കുന്നില്ല. മൂന്ന് മണിക്കൂറിനടുത്ത് ദൈർഖ്യമുണ്ട് ചിത്രത്തിന്. എന്നാൽ അതിൽ ഒറ്റ സെക്കന്റ് പോലും ബോറടിച്ചില്ല എന്നതാണ് ആദ്യ സംഗതി. ആദ്യ രംഗം മുതൽ ഒടുക്കം വരെ ഇമവെട്ടാതെ കണ്ടുകൊണ്ടിരിക്കാൻ പ്രേരിപ്പിക്കത്തക്ക കിടിലൻ ത്രില്ലർ തന്നെയാണ് സംവിധായകൻ ഒരുക്കിയിരിക്കുന്നത്. അതിൽ കുറച്ച് ലോജിക്ക് പ്രോബ്ലെംസും ലൂപ്പ് ഹോളുകളും ഉണ്ടെങ്കിൽ കൂടി.

പ്രധാനമായും കേന്ദ്രകഥാപാത്രങ്ങൾക്ക് നൽകിയ സ്‌ക്രീൻ സ്‌പേസ്. രുദ്രയെന്ന ക്യാരക്ടർ ആദ്യപകുതി നിറഞ്ഞുനിന്നപ്പോൾ അതിനോട് കിടപിടിക്കത്തക്ക ബാക്ക് സ്റ്റോറിയും പ്രാധാന്യവും ബാക്കിയുള്ളവർക്ക് രണ്ടാം പകുതിയിൽ നൽകിയിട്ടുണ്ട്. അതിൽ നയൻതാരയുടെ ഫ്ലാഷ്ബാക്ക് അൽപ്പം ക്ളീഷേ ആണെങ്കിൽ കൂടി തൃപ്തി നൽകുന്ന ഒന്നായി ചിത്രീകരിക്കുന്നതിൽ വിജയിച്ചിട്ടുണ്ട്. അഥർവ്വയുടെ ലവ് സെഗ്മെന്റ് ബോറടിക്കാത്ത വിധം കൈകാര്യം ചെയ്തിട്ടുമുണ്ട്. കില്ലറുടെ ജസ്റ്റിഫിക്കേഷൻ വളരെ സ്‌ട്രോങ്ങ് ആയിത്തോന്നി. സൈക്കോ എന്ന വിളിക്ക് പൂർണ്ണ അർഥം നൽകുന്ന ഒന്ന്.

സിനിമാറ്റിക്ക് ലിബർട്ടി ആവശ്യത്തിന് ഉപയോഗിച്ചിട്ടുണ്ട് സംവിധായകൻ. അഥർവ്വയുടെ കഥാപാത്രം രണ്ടാം പകുതി ചെയ്യുന്നതൊക്കെയും അവിശ്വസനീയമാണ്. പക്ഷെ അതൊരു സിനിമയാണെന്ന ബോധ്യം ഉള്ളതുകൊണ്ട് കാര്യമാക്കിയില്ല. അതിനനുസരിച്ച് ത്രിൽ എലമെൻറ്സ് പ്രേക്ഷകർക്ക് ലഭിക്കുന്നുമുണ്ടല്ലോ. പിന്നെന്താ പ്രശ്നം. എന്നാൽ ക്ലൈമാക്സ് പോർഷൻ അതുവരെയുണ്ടായിരുന്ന ഹൈപ്പിനോട് ചേർന്നുനിന്നില്ല എന്ന് തോന്നി. എങ്കിലും തൃപ്തികരമായിരുന്നു.

ഒരു ത്രില്ലർ എന്ന നിലയിൽ കഥയിലും അതിന്റെ മികച്ച രീതിയിലുള്ള അവതരണത്തിലും എന്നെ നല്ല രീതിയിൽ തൃപ്തിപ്പെടുത്താൻ ചിത്രത്തിനായി. ഒരുപക്ഷെ ഒരുതവണ കൂടി കാണാൻ തോന്നിയാലും തെറ്റ് പറയാനാവില്ല.

🔻ＯＮ ＳＣＲＥＥＮ🔻

അനുരാഗ് കശ്യപിന്റെ അഴിഞ്ഞാട്ടമാണ് ചിത്രത്തിലുടനീളം. ഒരു സൈക്കോയുടെ എല്ലാ ഭാവഭേദങ്ങളും അദ്ദേഹത്തിൽ പ്രകടമായിരുന്നു. ഒരുതരം മത്തുപിടിച്ച ചിരി മാത്രം മതി പുള്ളിയുടെ കഥാപാത്രത്തെ ഭീകരമാക്കാൻ. സിനിമയുടെ ഏറ്റവും വലിയ പ്ലസ് പോയിന്റുകളിൽ ഒന്നാണ് അനുരാഗ് കശ്യപ്.

അഥർവ്വയുടെ കിടിലൻ റോൾ പുള്ളിക്കാരൻ ഭംഗിയാക്കി. രണ്ടാം പകുതിയിൽ ഒരുപാട് സ്‌ക്രീൻ പ്രസൻസ് പുള്ളിക്ക് ലഭിക്കുന്നുണ്ട്. അതെല്ലാം നന്നായി ചെയ്തിട്ടുമുണ്ട്. കൂടെ ലേഡി സൂപ്പർസ്റ്റാർ നയൻസ് ഒരാഴ്ചയുടെ ഇടവേളയിൽ വീണ്ടും തകർത്തു. പുള്ളിക്കാരിയോടുള്ള ഇഷ്ടം കൂടിക്കൂടി വരുന്നു. വിജയ് സേതുപതി കുറച്ചുനേരം കൊണ്ട് നല്ല ഫീൽ സമ്മാനിച്ച് മടങ്ങി. പുള്ളിയുടെ റോൾ വല്ലാണ്ടങ്ങ് ഇഷ്ടായി. നയൻസിന്റെ മകളായി അഭിനയിച്ച കുട്ടിയും നല്ല രസമായിരുന്നു.

🔻ＭＵＳＩＣ & ＴＥＣＨＮＩＣＡＬ ＳＩＤＥＳ🔻

ഹിപ്പ്-ഹോപ്പ് തമിഴയുടെ BGM ഗംഭീരമായിരുന്നു. പാട്ടുകളും നന്നായിരുന്നു. ബാർ സോങ്ങ് ഒഴികെ ബാക്കിയെല്ലാം പ്ലെസ് ചെയ്തതും നന്നായി തോന്നി. അതോടൊപ്പം വിഷ്വലുകളും ഒരു ത്രില്ലറിന് വേണ്ട രീതിയിൽ തന്നെ കൈകാര്യം ചെയ്തിട്ടുണ്ട്. എഡിറ്റിങ്ങും കയ്യടി അർഹിക്കുന്നു.

🔻ＦＩＮＡＬ ＶＥＲＤＩＣＴ🔻

Wanna Know Why The Movie Is Named 'Imaikka Nodigal'? ഒന്ന് തീയേറ്ററിൽ പോയി കണ്ടുനോക്കുക. ഇമവെട്ടാതെ മൂന്ന് മണിക്കൂർ പിടിച്ചിരുത്തുന്ന ഒരുഗ്രൻ ത്രില്ലർ ആസ്വദിച്ച് മടങ്ങാം. കാഴ്ചയിൽ ലോജിക്കുകളും മറ്റും ചിന്തിക്കാൻ ഗ്യാപ് തരാതെയുള്ള അവതരണത്തിന് മുഴുവൻ കയ്യടികളും. മേൽ പറഞ്ഞത് പോലെ ആസ്വാദനം പ്രതീക്ഷിച്ചതിനുമപ്പുറം ലഭിച്ചതിനാൽ ലോജിക്കില്ലായ്മകളും ലൂപ്പ്‌ഹോളുകളും മറക്കുന്നു. ഈ വർഷത്തെ ഇഷ്ടചിത്രങ്ങളുടെ കൂട്ടത്തിലേക്ക് ചേർക്കുന്നു ഈ ചിത്രവും.

ＭＹ ＲＡＴＩＮＧ :: ★★★½