Abeed Azad

🔻നാനിയുടെ വളരെ കുറച്ച് സിനിമകൾ മാത്രമേ കണ്ടിട്ടുള്ളൂവെങ്കിലും ഏറെ ഇഷ്ടപ്പെട്ട നടനാണ് അദ്ദേഹം. അഭിനയമികവ് തന്നെ അതിന് കാരണം. ഗാങ്ങ് ലീഡറിന്റെ ട്രെയിലർ വന്നപ്പോൾ മികച്ച ഒന്നായി തന്നെ തോന്നിയിരുന്നു. ഒപ്പം 24 സംവിധാനം ചെയ്ത വിക്രം കുമാർ എന്ന സംവിധായകനും. സിനിമ കണ്ടപ്പോൾ ആ പ്രതീക്ഷകളെല്ലാം ശരിവെക്കുന്ന അനുഭവം തന്നെയാണ് ലഭിച്ചത്.

Year : 2019
 Run Time : 2h 35min

🔻ഒരു മോഷണശ്രമത്തിനിടെ 5 പേർ കൊല്ലപ്പെടുകയും അത് തെളിയിക്കാനായി അവരുടെ കുടുംബാംഗങ്ങൾ ഒരു ഡിട്ടക്ട്ടീവ് നോവലിസ്റ്റിനെ സമീപിക്കുകയും ചെയ്യുന്നിടത്താണ് കഥ തുടങ്ങുന്നത്. ആ ഗാങ്ങ് കൊലപാതകങ്ങൾ തെളിയിക്കാനുള്ള ശ്രമങ്ങൾ തുടരുന്നത് വളരെ രസകരമായി പറഞ്ഞിരിക്കുകയാണ് സംവിധായകൻ.

🔻സിമ്പിളായ ഒരു തീമിനെ കോമഡിയും ത്രില്ലും കൃത്യമായി ബ്ലെന്റ് ചെയ്ത് അവതരിപ്പിച്ചിരിക്കുകയാണ്. അതിൽ ത്രില്ലറിന്റെ വ്യാപ്തി ഒട്ടും കുറക്കുന്നില്ല എന്നതാണ് ഹൈലൈറ്റ്. ത്രിൽ എലമെന്റുകൾ നിറഞ്ഞ രംഗങ്ങളുടെ കിടിലൻ അവതരണം ചിത്രത്തിൽ ഒരുപാട് കാണാനാവും. അതിൽ പോലും ഡയലോഗുകളിൽ ഹ്യൂമർ പകർന്നിരിക്കുന്നത് കാണാം എന്നതാണ് വസ്തുത. ലോജിക്കിനെ പറ്റി ചിന്തിക്കാൻ ഇട തരാത്ത വിധത്തിലുള്ള അവതരണത്തിൽ നാം വീണുപോകും എന്ന് തീർച്ച. ക്ലൈമാക്സ് ഡീസന്റായി അവസാനിപ്പിച്ചിട്ടുണ്ട്. ആ ഫൈറ്റ് സീനിന്റെ execution അടിപൊളി.

🔻പൊട്ടിച്ചിരിപ്പിക്കുന്ന തരത്തിലുള്ള രംഗങ്ങളാൽ സമൃദ്ധമാണ് ചിത്രം. അതിന് പറ്റിയ കിടിലൻ കാസ്റ്റിങ്ങ് എടുത്ത് പറയാതെ പറ്റില്ല. നാനിയുടെ കിടിലൻ പ്രകടനത്തിൽ തുടങ്ങി ലക്ഷ്മിയുടെ കഥാപാത്രം വരെ പൊളിച്ചടുക്കുന്നുണ്ട്. ബാങ്കിൽ വെച്ചുള്ള ഒരു രംഗത്തിൽ ലക്ഷ്മിയുടെ മാനറിസവും ഭാവങ്ങളും നിർത്താതെ ചിരിപ്പിച്ചു. ഒപ്പം ശരണ്യയും മറ്റുള്ളവരും നായകനോളം തന്നെ സ്‌ക്രീൻ പ്രസൻസ് അപഹരിക്കുന്നുണ്ട്. നായികയെ കാണാൻ ക്യൂട്ട് ആയിരുന്നു. ഒപ്പം നല്ല പ്രകടനവും. വില്ലനും കൊള്ളാം.

🔻അനിരുദ്ധിന്റെ അതിഗംഭീര BGM വർക്കുകൾ ചില സീനുകൾ വേറെ തലത്തിലേക്ക് എലവേറ്റ് ചെയ്യുന്നുണ്ട്. Ra Ra എന്ന ഗാനത്തിന്റെ BGM പല രംഗങ്ങളിലും ഉപയോഗിച്ചിരിക്കുന്ന വിധം ഗംഭീരമായിരുന്നു. ആ പാട്ടും കിടു. പാട്ടുകളൊന്നും ഫോർവേഡ് അടിക്കാൻ തോന്നാതെ തന്നെ കാണാം എന്നതാണ് മറ്റൊരു ഹൈലൈറ്റ്. പാട്ടുകളും കേൾക്കാൻ ഇമ്പമുള്ളതായിരുന്നു.

🔻ＦＩＮＡＬ ＶＥＲＤＩＣＴ🔻

ഒരു Complete Festive Entertainer എന്ന് വിശേഷിപ്പിക്കാം ഈ ചിത്രത്തെ. ആവശ്യത്തിലേറെ ചിരിപ്പിക്കാനും ത്രില്ലടിപ്പിക്കാനും ത്രിസിപ്പിക്കാനും ചിത്രത്തിന് സാധിച്ചിടത്ത് ഏറെ ഇഷ്ടപ്പെട്ട ഗ്യാങ്ങായി മാറുന്നുണ്ട് ഇത്. രണ്ടര മണിക്കൂർ Entertainment ആഗ്രഹിക്കുന്നവർക്ക് 100% Recommended. റിപ്പീറ്റ് വാച്ചിന് അത്യുത്തമം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഈയൊരു കാലഘട്ടത്തിൽ സ്വന്തം മക്കളുടെ ഭാവിയെക്കാളേറെ സമൂഹത്തിൽ ഡിഗ്നിറ്റി കാത്തുസൂക്ഷിക്കാനായി വമ്പൻ സ്‌കൂളുകളും ഇൻസ്റ്റിട്യൂഷനുകളും തേടിപ്പോവുന്ന മാതാപിതാക്കളെയാണ് ഏറെയും കാണാൻ സാധിക്കുക. അനുഭവത്തിന്റെ വെളിച്ചത്തിൽ തന്നെ പറയാൻ ഏറെ ഉദാഹരണങ്ങൾ ഉണ്ട്. സർക്കാർ സ്‌കൂളുകൾ മികച്ച നിലവാരവും പദ്ധതികളും വിദ്യാർത്ഥികൾക്കായി ഒരുക്കിവെക്കുമ്പോഴും അവയൊക്കെയും തഴഞ്ഞ് CBSE, ICSE സ്‌കൂളുകൾ തേടിപ്പോവുന്ന ഒരുപാട് കുടുംബങ്ങളെ അറിയാം. അതൊക്കെയും തെറ്റാണെന്നല്ല, പക്ഷെ അതൊരു ഷോ-ഓഫ് എന്ന നിലയിലേക്ക് പലപ്പോഴും ഉയരുന്നത് കണ്ടിട്ടുണ്ട്. അവർക്കുള്ള കിടിലൻ മറുപടിയാണ് ഹിന്ദി മീഡിയം.

Year : 2017
Run Time : 2h 12min

🔻മേൽപറഞ്ഞത് പോലെയൊരു ദമ്പതികളാണ് Mr & Mrs Batra. തന്റെ മകൾക്കായി മുന്തിയ ഇനം സ്‌കൂൾ തന്നെ തെരഞ്ഞെടുത്തു. എന്നാൽ അവിടെ അഡ്മിഷൻ കിട്ടുകയെന്നത് അത്ര എളുപ്പമുള്ള കാര്യമല്ല. കടമ്പകൾ ഏറെയുണ്ട് കടക്കാൻ. അതിനായി എന്തും ചെയ്യാൻ ഇവർക്കൊട്ട് മടിയില്ല താനും. മകളുടെ ഭാവിയും അവരുടെ ഡിഗ്നിറ്റിയും കുടിയിരിക്കുന്നത് അതിലാണല്ലോ. തുടർന്നുള്ള രസകരമായ സംഭവങ്ങളാണ് നമുക്ക് കാണാനാവുക.

🔻തുടക്കം മുതൽ ഒടുക്കം വരെ മുഴുനീള കോമഡി ചിത്രമാണ് ഹിന്ദി മീഡിയം. എന്നാൽ അതിലൂടെ സംവിധായകൻ പറയാൻ ഉദ്ദേശിച്ച കാര്യങ്ങളൊക്കെ പറഞ്ഞിട്ടുണ്ട് താനും. ഒരുനിമിഷം പോലും നമുക്ക് ബോറടിക്ക് വക നൽകുന്നില്ല. പകരം എപ്പോൾ വേണമെങ്കിലും പൊട്ടിച്ചിരിപ്പിക്കുന്ന നർമ്മരംഗങ്ങൾക്കായി കരുതിയിരിക്കുകയും ചെയ്യാം. നല്ല മെസേജുകളും ചിത്രം കൈമാറുന്നുണ്ട്. ഒടുവിൽ നല്ലൊരു ക്ലൈമാക്സ് കൂടിയാവുമ്പോൾ തന്റെ കർത്തവ്യം പൂർണ്ണതയിൽ എത്തിക്കുന്നുണ്ട് സംവിധായകൻ.

🔻കോമഡി അനായാസമായി കൈകാര്യം ചെയ്യുന്ന നടനാണ് ഇർഫാൻ ഖാനെന്ന് പ്രത്യേകം പറയേണ്ടതില്ലല്ലോ. എന്നാൽ ഇവിടെ അദ്ദേഹത്തെയും കടത്തിവെട്ടിയിരിക്കുന്നത് Mrs Batraയായി അഭിനയിച്ച Saba Qamarന്റെ പ്രകടനമാണ്. കിടിലൻ പ്രകടനം എന്നെ പറയാനുള്ളൂ. അത്ര ഗംഭീരമായിരുന്നു ആ കഥാപാത്രം. ഒപ്പം ഇർഫാൻ ഖാൻ കൂടി ചേരുമ്പോൾ ചിരിയുടെ പെരുന്നാൾ തന്നെയാണ് കാത്തിരിക്കുന്നത്. അവസാന ഭാഗങ്ങളിലെ ഇർഫാന്റെ പ്രകടനം ഏറെ ഇഷ്ടപ്പെട്ടു.

🔻ＦＩＮＡＬ ＶＥＲＤＩＣＴ🔻

പ്രേക്ഷകനെ അത്യന്തം രസിപ്പിക്കുകയും ചിന്തിപ്പിക്കുകയും ചെയ്യുന്ന ചിത്രമാണ് ഹിന്ദി മീഡിയം. ഒരിക്കൽ പോലും ആസ്വാദനം താഴേക്ക് പോവുന്നില്ല എന്ന് മാത്രമല്ല ഓരോ രംഗങ്ങൾ കഴിയുന്തോറും കാര്യങ്ങൾ കൂടുതൽ രസകരമാവുന്നുമുണ്ട്. അത്തരത്തിൽ മുഴുനീള കോമഡി ചിത്രമാണ് നമ്മെ കാത്തിരിക്കുന്നത്. കണ്ടിട്ടില്ലാത്തവർ തീർച്ചയായും കാണേണ്ട ഒന്ന് തന്നെ.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഗംഭീരമായ തുടക്കം. ത്രില്ലടിപ്പിച്ച് മുന്നേറുന്ന അവതരണം. എന്നാൽ പാതിയെത്തുമ്പോൾ പതിയെ കുറഞ്ഞ് വരുന്ന ആഖ്യാനവേഗത. ഒടുക്കം പ്രതീക്ഷകൾക്ക് തുലനം ചെയ്യാൻ സാധിക്കാത്ത ക്ലിഷേ ട്വിസ്റ്റ്. ഇതാണ് ചിത്രത്തിന്റെ ആകെത്തുക.

Year : 2019
Run Time : 1h 55min

🔻1988. ഫിലാഡൽഫിയയിലാണ് കഥ നടക്കുന്നത്. ഒരേസമയം മൂന്നിടത്ത് മൂന്ന് പേർ ഒരേ രീതിയിൽ കൊല്ലപ്പെടുന്നു. പ്രത്യക്ഷത്തിൽ അവർ തമ്മിൽ യാതൊരു ബന്ധവും ഇല്ലെങ്കിലും പോലീസ് ഓഫീസറായ ലോക്ക് അവരിൽ ഒരു ബന്ധം കണ്ടെത്തി. അവരുടെ കഴുത്തിന് പിന്നിലെ മൂന്ന് പാടുകൾ. അതിൽ നിന്ന് അവർ അന്വേഷണം ആരംഭിക്കുന്നു. തുടർന്ന് അവരുടെ സസ്‌പെക്റ്റിലേക്ക് അടുക്കുന്നു.

🔻മേൽപറഞ്ഞത്‌ ഒരു തുടക്കം മാത്രമാണ്. ഇതിന് ശേഷമാണ് കഥയിലെ യഥാർത്ഥ വഴിത്തിരിവുകൾ അരങ്ങേറുന്നത്. എന്നാൽ 9 വർഷത്തെ ഇടവേള അതിന് വേണ്ടിവന്നു എന്ന് മാത്രം. അവിടെയൊരു സീരിയൽ കില്ലറിന്റെ സാധ്യത തെളിയുകയാണ്. ഒടുവിൽ കേസന്വേഷണത്തേക്കാൾ സയൻസ് ഫിക്ഷൻ എന്ന നിലയിൽ ചിത്രം മുന്നേറുന്നു.

🔻തുടക്കത്തിലേ കൊലപാതകങ്ങൾക്ക് താളം പിടിക്കുന്ന ഒരു പിയാനോ നോട്ട് ഉണ്ട്. ആ ഒറ്റ രംഗം കൊണ്ട് ചിത്രം നമ്മെ കയ്യിലെടുക്കുന്നുണ്ട്. തുടർന്ന് ആ പ്രതീക്ഷകളോട് നീതി പുലർത്തുന്ന അവതരണം തന്നെയാണ് ചിത്രത്തിന്റേത്. 9 വർഷങ്ങൾക്ക് ശേഷമുള്ള ഇൻസിഡന്റുകളും ഏറെ ശ്രദ്ധ ജനിപ്പിക്കുന്നതാണ്. അപ്പോഴേക്കും സമയം പകുതി പിന്നിട്ടിരുന്നു. അതുവരെ വേഗത പുലർത്തിയിരുന്ന ആഖ്യാനം പിന്നീട് പതിഞ്ഞ താളത്തിലാവുന്നുണ്ട്. പലപ്പോഴും ത്രില്ലർ എന്ന കാര്യം പോലും മറന്നുപോകും വിധം മന്ദത ചില രംഗങ്ങളിൽ കാണാം. അപ്പോഴും എന്തൊക്കെയോ പ്രതീക്ഷകൾ മനസ്സിൽ ഉണ്ടായിരുന്നു എന്നത് സത്യം. എന്നാൽ സമകാല പ്രതീക്ഷകളും തകിടം മരിച്ച ക്ലൈമാക്സ് നിരാശ തന്നെയാണ് നൽകിയത്. കുറെ ചോദ്യങ്ങളും അതിനൊപ്പം ഉത്തരം കിട്ടാതെ അവസാനിക്കുന്നുമുണ്ട്. ഒടുക്കം കലമുടക്കുക എന്ന് അക്ഷരാർത്ഥത്തിൽ പറയാം എന്ന് സാരം. നായകന്റെ മികച്ച പ്രകടനം മാത്രമാണ് ആശ്വാസം,

🔻ＦＩＮＡＬ ＶＥＲＤＩＣＴ🔻

സിനിമ തുടക്കത്തിൽ തരുന്ന പ്രതീക്ഷകൾ മനസ്സിൽ പേറിക്കൊണ്ട് മുന്നോട്ട് പോയാൽ നിരാശയവും ഫലം. ഒരു സാധാരണ സിനിമ ആസ്വദിക്കുന്ന ലാഘവത്തോടെ കണ്ടാൽ നിരാശപ്പെടുത്താത്ത ഒരു സ്‌കൈ-ഫൈ ത്രില്ലർ ആസ്വദിക്കാം. ഒരു തവണ കാണാനുള്ള വകയൊക്കെ ചിത്രം കരുതിവെച്ചിട്ടുണ്ട്.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻തായ് സിനിമകളോട് വിമുഖത കാട്ടാനുള്ള കാരണം അത് സൃഷ്ടിച്ചെടുക്കുന്ന ഫേക്ക് ഇമോഷൻസ് ദഹിക്കാനുള്ള ബുദ്ധിമുട്ടിനാലാണ്. എന്നാൽ ഈ സിനിമയിൽ പല റിലേഷനിലും കുറച്ചെങ്കിലും ആത്മാർത്ഥത പ്രകടമാണ്. ആ അളവിൽ കാട്ടിത്തുടങ്ങുന്ന ബന്ധങ്ങൾ ഒടുവിലേക്കെത്തുമ്പോൾ വളരെ ഹൃദ്യമായ അനുഭവങ്ങളാവുന്നുണ്ട്. അങ്ങനെ ഈ ചിത്രം ഫീൽ ഗുഡ് മൂവികളിൽ പ്രിയപ്പെട്ട ഒന്നായി മാറുന്നുമുണ്ട്.

Year : 2014
Run Time : 2h 15min

🔻ഭർത്താവുമായി ഏറെ അടുപ്പം പുലർത്തിയിരുന്ന ടാനിന്റെ അമ്മ അദ്ദേഹത്തിന്റെ വിയോഗശേഷം ഏറെ ഏകാന്തത അനുഭവിച്ചിരുന്നു. ആ ഏകാന്തതയിൽ അവർക്ക് കൂട്ടായി ആകെയുണ്ടായിരുന്നത് ടാനിന്റെ കളിചിരികളാണ്. അവന്റെ പുഞ്ചിരി തൂകിയ മുഖം പല കഷ്ടതകളിലും അവർക്ക് ആശ്വാസമായിരുന്നു. എന്നാൽ കോളേജിലെത്തിയപ്പോൾ നാട്ടിൽ നിന്ന് മാറി ബാങ്കോക്കിലേക്ക് ടാനിന് താമസം മാറേണ്ടി വരുന്നിടത്ത് അമ്മ ആകെ തകരുന്നു. തുടർന്ന് ടാനിന്റെയും അമ്മയുടെയും ജീവിതം രണ്ട് ധ്രുവങ്ങളിൽ പുരോഗമിക്കുന്നു.

🔻വളരെ പക്വമായ അവതരണം. അതൊരുപക്ഷേ പതിഞ്ഞ താളത്തിലാണെന്ന് നമുക്ക് തോന്നിയേക്കാം. എന്നാൽ ആ ട്രാക്കിലേക്ക് നമ്മൾ ഒത്തുചേർന്നാൽ മനോഹരമായ ഒരനുഭവമാണ് ചിത്രം നമുക്ക് സമ്മാനിക്കുക. അവരുടെ ജീവിതത്തിലേക്ക് പല കഥാപാത്രങ്ങളും കടന്നുവരുന്നതോടുകൂടി കഥ വികസിക്കുന്നു. നാഗരികതയുടെ ആർഭാടത്തിൽ മതിമറന്ന് ജീവിക്കുന്ന ടാനും മകൻ കൂടെയില്ലെന്ന് വിലപിക്കുന്ന അമ്മയും നമുക്ക് പ്രിയപ്പെട്ടവരാകുന്നു. അവിടെ ജൂൺ എന്ന കഥാപാത്രം കടന്നുവരുന്നു. ഒരുപക്ഷെ സിനിമയുടെ എനർജി മുഴുവൻ കുടിയിരിക്കുന്നത് ആ കഥാപാത്രത്തിലാണെന്ന് പറയേണ്ടി വരുന്നു. ഒപ്പം മറ്റ് ചിലരും വരുന്നതോട് കൂടി ഒരുപാട് റിലേഷനുകൾക്ക് വഴിതുറക്കുന്നു.

🔻ജൂണിന്റെ കളിചിരികൾ സിനിമയുടെ പ്രസരിപ്പാണ്. ഘട്ടം ഘട്ടമായി ആ കഥാപാത്രം നമ്മെ ഏറ്റവും സ്പർശിക്കുന്ന ഒന്നായി മാറുന്നുമുണ്ട്. മനോഹരമായ പല രംഗങ്ങൾക്കും വഴിവെക്കുന്നത് ജൂൺ ആണ്. ഒരുപക്ഷെ അത്രനേരം ഉണ്ടായിരുന്നവരെയൊക്കെ സൈഡാക്കി കളഞ്ഞ പ്രകടനവും കഥാപാത്രവുമായി മാറുന്നുണ്ട് ജൂൺ. തായ് സിനിമകളിൽ സ്ഥിരം കണ്ടുവരുന്ന ചില കോൺഫ്ലിക്റ്റുകൾ രണ്ട് രംഗങ്ങളിൽ കാണാനായതൊഴിച്ചാൽ ബാക്കിയെല്ലാം മനോഹരമായ അനുഭവങ്ങളാവുന്നുണ്ട്. ഒപ്പം വൈകാരികവും. അവസാന രംഗങ്ങളൊക്കെ ഏറെ പ്രിയപ്പെട്ടതായി. കോമഡി കൊണ്ടുവരാനുള്ള ചീപ്പ് ശ്രമങ്ങൾ എവിടെയും കാണാൻ സാധിക്കില്ല എന്നതും നല്ലൊരു ഘടകമായി തോന്നി.

🔻ＦＩＮＡＬ ＶＥＲＤＩＣＴ🔻

ലളിതവും ഹൃദ്യവുമായൊരു ഫീൽ ഗുഡ് മൂവി. കണ്ട് കഴിയുമ്പോൾ കുറച്ച് നേരമെങ്കിലും ജൂൺ നമ്മുടെ കൂടെയുണ്ടാവും. അത്ര ഇഷ്ടമായി ആ കഥാപാത്രവും അവളുടെ ചിരിയും. ആത്മബന്ധങ്ങളുടെ വൈകാരികതയിൽ ആത്മാർത്ഥതയും സത്യസന്ധതയും കാണാൻ സാധിക്കുന്ന ചിത്രമായി അവശേഷിക്കുന്നുണ്ട് Timeline. തീർച്ചയായും ഫീൽ ഗുഡ് പ്രേമികൾക്ക് നല്ലൊരു അനുഭവം തന്നെയാവും ഈ ചിത്രം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻സിനിമയിലെ ആദ്യ രംഗം തന്നെ ഈ പേരിനോട് ചേർന്ന് നിൽക്കുന്നതാണ്. ജോലി കഴിഞ്ഞ് വീട്ടിലേക്ക് മടങ്ങുന്ന സ്ത്രീയെ പിന്തുടരുന്ന ഹെൽമെറ്റ് ധരിച്ച അജ്ഞാതൻ. മുറിയിലേക്ക് ആ സ്ത്രീ പ്രവേശിക്കുന്നതോടെ സിനിമയുടെ കഥ തുടങ്ങുന്നു. പിന്നീട് കഥ എത്തുന്നത് ഇരിടവേളക്ക് ശേഷമുള്ള സംഭവങ്ങളിലേക്കാണ്. തന്റെ സഹോദരനെ തേടിയെത്തുന്ന Seong-Soo എന്ന പണക്കാരന്റെ അന്വേഷണത്തിലൂടെ കഥ പുരോഗമിക്കുന്നു. ഈ രണ്ട് സംഭവങ്ങൾക്കും എന്താണ് ബന്ധം. ഒടുവിൽ ഇതിന്റെ ചുരുളഴിയുന്നു.

Year : 2013
Run Time : 1h 47min

🔻പതിഞ്ഞ താളത്തിലുള്ള തുടക്കമാണ് ചിത്രത്തിന്റേത്. ഒരുപക്ഷെ ആ ഘട്ടത്തിൽ ചിത്രത്തിന് ഏറ്റവും യോജിച്ച ആഖ്യാനരീതിയും അത്  തന്നെയാണ്. എന്നാൽ ആകാംഷ നിലനിർത്തുന്ന എലമെന്റുകൾ കൃത്യമായ ഇടവേളകളിൽ നമുക്ക് ലഭിക്കുന്നുമുണ്ട് താനും. കഥയിലെ പ്രധാന വഴിത്തിരിവ് വരുന്നത് മുതൽ അവതരണം ടോപ്പ് ഗിയറിലാണ്. ത്രില്ലർ എന്ന ജേണറിനോട് നീതിപുലർത്തും വിധമുള്ള അവതരണം അവിടം മുതൽ നമുക്ക് കാണാം. പ്രതീക്ഷിക്കുന്നതിനും ഊഹിക്കുന്നതിനുമപ്പുറം പുകമറ സൃഷ്ടിച്ച ട്വിസ്റ്റുകൾ സമ്മാനിക്കുന്ന കൊറിയൻ ഇൻഡസ്ട്രിയുടെ സ്വഭാവത്തോട് ചേർന്ന് നിൽക്കും ഈ ചിത്രത്തിന്റെ കാര്യത്തിലും.

🔻ത്രില്ലറെന്ന നിലയിൽ മാത്രമല്ല അതിനൊപ്പം വൈകാരികമായ രംഗങ്ങളും കൈകാര്യം ചെയ്‌ത വിധം പ്രശംസനീയമാണ്. കൊച്ച് കുട്ടികൾ വരെ മത്സരിച്ചഭിനയിക്കുന്ന ഇൻഡസ്ട്രിയിൽ ഇതൊരു പുതുമയല്ലെങ്കിൽ കൂടി പറയാതിരിക്കാൻ വയ്യ. നായകനും സഹോദരനുമായുള്ള ബന്ധം വരച്ചുകാട്ടുന്ന രംഗങ്ങൾ നന്നായി execute ചെയ്തവയാണ്. ആ ബന്ധം എങ്ങനെയെന്നത് രണ്ടാമത് വരുന്ന കാര്യമാണ്. ഒപ്പം കടുംബപരമായ കോൺഫ്ലിക്റ്റുകളും ചുരുങ്ങിയ സമയം കൊണ്ട് നമുക്ക് കാട്ടിത്തരുന്നുണ്ട്. അതുകൊണ്ട് തന്നെ ത്രില്ലർ എന്നതിനൊപ്പം തന്നെ ഇത്തരം കാര്യങ്ങളും കോർത്തിണക്കി കൊണ്ടുപോവുന്നതിൽ സംവിധായകൻ വിജയിച്ചിട്ടുണ്ട്.

🔻അഭിനേതാക്കളുടെ പ്രകടനം പറയണെമന്നുണ്ട്. പക്ഷെ വമ്പൻ സ്പോയിലർ ആവുമെന്നതിനാൽ അതിനെ പറ്റി നിശബദ്ധത പാലിക്കുന്നതാണ് അത്യുത്തമം. ക്ലൈമാക്സ് രംഗങ്ങളൊക്കെ പ്രകടനം കൊണ്ട് വില്ലനിസം വേറെ ലെവലിൽ എത്തുന്നുണ്ട്. ഒപ്പം ടെക്നിക്കൽ സൈഡുകളും നന്നായി തന്നെ കൈകാര്യം ചെയ്തിട്ടുണ്ട്. പേസിങ്ങിനോട് ചേർന്ന് നിൽക്കുന്ന എഡിറ്റിംഗും ഇടക്കിടെ ഡാർക്ക് മൂഡ് സമ്മാനിക്കുന്ന ക്യാമറ വർക്കുകളും ത്രില്ലറിനോട് ചേർന്ന് നിൽക്കുന്ന പശ്ചാത്തലസംഗീതവും മികച്ചതാണ്.

🔻ＦＩＮＡＬ ＶＥＲＤＩＣＴ🔻

ഒന്നോ രണ്ടോ രംഗങ്ങളിൽ ചില ലോജിക്ക് പ്രശ്നങ്ങൾ തോന്നിയെങ്കിൽ കൂടി ഒരുപാട് ത്രില്ലടിപ്പിച്ച ചിത്രമാണ് Hide & Seek. പേര് പോലെ തന്നെ ഒളിച്ചിരിക്കുന്ന അജ്ഞാതനെയും സഹോദരനെയും തേടിയുള്ള യാത്ര എവിടെ അവസാനിക്കുമെന്ന് കണ്ടറിയുക. കൊറിയൻ ഇൻഡസ്ട്രിയിൽ ഏറെ ആസ്വദിച്ച ത്രില്ലറിന്റെ പട്ടികയിലേക്ക് ഒന്നുകൂടി ചേരുന്നു.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻മാജിക്കും ലോജിക്കും പലപ്പോഴും കാന്തങ്ങളുടെ ഇരു വശങ്ങൾ പോലെയാണ്. അങ്ങ് ചേർന്ന് പോവുകയേ ഇല്ല. പല സിനിമകളിലും മാജിക്ക് സീനുകളുടെ മേക്കിങ്ങ് അമ്പരപ്പിച്ചിട്ടുണ്ടെങ്കിലും ഒരു പരിധി കവിഞ്ഞാൽ വിരസമായി മാറാനും സാധ്യതയുണ്ട്. ഈ സീരീസിൽ ഭൂരിഭാഗവും നമ്മെ തൃപ്തിപ്പെടുത്താനാവുമ്പോഴും ചില crucial രംഗങ്ങളുടെ അവതരണം അൽപ്പം sillyയായി തോന്നും. ഇത്തരത്തിലുള്ള രംഗങ്ങൾ ഒരൽപ്പം സഹിക്കാനായാൽ തൃപ്തികരമായ ഒരു സീരീസ് ആസ്വദിക്കാം.

Year : 2018
Episode : 13
Run Time : 40-45min

🔻ലോകപ്രശസ്തനായ മജീഷ്യൻ കാമറൂൺ ബ്ലാക്ക് തന്റെയൊരു മാജിക്ക് ഷോവിന് ശേഷം അപകടത്തിൽ പെടുകയും പോലീസ് പിടിയിലാവുകയും ചെയ്യുന്നിടത്താണ് കഥയുടെ തുടക്കം. അവിടെ തന്നെ ഒരു സത്യം വെളിപ്പെടുകയാണ്. തന്നെയാരോ മനഃപൂർവ്വം അപകടത്തിൽ കുടുക്കിയതാണെന്ന് ബോധ്യമാവുന്നതോടെ FBIയുമൊത്ത് തന്റെ Deception ടീമിന്റെ സഹായത്തോടെ സത്യം തെളിയിക്കാൻ ഇറങ്ങുന്നു. എന്നാൽ വഴിയിൽ പ്രതീക്ഷിക്കാത്ത വിധത്തിൽ അനേകം കേസുകൾ വന്ന് പെടുന്നു. തുടർന്ന് അവയൊക്കെയും തെളിയിക്കാൻ കാമറൂണും ടീമും ഇറങ്ങിപ്പുറപ്പെടുന്നു.

🔻ഏറെ താൽപര്യമുണർത്തുന്ന തുടക്കമായിരുന്നു സീരീസിന്റെത്. കാമറൂണിന്റെ സ്റ്റൈലിഷ് ഇൻട്രോയും തുടർന്നുള്ള മാജിക്ക് ഷോയുമൊക്കെ interesting ആയി അവതരിപ്പിച്ചിട്ടുണ്ട്. തുടർന്ന് കഥയിലേക്ക് നേരിട്ട് കടക്കുകയും ചെയ്യുമ്പോൾ അടുത്ത എപ്പിസോഡുകൾ കാണാനുള്ള ആഗ്രഹം നമ്മിൽ ഉടലെടുക്കും. എന്നാൽ ഓരോ എപ്പിസോഡിലും ഓരോ കേസുകൾ തെളിയിക്കുന്ന രീതിയിലുള്ള അവതരണം ഇടക്കെങ്കിലും ആസ്വാദനത്തെ പിന്നോട്ട് വലിക്കുന്നുണ്ട്. ഒരു സീരീസ് എന്ന നിലയിലുള്ള തുടർച്ച അത്തരം എപ്പിസോഡുകളിൽ നഷ്ടമാവുന്നുണ്ട്. രണ്ടോ മൂന്നോ ഫാക്റ്ററുകൾ മാത്രമാണ് ആ തുടർച്ച നിലനിർത്തുന്നത് എന്ന് തോന്നിപ്പോവും. ചില കേസുകൾ കഥയുമായി ഒരു ബന്ധവുമില്ലെങ്കിലും കണ്ടിരിക്കാം എന്ന് തോന്നും. അതിനിടയിലാണ് മാജിക്കിലെ അതിശയോക്തി പ്രകടമാവുന്നത്. 'Magic Is All About Deception' എന്നിടക്ക് പറയുന്നത് കാണികളെ കളിയാക്കാനാണോ എന്ന് തോന്നിയിരുന്നു. എങ്കിലും ആ ഫ്ലോവിൽ അതങ്ങ് ഗൗനിക്കാതെ വിടാം. ഒടുവിൽ നല്ലൊരു പ്ലോട്ട് മുന്നിലേക്കിട്ട് ആദ്യ സീസൺ അവസാനിക്കുമ്പോൾ അടുത്ത സീസൺ റിലീസ് ആവാനുള്ള കാത്തിരിപ്പിലാഴ്ത്തുന്നുണ്ട് സംവിധായകൻ.

🔻Jack Cutmore-Scottന്റെ വളരെ സ്റ്റൈലിഷായ പ്രകടനം മാജിക്ക് ഉൾപ്പെടുന്ന രംഗങ്ങളെ മികവുറ്റതാക്കുന്നുണ്ട്. സീരീസിലെ ചില ഡയലോഗുകളും ഹൈലൈറ്റാണ്. Jackന്റെ ഡയലോഗ് ഡെലിവറിയും നന്നേ രസിപ്പിക്കുന്നുണ്ട്. കൂടെ അഭിനയിച്ചവരും തങ്ങളുടെ റോളുകൾ ഭംഗിയാക്കിയിട്ടുണ്ട്. മികച്ചുനിൽകുന്ന ഛായാഗ്രഹണവും മാജിക്ക് നമ്പറുകളും പശ്ചാത്തലസംഗീതവും സീരീസിന്റെ പേസിങ്ങിന് സഹായകമാവുന്നുണ്ട്.

🔻ＦＩＮＡＬ ＶＥＲＤＩＣＴ🔻

ലോജിക്ക് ഇല്ലായ്മയും ലൂപ്പ് ഹോളുകളും ചില രംഗങ്ങളിൽ കാണാനാവുമെങ്കിലും അവയൊക്കെ ഗൗനിക്കാതെയിരുന്നാൽ നല്ലൊരു അനുഭവം തന്നെയാവും Deception സമ്മാനിക്കുക. കാഴ്ച തുടങ്ങിയാൽ തുടർന്ന് കാണാനുള്ള ജിജ്ഞാസ ഓരോ എപ്പിസോഡും ജനിപ്പിക്കുന്നുണ്ട്. പോരായ്മകൾ ഉണ്ടെങ്കിൽ കൂടി നിരാശ നൽകില്ല ഈ സീരീസ്. നല്ലൊരു ending കൂടി അവസാന എപ്പിസോഡിൽ സമ്മാനിക്കുമ്പോൾ അടുത്ത സീസണിനായുള്ള കാത്തിരിപ്പ് തുടങ്ങും എന്ന് തീർച്ച.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഒരു സോമ്പി മൂവി എങ്ങനെയാവും എന്നൊരു കൺസെപ്റ്റ് നമ്മുടെ മനസ്സിൽ ഉണ്ടാവും. അതിൽ പ്രതീക്ഷിക്കുക ഹൊറർ-സ്ലാഷർ ടൈപ്പ് തന്നെയാവും. എന്നാൽ അതിൽ കോമഡി കൂടി ഉൾപ്പെടുത്തുക എന്നത് ശ്രമകരമായ കാര്യമാണ്. Shaun Of The Dead അടക്കമുള്ള ചിത്രങ്ങൾ ആ കാര്യത്തിൽ വിജയിച്ചതാണ്. ഈ ചിത്രവും സോമ്പി-കോമഡി കൺസെപ്റ്റിൽ ഒരുങ്ങിയ ഒന്നാണ്. ആ കാര്യത്തിൽ ചിത്രം വിജയിച്ചിട്ടുമുണ്ട്.

Year : 2019
Run Time : 1h 52min

🔻ഇത്തവണ നമ്മുടെ സോമ്പികൾ മനുഷ്യമാംസത്തെയല്ല ക്യാബേജിനെയാണ് പ്രണയിക്കുന്നത്. അതാണ് ഹൈലൈറ്റ്. അവിടെ തുടങ്ങുന്ന നർമ്മമുഹൂർത്തങ്ങൾ അങ്ങ് ക്ലൈമാക്സ് വരെ നീളുന്നു എന്നതാണ് ചിത്രത്തിന്റെ പ്രത്യേകത. ഒപ്പം ആവശ്യത്തിന് മാത്രം വയലൻസ് ഉപയോഗിച്ചതും ആസ്വാദനത്തിന് ഗുണം ചെയ്തിട്ടുണ്ട്.

🔻കുറെ രംഗങ്ങൾ ഹൈലൈറ്റ് ചെയ്ത് പറയണമെന്നുണ്ട്. പക്ഷെ കാണുമ്പോഴുള്ള രസം നഷ്ടപ്പെടുമെന്നതിനാൽ അവ പറയുന്നില്ല. ഒരു കുടുംബത്തെ ഫോക്കസ് ചെയ്ത് തുടങ്ങുന്ന കഥയിൽ അവരുടെ ബന്ധങ്ങൾ ഭംഗിയായി വരച്ചിടുന്നുണ്ട്.അച്ഛൻ ഉൾപ്പടെ ആ ഫ്രയിമിലേക്ക് വരുന്ന രീതി വളരെ രസകരമാണ്. തുടർന്ന് ഒരു സോമ്പിയെ കിട്ടുന്നതും അതിനെ അവർ എങ്ങനെ ഉപയോഗിക്കുന്നു എന്നതുമൊക്കെയായി ഫൺ റൈഡ് തന്നെയാണ് സിനിമയിലുടനീളം. ഒട്ടും മടുപ്പില്ലാതെ കണ്ടിരിക്കാൻ സാധിക്കും.

🔻ＦＩＮＡＬ ＶＥＲＤＩＣＴ🔻

കോമഡിക്ക് പ്രാധാന്യം നൽകി ഒരുക്കിയ തിരക്കഥയാണെങ്കിൽ കൂടി സ്ലാഷർ ജേണറിനോടും നീതി പുലർത്താൻ ചിത്രത്തിന് സാധിച്ചിട്ടുണ്ട്. കുറെ ചിരിക്കാനും ഇത്തിരി വയലൻസ് ആസ്വദിക്കാനുമായി തീർച്ചയായും കാണാവുന്ന ചിത്രം തന്നെയാണിത്.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഈ ലോകത്ത് സൂപ്പർ പവറുള്ളവർ ഒരുപാടുണ്ട്. അതിൽ താനുദ്ദേശിക്കുന്ന കാര്യത്തിനായി കഴിവുള്ളവരെ തിരഞ്ഞെടുക്കുക. ഒറ്റ രാത്രി കൊണ്ട് ആ കാര്യം നേടിയെടുക്കുക. ഇല്ലെങ്കിൽ നഷ്ടപ്പെടുക തന്റെ ജീവൻ തന്നെയാണ്. കസീനോയിൽ മറ്റൊരുവന്റെ കരവിരുത് കാരണം തനിക്കുണ്ടായ വമ്പൻ നഷ്ടം നികത്താൻ മൈക്കിളിന് അത് മാത്രമേ വഴിയുണ്ടായിരുന്നുള്ളൂ.

Year : 2018
Run Time : 1h 41min

🔻സിനിമയുടെ ടെക്നിക്കൽ സൈഡിനെ കുറിച്ച് തന്നെ ആദ്യം പറയട്ടെ. അതിഗംഭീരമാണ് ഛായാഗ്രഹണവും വിഷ്വൽ എഫക്ട്സും. കണ്ണഞ്ചിപ്പിക്കുന്ന എന്ന് നിസ്സംശയം വിശേഷിപ്പിക്കാവുന്ന കാഴ്ചാവിരുന്ന്. സിനിമയെ മുഴുവൻ സമയവും താങ്ങിനിർത്തുന്നത് ഈ ഘടകമാണെന്നതാണ് സത്യം. ഒപ്പം ചടുലതയേറിയ എഡിറ്റിംഗും.

🔻എന്നാൽ ഈ മികവിനോളം പോന്ന കഥയായിരുന്നില്ല ചിത്രത്തിന്റേത്. മികച്ച രീതിയിൽ തുടങ്ങുകയും പിന്നീട് ശരാശരിയിൽ ഒതുങ്ങുകയും ചെയ്യുന്നുണ്ട് തിരക്കഥ. ഇത് പലപ്പോഴും നമുള്ള ഫീൽ ചെയ്യുകയും ചെയ്യും. എങ്കിലും വിഷ്വലി പുലർത്തുന്ന മികവ് കൊണ്ട് ഒരു പരിധി വരെ മടുപ്പില്ലാതാക്കാൻ സാധിച്ചിട്ടുണ്ട്. BGM വർക്കുകളും ശരാശരി നിലവാരമേ പുലർത്തുന്നുള്ളൂ.

🔻നായകൻറെ സ്റ്റൈലൻ പ്രകടനം ഹൈലൈറ്റ് ആണ്. ബാക്കിയുള്ളവരും മോശമാക്കിയില്ല. Antonio Banderas ചെറിയൊരു വേഷത്തിൽ വരുന്നുണ്ട്. ഒരുപക്ഷെ ചിത്രത്തിനൊരു രണ്ടാം ഭാഗം ഉണ്ടായാൽ മുഴുനീള റോളിൽ പുള്ളിയെ കാണാനാവും.

🔻ＦＩＮＡＬ ＶＥＲＤＩＣＴ🔻

കഥയെപറ്റി കൂടുതൽ വാചാലരാവാതിരുന്നാൽ ദൃശ്യമികവ് പുലർത്തുന്ന ഒരു ഫാന്റസി ചിത്രം ആസ്വദിക്കാം. നേരം പോക്കിനായി മാത്രം ചിത്രത്തെ സമീപിക്കുക. പ്രതീക്ഷകളൊന്നുമില്ലാതെ കാണാനിരുന്നാൽ നമ്മെ തൃപ്തിപ്പെടുത്താതിരിക്കാൻ വഴിയില്ല.

ＡＢ ＲＡＴＥＳ ★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests