Abeed Azad

🔻ത്രില്ലറുകൾ ഒരുക്കുന്നതിൽ കൊറിയൻ ഇൻഡസ്ട്രിയുടെ കഴിവ് അസൂയാവഹമാണെങ്കിൽ അതിൽ മിസ്റ്ററി സൃഷ്ടിച്ചെടുക്കുന്നതിന്റെ കാര്യത്തിൽ സ്പാനിഷ് സിനിമകളോടാണ് അസൂയ. എത്ര ഭംഗിയായാണ് അവ നമ്മുടെ മനസ്സിലേക്ക് ഇരച്ചുകയറുകയെന്ന് പറയുക പ്രയാസകരമാണ്. ഒരുപാട് ഉദാഹരണങ്ങൾ അതിനായി നിരത്താനും സാധിക്കും. അത്തരത്തിൽ മിസ്റ്ററിയുടെ സാന്നിധ്യം ഉപയോഗിച്ചുകൊണ്ട് ലളിതമായൊരു പ്രമേയത്തെ കാണികളെ വേട്ടയാടുന്ന ഒന്നായി മാറ്റിയിരിക്കുകയാണ് The Son.

Year : 2019
Run Time : 1h 32min

🔻ഒരുപാട് അവശതകളിലൂടെയുള്ള സഞ്ചാരമായിരുന്നു ലോറൻസോയുടെ ജീവിതം. പലപ്പോഴും ജീവിതം നിയന്ത്രണാതീതമായെന്ന് തോന്നിയെങ്കിലും നല്ലൊരു പുലർച്ചെക്കായി അദ്ദേഹം ജീവിതം നയിച്ചു. തന്റെ പാഷനായ പെയിന്റിങ്ങ് അദ്ദേഹം എല്ലായ്പ്പോഴും കൂടെ കൊണ്ടുനടന്നിരുന്നു. ഒടുവിൽ തന്റെ അമ്പതാമത്തെ വയസ്സിലാണ് തനിക്കും ഒരു ജീവിതമുണ്ടെന്ന് അദ്ദേഹത്തിന് ബോധ്യമായത്. ഭാര്യ സിഗ്രിഡുമായുള്ള ജീവിതത്തിൽ ഒരു ജൂനിയർ ലോറൻസോ പിറക്കാൻ പോവുന്നെന്ന വാർത്ത അദ്ദേഹത്തിന് എന്തെന്നില്ലാത്ത സന്തോഷം നൽകി. എന്നാൽ വിധി മറ്റൊന്നായിരുന്നു അദ്ദേഹത്തിനായി കരുതി വെച്ചത്.

🔻വളരെ ലളിതമാണ് സിനിമയുടെ basic plot. എന്നാൽ അതിനെ മോശമല്ലാത്ത രീതിയിൽ തിരക്കഥയാക്കി, മിസ്റ്ററി എലമെന്റുകൾ ഭംഗിയായി സംയോജിപ്പിച്ച് അവതരിപ്പിച്ചിടത്താണ് സംവിധായകന്റെ വിജയം. ചില പോരായ്മകൾ ഉണ്ടെങ്കിൽ പോലും അവ കാര്യമാക്കാതെ സിനിമയിലേക്ക് ശ്രദ്ധ ചെലുത്തി ഇരുത്തുന്നതും ആ കഴിവ് തന്നെയാണ്. ഈ ചിത്രത്തിന്റെ ഏറ്റവും മികച്ച വശവും മിസ്റ്ററി കൈകാര്യം ചെയ്തിരിക്കുന്ന രീതിയാണ്. പാരലൽ നറേഷനിലൂടെ നമ്മിൽ ആകാംഷ നിറക്കാൻ ചിത്രത്തിന് സാധിച്ചിട്ടുണ്ട്. മിസ്റ്ററിയെ സംബന്ധിച്ച ബാക്കി കാര്യങ്ങളിലേക്ക് കടക്കാത്തത് സ്പോയിലർ ആവുമെന്നതിനാലാണ്.

🔻സിനിമ അവസാനം ഒഴിച്ചിടുന്ന ചില ചോദ്യങ്ങളുണ്ട്. അവയ്ക്ക് നാം കണ്ടെത്തുന്ന ഉത്തരത്തിൽ നമുക്ക് തന്നെ തൃപ്തി തോന്നാത്തിടത്താണ് സിനിമയുടെ പോരായ്മ നിലനിൽക്കുന്നത്. Why എന്നതാണ് അവസാന ചോദ്യം എങ്കിൽ പോലും അതിന് തൃപ്തികരമായ ഒരുത്തരം എവിടെ നിന്നും ലഭിക്കുക സാധ്യമല്ല. എന്നാൽ അതിന് പകരം മറ്റൊരു counter question അവശേഷിപ്പിക്കുന്നിടത്ത് ആ പോരായ്മ ഒരു പരിധി വരെ തരണം ചെയ്യുന്നുണ്ട് ചിത്രം. ഒപ്പം disturbed ആയ ഒരു മനസ്സ് നമുക്ക് സമ്മാനിച്ച് ചിത്രം അവസാനിക്കുമ്പോൾ മിസ്റ്ററി-ത്രില്ലർ എന്ന നിലയിൽ സംതൃപ്തി നൽകുന്നു ചിത്രം.

🔻ഗംഭീരമെന്ന് തന്നെ വിശേഷിപ്പിക്കാവുന്ന ആർട്ട് വർക്കും പശ്ചാത്തലസംഗീതവുമാണ് ചിത്രത്തിന്റേത്. മിസ്റ്ററി കാത്തുസൂക്ഷിക്കുന്നതിന് ഏറ്റവും ഗുണം ചെയ്ത കാര്യവും ഇവ തന്നെയാണ് എന്ന കാര്യത്തിൽ സംശയമില്ല. സ്ലോ പേസ് ആണെങ്കിൽ കൂടി ആവശ്യമുള്ള സമയത്ത് എഡിറ്റിംഗും ക്യാമറ വർക്കുകളും നിലവാരത്തിനൊത്ത് ഉയരുന്നുണ്ട്. ഒപ്പം മികച്ച പെർഫോമൻസുകൾ കൂടി അടയാളപ്പെടുത്തുന്നുണ്ട് ചിത്രം.

🔻ＦＩＮＡＬ ＶＥＲＤＩＣＴ🔻

സ്പാനിഷ് മിസ്റ്ററി ത്രില്ലറുകളുടെ പാതയിൽ തന്നെ ചിത്രം സഞ്ചരിക്കുമ്പോഴും മുൻമാതൃകയില്ലാത്ത ഒരനുഭവമാകുന്നുണ്ട് The Son. ടെക്നിക്കൽ സൈഡുകൾ മിസ്റ്ററി എലമെന്റുകളെ ഭംഗിയായി കാത്തുസൂക്ഷിക്കുന്നിടത്ത് സിനിമ അവസാനിക്കുമ്പോഴുൾ നമ്മുടെ മനസ്സിൽ തോന്നുന്ന ചോദ്യങ്ങളുടെ ആഘാതം വർദ്ധിക്കുന്നുണ്ട്. സ്ലോ പേസ്ഡ് സിനിമകൾ ഇഷ്ടപ്പെടുന്നവർക്ക് തൃപ്തികരമായ ഒരനുഭവമാകും ചിത്രം നൽകുക.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻20 വർഷം മുമ്പുണ്ടായ കൊലപാതകങ്ങളുടെ അതെ Modus Operandi തന്നെയാണ് ഇപ്പോൾ നടക്കുന്നതിനും ഉള്ളത്. 'The Mantis' എന്ന് എല്ലാവരും വിശേഷിപ്പിച്ചിരുന്ന, ഒരു രാജ്യം മുഴുവനും ഭയത്തിന്റെ നിഴലിലാഴ്ത്തിയ കൊലപാതകങ്ങൾ. അത് വീണ്ടും ആവർത്തിക്കപ്പെട്ടിരിക്കുന്നു. ഒരുപക്ഷെ ആ സീരിയൽ കില്ലറുടെ Copycat ആവാം ഇപ്പോഴത്തെ കൊലയാളി. എന്നാൽ ഒരു തെളിവുകളും അവശേഷിപ്പിക്കാതെയുള്ള ഈ കൊലപാതകങ്ങൾ തെളിയിക്കാൻ ഒരാളുടെ സഹായം കൂടിയേ തീരൂ. Mantisന്റെ.

Year : 2017
Episde : 6
Run Time : 40-55min

🔻ഒരു സീരിയൽ കില്ലർ ഇൻവെസ്റ്റിഗേഷൻ എന്ന നിലയിലാണ് ഈ സീരീസ് കണ്ടുതുടങ്ങിയത്. എന്നാൽ അതൊരു ഇമോഷണൽ ഡ്രാമയിലേക്ക് കൂടി വഴുതിവീഴാൻ അധികം സമയമെടുത്തില്ല. ഒരുപക്ഷെ ഒരു ത്രില്ലറിന് നൽകാവുന്നതിനേക്കാളേറെ മികച്ച അനുഭവമായിരുന്നു ഈ സീരീസ് നൽകിയത്. Netflix റിലീസുകളിൽ ഏറെ ഇഷ്ടപ്പെട്ട ഒന്നായി മാറി 'La Mante' എന്ന ഫ്രഞ്ച് സീരീസ്.

🔻കഥാപാത്രങ്ങളെ കണക്റ്റ് ചെയ്ത വിധമാണ് സിനിമയിൽ ഏറ്റവും പ്രശംസ അർഹിക്കുന്നത്. അനാവശ്യമെന്ന് തോന്നിയ ഒരു കഥാപാത്രവും സീരീസിലില്ല. Who എന്ന ചോദ്യത്തിനേക്കാളേറെ നമ്മെ അലട്ടുന്ന മറ്റ് ചില കാര്യങ്ങൾ കഥയുടെ സഞ്ചാരവേളയിൽ മനസ്സിൽ കുറിച്ചിടുന്നുണ്ട്. ഒരുപക്ഷെ സീരീസ് അവസാനിക്കും വരെ അവ നമ്മെ വേട്ടയാടുകയും ചെയ്യും. ഒരുതരം Haunting അനുഭവം എന്ന് തന്നെ പറയാം ഈ സീരീസിനെ. സ്പോയിലർ ആവുമെന്നത് കൊണ്ട് കഥാപാത്രങ്ങളുടെ ബന്ധങ്ങൾ പരാമർശിക്കുന്നില്ല.

🔻കഥ ആവശ്യപ്പെടുന്ന വേഗതയിൽ മാത്രം സഞ്ചരിക്കുന്ന എപ്പിസോഡുകൾ നിലനിർത്തുന്ന ദുരൂഹത അപാരമാണ്. ചില വേളയിൽ ത്രസിപ്പിക്കും വിധമുള്ള വഴിത്തിരിവുകൾ പാകത്തിന് ഒരുക്കിവെച്ചിട്ടുണ്ട്. കൊലപാതകത്തിന്റെ അന്വേഷണം എന്നതിലുപരി മറ്റ് പല കാര്യങ്ങളിലേക്കും വെളിച്ചം വീശുമ്പോൾ ഒരു നടുക്കം പലപ്പോഴും ഉണ്ടാവുന്നു. അത്ര ഇമ്പാക്ട് ഉണ്ട് സീരീസിന്റെ തിരക്കഥക്ക്. ഒപ്പം ഗംഭീര പ്രകടനങ്ങളും കൂടിയാവുമ്പോൾ പല രംഗങ്ങളും വേറൊരു തലത്തിലേക്ക് ഉയരുന്നുണ്ട്.

🔻ഒരൽപം വയലൻസ് കടന്ന രംഗങ്ങൾ സീരീസിൽ പലയിടത്തായി വരുന്നുണ്ട്. അവയൊക്കെയും ആസ്വാദനത്തിന് ഗുണം ചെയ്യുന്നുണ്ട് എന്ന് തന്നെ പറയണം. അത്ര ക്രീപ്പി ഫീൽ അവ സമ്മാനിക്കുന്നുണ്ട് പല വേളകളിലും. പേസിങ്ങിലെ Ups & Downs ചില കഥാപാത്രങ്ങളുടെ മനസികാവസ്ഥയോട് ചേർന്ന് നിൽക്കുന്നുണ്ട്. ഈ സാഹചര്യങ്ങളിൽ ട്വിസ്റ്റുകൾ വരുന്നത് കാണികൾക്കും ഹരമേകുന്നുണ്ട്. ഒപ്പം ഗംഭീര പശ്ചാത്തല സംഗീതവും ചടുലത പുലർത്തുന്ന എഡിറ്റിംഗും വശ്യത നിറഞ്ഞ ഫ്രയിമുകളും കാഴ്ചയിൽ മിഴിവേകുന്നുണ്ട്.

🔻ＦＩＮＡＬ ＶＥＲＤＩＣＴ🔻

ഒരു ഫാസ്റ്റ് പേസ്ഡ് ത്രില്ലർ എന്ന നിലയിൽ സമീപിക്കാതെ കഥാപാത്രങ്ങളുടെ ഇമോഷൻസിന് കൂടി പ്രാധാന്യം നൽകുന്ന ഒരു ത്രില്ലർ എന്ന നിലയിൽ ഈ സീരീസിനെ സമീപിച്ചാൽ മികച്ച അനുഭവം തന്നെയാവും എന്ന കാര്യത്തിൽ സംശയമില്ല. കഥ ആവശ്യപ്പെടുന്ന വേഗതയിൽ മാത്രം സീരീസ് സഞ്ചരിക്കുമ്പോഴും അപ്രതീക്ഷിതമായ വഴിത്തിരിവുകൾ കൊണ്ട് നമ്മെ അമ്പരപ്പെടുത്തുന്നുമുണ്ട് സംവിധായകൻ. സ്ലോ പേസ്ഡ് ത്രില്ലറുകൾ ഇഷ്ടപ്പെടുന്നവർക്ക് നല്ലൊരു വിരുന്ന് തന്നെയാണ് Mantis സമ്മാനിക്കുക.

ＡＢ ＲＡＴＥＳ ★★★★☆

സീരീസ് ടെലിഗ്രാം ചാനലിൽ ലഭ്യമാണ്. Abi Suggests

🔻ഹൊറർ സ്ലാഷർ വിഭാഗത്തിലുള്ള സിനിമകൾ പൊതുവെ കാണാറില്ല. ഒരൽപം പേടി തന്നെയാണ് എന്നതാണ് സത്യം. അതുകൊണ്ട് തന്നെ മികച്ച അഭിപ്രായങ്ങൾ നേടിയ പലതും കാണാതെ പോയിട്ടുമുണ്ട്. ഒരു സിനിമ കാണാൻ തുടങ്ങുമ്പോൾ കഥയെ പറ്റിയോ ജേണറിനെ പറ്റിയോ കൂടുതൽ തിരക്കാറില്ല. അങ്ങനെ തന്നെയാണ് ഈ ചിത്രവും കാണാൻ തുടങ്ങിയത്. ഒടുവിൽ ചെന്നെത്തിയതോ കാണാൻ മടിയുള്ള ആ ജേണറിലേക്ക് തന്നെ. എന്നാൽ അത് മാത്രമായിരുന്നില്ല ടക്കറും ഡേലും കരുതി വെച്ചിരുന്നത്.

Year : 2010
Run Time : 1h 29min

🔻അവധിക്കാലം ആസ്വദിക്കാനായി കാട്ടിലേക്ക് ട്രിപ്പ് വന്ന രണ്ട് കൂട്ടർ. ഒരുപറ്റം കൂട്ടുകാരും അൽപ്പം പഴഞ്ചനെന്ന് മറ്റുള്ളവർക്ക് തോന്നിക്കുന്ന രണ്ട് പേരും. Hillibilly എന്ന് പുതുതലമുറ കളിയാക്കി വിളിച്ചു ടക്കറിനെയും ഡേലിനേയും. ഇടക്ക് ചില ഉരസലുകൾ അവർക്കിടയിൽ ഉണ്ടായത് കൊണ്ട് തന്നെ ഇരുവരും പരസ്പരം സമീപിച്ചത് ഭയത്തോടെയാണ്. അതിനിടയിലാണ് ആലിസൺ അവർക്കിടയിലെ പാലമാവുന്നത്. തുടർന്ന് അവിടെ ഒരുങ്ങുന്നത് ഒരു ചോരക്കളമാണ്.

🔻മരണങ്ങൾ സംഭവിക്കുമ്പോൾ പൊട്ടിച്ചിരി ഉയരുന്നത് അത്ര രസമുള്ള കാര്യമില്ല. പക്ഷെ ഇവിടെ എത്ര വേണ്ടെന്ന് വെച്ചാലും നമ്മൾ നിയന്ത്രണം വിട്ട് ചിരിച്ച് പോവും. അത്തരത്തിലാണ് ഹൊറർ-സ്ലാഷർ ജേണറിനെ ഇവിടെ കൈകാര്യം ചെയ്തിരിക്കുന്നത്. ഒരുതരത്തിൽ സ്പൂഫും ഡാർക്ക് ഹ്യൂമറും ഹൊററിൽ മിക്സ് ചെയ്ത് പുതിയൊരു അനുഭവം സമ്മാനിക്കുന്നു ടക്കറും ഡേലും. ചോരക്കളിയിലും ആനന്ദം കണ്ടെത്തുന്ന സാഡിസ്റ്റുകൾ ആവും നാം കുറച്ച് നേരത്തേക്ക്.

🔻ക്യാരക്ടർ ഡെവലപ്പ് ചെയ്യുന്നത് മുതലുണ്ട് കഥയെ വിശ്വസനീയമാം വിധം അവതരിപ്പിക്കുന്നതിനുള്ള വൈദഗ്ധ്യം. ചുരുക്കം രംഗങ്ങളിലൂടെ സ്‌ക്രീനിൽ വരുന്ന ഭൂരിഭാഗം കഥാപാത്രങ്ങളുടെയും സ്വഭാവം നമുക്ക് മനസ്സിലാക്കാം. അത് കാര്യങ്ങൾ കൂടുതൽ രസകരമാക്കുന്നുണ്ട്. ചില രംഗങ്ങളിൽ ചിരി ഉയർത്തുന്ന കാര്യവും അത് തന്നെയാണ്. ഒപ്പം ടക്കർ-ഡേൽ ടീമിന്റെ കെമിസ്ട്രിയും നര്മ്മരംഗങ്ങൾ സൃഷ്ടിക്കുന്നുണ്ട്. ബാക്കി എന്തൊക്കെയാണ് കാര്യങ്ങളെന്ന് കണ്ടറിയുക.

🔻ഹൊറർ എന്ന നിലയിൽ ബ്ലഡ് ബാത്തും ഒരുതരം ക്രീപ്പി ഫീൽ നൽകുന്ന അറ്റ്മോസ്ഫിയരും ചിത്രം സൃഷ്ടിച്ചെടുക്കുന്നുണ്ട്. ഇടക്ക് അത്യാവശ്യം ഞെട്ടിക്കാൻ പാകത്തിന് രംഗങ്ങളും ഒരുക്കിയിട്ടുണ്ട്. കോമഡി എന്ന നിലയിൽ മാത്രമല്ല, ഹൊറർ എന്ന നിലയിലും ചിത്രം നിലവാരം പുലർത്തുന്നുണ്ട്. അതിൽ വിജയിച്ചതിന് ടെക്നിക്കൽ സൈഡുകൾ അഭിനന്ദനം അർഹിക്കുന്നുണ്ട്.

🔻ＦＩＮＡＬ ＶＥＲＤＩＣＴ🔻

പതിവ് ഹൊറർ ശ്രേണിയിലുള്ള ചിത്രങ്ങളിൽ നിന്ന് മാറി വേറിട്ട ഒരനുഭവനമാണ് ടക്കറും ഡേലും ഒരുക്കിവെച്ചിരിക്കുന്നത്. കേവലം ഒന്നര മണിക്കൂറിൽ ഒരുപാട് ചിരിക്കാനും അതോടൊപ്പം ചോരക്കളി ആസ്വദിക്കുവാനും വഴിയൊരുക്കുന്നു ഈ ചിത്രം. വ്യത്യസ്തമായ അനുഭവങ്ങൾ ആഗ്രഹിക്കുന്നവർക്ക് ധൈര്യമായി തല വെക്കാവുന്ന ചിത്രം തന്നെയാണിത്.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻താൻ ചെയ്യുന്ന ജോലിയോട് പൂർണ്ണമായും നീതി പാലിക്കുന്ന ഒരുവനായിരുന്നു ഫ്രെഡ്. അതുകൊണ്ട് തന്നെ ഒരു ജേർണലിസ്റ്റ് എന്ന നിലയിൽ ഏതറ്റം വരെയും സാഹസിക്കാനാവാൻ അദ്ദേഹത്തിന്റെ മനസ്സും ഒരുക്കമായിരുന്നു.  എന്നാൽ താൻ ജോലി ചെയ്യുന്ന പത്രം ഒരു ബൂർഷ്വാ മുതലാളി വാങ്ങിയെന്നറിഞ്ഞപ്പോൾ പൊടിയും തട്ടി ഇറങ്ങിയതാണ് പുള്ളിക്കാരൻ. ഒടുവിൽ എത്തിപ്പെട്ടതോ പ്രസിഡൻഷ്യൽ പോസ്റ്റിലേക്ക് മത്സരിക്കാനൊരുങ്ങുന്ന, അമേരിക്കയിലെ ഏറ്റവും സ്വാധീനമുള്ള സ്ത്രീകളിൽ ഒരാളായ ഷാർലറ്റിന്റെ പക്കലും.

Year : 2019
Run Time : 2h 5min

🔻തുടക്കം മുതൽ ഒടുക്കം വരെ നർമ്മങ്ങളാൽ സമ്പന്നമാണ് ചിത്രം. പൊളിറ്റിക്കൽ ബാക്ക്ഗ്രൗണ്ടിലാണ് കഥ നടക്കുന്നതെങ്കിലും അതിനെ അത്യന്തം രസകരമായി ഒരുക്കിയിരിക്കുന്നിടത്താണ് ചിത്രം നമ്മെ തൃപ്തിപ്പെടുത്തുന്നത്. ചില വേളകളിൽ സറ്റയർ ആണെന്ന് തോന്നിക്കുമെങ്കിലും ഒരു റോം-കോം എന്ന നിലയിലാണ് കൂടുതൽ സമയം കാണപ്പെടുക. ഡയലോഗുകളിൽ അഡൾട്ട് കണ്ടന്റുകൾ അടക്കമുണ്ടെങ്കിലും അവയൊക്കെയും നമ്മെ ചിരിപ്പിക്കുന്നുണ്ട്.

🔻Charlize Theron-Seth Rogen ടീമിന്റെ കിടിലൻ കെമിസ്ട്രിയാണ് സിനിമയുടെ ഹൈലൈറ്റ്. Theron അന്യായ ക്യൂട്ടിനെസ്സുമായി കളം വാണപ്പോൾ Seth തന്റെ ടൈമിങ്ങ് കൊണ്ട് ചിരി സൃഷ്ടിക്കുന്നുണ്ട്. Sethന്റെ കുറെ One-Linerഉകൾ ശ്രദ്ധേയമാണ്. പക്കാ എനർജെറ്റിക്ക് ആയിരുന്നു ഇരുവരും. അതുകൊണ്ട് തന്നെ ഒരു നിമിഷം പോലും വിരസഥയില്ലാതെ ആസ്വദിക്കാം. കൂടെ നല്ല പാട്ടുകളും.

🔻ＦＩＮＡＬ ＶＥＲＤＩＣＴ🔻

രണ്ട്  മണിക്കൂർ പൂർണ്ണമായി കാണികളെ എന്റർട്ടൈൻ ചെയ്യാൻ പാകത്തിന് ഒരുക്കിയിരിക്കുന്ന രസകരമായ ചിത്രമാണ് Long Shot. കുറെ ചിരിക്കാനും നായിക-നായകൻ ടീമിന്റെ കിടിലൻ കെമിസ്ട്രി ആസ്വദിക്കാനും ധൈര്യമായി സമീപിക്കാം ഈ ചിത്രത്തെ. A Coulourful Entertainer Is waiting...

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഒരുപാട് തലങ്ങളിലേക്ക് സഞ്ചരിക്കാനും അതോടൊപ്പം ഒരുപാട് ചിന്തകൾക്ക് വഴിവെക്കാനും കെൽപ്പുള്ള തീമായിരുന്നു ചിത്രത്തിന്റേത്. മൂന്ന് സബ് പ്ലോട്ടുകളായി മൂലകഥയെ തിരിക്കുമ്പോഴും അവയെല്ലാം ഒരു പോയിന്റിൽ യോജിക്കുമ്പോഴും കാണികൾക്ക് പുതു അനുഭവമായി മാറേണ്ടിയിരുന്ന ചിത്രം. എന്നാൽ അലസമായി ഒരുക്കിയ തിരക്കഥയും under-developed ആയ ചില കഥാപാത്രങ്ങളും കഥയിൽ നമുക്ക് അഭിമുഖീകരിക്കേണ്ടി വരുമ്പോൾ ആസ്വാദനം താഴേക്ക് പോവുന്നു. അത്തരത്തിൽ ഒരുപോലെ മികച്ച ഘടകങ്ങളും ഒപ്പം പോരായ്മകളും നിഴലിച്ച് നിൽക്കുന്നതാണ് ഈ Netflix റിലീസ്.

Year : 2019
Run Time : 2h 2min

🔻പ്ലോട്ടിലേക്ക് കടക്കുന്നില്ല. പാരലൽ നറേഷൻ ആയതുകൊണ്ട് തന്നെ എന്തെങ്കിലും സൂചിപ്പിച്ചാൽ അത് അബദ്ധമായി മാറിയേക്കാം. ബുദ്ധിസം എന്ന ആശയത്തിലൂന്നിയാണ് കഥയുടെ സഞ്ചാരം. അതിൽ ഒരു ഫിക്ഷണൽ എലമെന്റ് കൂടി സംയോജിപ്പിച്ച് മികച്ചൊരു കഥ തന്നെ ഒരുക്കിയിട്ടുണ്ട് സംവിധായകൻ. എന്നാൽ തിരക്കഥയാക്കിയ വേളയിൽ പല കാര്യങ്ങളും പാളിയതും കാണാം. എങ്കിലും മേക്കിങ്ങ് സ്റ്റൈലിലൂടെ, സിനിമയുടെ വേഗതയിലൂടെ അതിനെ മറികടക്കുന്നതും നമുക്ക് വീക്ഷിക്കാൻ സാധിക്കും.

🔻വളരെ കൗതുകം ജനിപ്പിക്കുന്ന പ്ലോട്ട് ആണ് ചിത്രത്തിന്റേത്. ബുദ്ധിസവുമായി ചേർന്നതെന്ന് പറയുമ്പോൾ തന്നെ നമുക്ക് അപരിചിതമായ സംഗതികളാവുമെന്ന് തീർച്ച. അതുകൊണ്ട് തന്നെ അതിൽ ഫിക്ഷണൽ എലമെന്റ് കൂടിയാവുമ്പോൾ കൂടുതൽ കാര്യങ്ങൾ അറിയാനുള്ള ജിജ്ഞാസ ഉണരും. അത് തുടക്കം തന്നെ പരീക്ഷിക്കുന്നതിൽ സംവിധായകൻ വിജയിച്ചിട്ടുണ്ട്. എന്നാൽ കൂടുതൽ കഥാപാത്രങ്ങളെ കഥയിലേക്ക് വരുന്തോറും തിരക്കഥയുടെ ബലം കുറയുന്നു. Developed അല്ലാത്ത കഥാപാത്രങ്ങൾ രസംകൊല്ലികളാവുന്നുണ്ട്‌ പലപ്പോഴും. എങ്കിലും അവസാനം ചെറിയ സസ്‍പെൻസ് എലമെന്റുകൾ നിർലനിർത്തുന്നത് കൊണ്ട് മടുപ്പില്ലാത്ത അനുഭവമാകുന്നുണ്ട് ചിത്രം.

🔻ടെക്നിക്കൽ സൈഡുകൾ വക ഗംഭീര ട്രീറ്റ്‌മെന്റ് ആണ് ചിത്രത്തിന് ലഭിച്ചിരിക്കുന്നത്. കളർ ടോൺ തന്നെയാണ് ഹൈലൈറ്റ്. ഒരു ഹൊറർ മൂഡ് ക്രിയേറ്റ് ചെയ്തതിലൂടെ മിസ്റ്ററി എലമെന്റുകൾ വിജയിക്കുന്നതിൽ ഫലം കണ്ടിട്ടുണ്ട്. ഒപ്പം മികച്ച് നിന്ന പശ്ചാത്തലസംഗീതവും അഭിനന്ദനാർഹം തന്നെ.

🔻ＦＩＮＡＬ ＶＥＲＤＩＣＴ🔻

ഗംഭീരമാകുമായിരുന്ന ഒരു സിനിമയെ തിരക്കഥയിലെ പാളിച്ചകളും പൂർണ്ണതയില്ലാത്ത ചില കഥാപാത്രസൃഷ്ടികളും പിന്നോട്ട് വലിക്കുമ്പോൾ ശരാശരിക്ക് മുകളിലുള്ള ഒരു ചിത്രമായി ഒതുങ്ങുന്ന "സ്വാഹാ". എങ്കിലും പരിചരണസ്വഭാവവും ടെക്നിക്കൽ സൈഡുകൾ പുലർത്തുന്ന മേന്മയും  ആസ്വാദനത്തിന് ഗുണം ചെയ്യുമ്പോൾ നിരാശപ്പെടുത്താത്ത ഒന്നായി മാറുന്നുമുണ്ട് ഈ ചിത്രം.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻കൊലയാളിയെ വെറും 15 വർഷത്തേക്ക് തടവിലാക്കാൻ ജഡ്ജി വിധിക്കുമ്പോഴും ആ ബാലികക്ക് നിസ്സഹായയായി നോക്കി നിൽക്കുകയെ വഴിയുണ്ടായിരുന്നുള്ളൂ. അമ്മ നഷ്ടപ്പെട്ട തന്റെ എല്ലാമെല്ലാമായ അച്ഛനും അദ്ദേഹത്തിന്റെ പിറന്നാൾ ദിവസം തന്റെ കണ്മുന്നിൽ ജീവനറ്റ് കിടക്കുന്ന കാഴ്ചയാണ് അവൾക്ക് കാണേണ്ടി വരുന്നത്. എന്നാൽ കുറവുകൾ അറിയിക്കാതെ അച്ഛന്റെ സഹപ്രവർത്തകർ സ്വന്തം മകളെപോലെ അവളെ വളർത്തി. അങ്ങനെ 15 വർഷങ്ങൾ കടന്നുപോയി. നാടിനെ വിറപ്പിച്ച സീരിയൽ കില്ലർ ജയിൽ മോചിതനായി.

Year : 2016
Run Time : 1h 48min

🔻സീരിയൽ കില്ലർ തീമിൽ ഏറ്റവും കൂടുതൽ സിനിമകൾ കണ്ടിട്ടുള്ളത് കൊറിയൻ ഇൻഡസ്ട്രിയിൽ നിന്നാണ്. എന്നാൽ അതിൽ ഭൂരിഭാഗവും യാതൊരു വിരസതയും തോന്നിക്കാതെ തൃപ്തികരമായ അനുഭവങ്ങളായവയുമാണ്. പുതുമയൊന്നും പ്രതീക്ഷിക്കാതെയാണ് ഈ ചിത്രവും കാണാനിരുന്നത്. എന്നാൽ പ്രതീക്ഷിച്ചതിനുമപ്പുറം പല ഘടകങ്ങൾ കൊണ്ടും മികച്ച അനുഭവമായി മാറി Missing You.

🔻കഥയുടെ ആദ്യ 10 മിനിറ്റ് മാത്രമാണ് മുകളിൽ പരാമർശിച്ചിട്ടുള്ളത്. അതിനപ്പുറം പറയുന്നത് നിങ്ങളോടുള്ള നീതികേടു ആവുമെന്നത് കൊണ്ട് തന്നെ മനഃപൂർവ്വം ഒഴിവാക്കുകയാണ്. പതിവ് സീരിയൽ കില്ലർ കഥ പോവുന്ന വഴിയിലൂടെ ചിത്രം സഞ്ചരിച്ച് തുടങ്ങുമ്പോഴും പ്രതീക്ഷിക്കാത്ത പല ഫാക്റ്ററുകളും ചിത്രത്തെ നമ്മോടടുപ്പിക്കുന്നുണ്ട്. മിസ്റ്ററി എന്ന എലമെന്റ് കൈകാര്യം ചെയ്തിരിക്കുന്ന രീതി തന്നെയാണ് അതിൽ ഏറ്റവും മുന്നിൽ നിൽക്കുക. ഒപ്പം കഥാപാത്രങ്ങളെ നമ്മോടടുപ്പിക്കുന്ന വിധവും.

🔻ഒരു പുതു സംവിധായകന്റേതെന്ന് ഒരിക്കലും തോന്നാത്ത വിധമാണ് ചിത്രം സംവിധാനം ചെയ്തിരിക്കുന്നത്. ചില രംഗങ്ങൾ മാത്രം മതിയാവും അത് ശരിവെക്കാൻ. അത്ര പെർഫെക്ഷൻ നമുക്ക് അനുഭവപ്പെടുത്തുന്നുണ്ട് പല സന്ദർഭങ്ങളും. ക്ലൈമാക്സ് സീക്വൻസിന്റെ അവതരണം എടുത്ത് പറയാതെ വയ്യ. അപാര വിഷ്വലും പെർഫോമൻസും കൊണ്ട് വേറൊരു തലത്തിലേക്ക് നീങ്ങുന്നുണ്ട് അവയൊക്കെ. ചിലപ്പോൾ മനസ്സൊന്ന് മരവിച്ച് പോയേക്കാം അങ്ങനെയൊരു പര്യവസാനത്തിൽ. ഒരേയൊരു പോരായ്മ തോന്നിയതെന്തെന്നാൽ ചില കഥാപാത്രങ്ങൾ തമ്മിലുള്ള ലിങ്ക് എന്താണെന്ന് നമുക്ക് വ്യക്തമാവുന്നില്ല. പക്ഷെ അത് ചിന്തിക്കാനൊട്ട് സമയവും നമുക്ക് നൽകുന്നില്ല എന്നതുകൊണ്ട് അത് മറക്കാവുന്നതേ ഉള്ളൂ.

🔻ഗംഭീര പ്രകടനങ്ങളുടെയും മികവ് പുലർത്തുന്ന ടെക്നിക്കൽ സൈഡുകളുടെയും സംവേദന വേദി കൂടിയാണ് Missing You. മേൽ പറഞ്ഞത് പോലെ ക്ലൈമാക്സ് സീക്വൻസിലെ സിനിമാറ്റോഗ്രഫിയുടെ അഴക് കണ്ടനുഭവിക്കേണ്ടത് തന്നെ. ചെറിയ തോതിലുള്ള വയലൻസ് കില്ലറുടെ മനോഭാവത്തെ വ്യക്തമായി അടയാളപ്പെടുത്തുമ്പോൾ ഭയവും ആകാംഷയും ഒരുപോലെ നിറക്കുന്നതിൽ അവ വലിയ പങ്ക് വഹിച്ചിട്ടുണ്ട്.

🔻ＦＩＮＡＬ ＶＥＲＤＩＣＴ🔻

പതിവ് സീരിയൽ കില്ലർ ശ്രേണിയിൽ പെട്ട സിനിമകളിൽ തന്റേതായ കയ്യൊപ്പ് പതിക്കാൻ ശ്രമിക്കുന്ന ഒരു സംവിധായകന്റെ സിനിമയാണ് നമുക്കിവിടെ കാണാൻ സാധിക്കുക. ആ മാറ്റം കഥയിലും അവതരണത്തിലും ഒരുപോലെ വീക്ഷിക്കാനാവുമ്പോൾ അൽപ്പം പുതുമയുള്ള ഒരനുഭവം തന്നെയാണ് ചിത്രം നമുക്ക് സമ്മാനിക്കുക. എല്ലാ തലങ്ങളിലും പരമാവധി പെർഫെക്ഷൻ നമുക്ക് അനുഭവിക്കാൻ സാധിക്കുന്നിടത്ത് ഒരു മികച്ച ചിത്രമായി മാറുന്നു Missing You.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻കൊറിയൻ സീരിയൽ കില്ലർ ചിത്രങ്ങളുടെ ഒരു പ്രത്യേകതയായി തോന്നിയ കാര്യം എന്തെന്നാൽ അവയിൽ ഭൂരിഭാഗം സിനിമകളിലും Whydunnit എന്ന ചോദ്യത്തിന് വ്യക്തമായ ഒരു ഉത്തരം നൽകാറില്ല എന്നതാണ്. അല്ലെങ്കിൽ അതെ പറ്റി പലപ്പോഴും നമ്മൾ വാചാലരാവാറില്ല. കേന്ദ്രകഥാപാത്രങ്ങളുടെ cat & mouse game നമ്മെ അത്രയ്ക്കങ്ങ് ത്രസിപ്പിക്കും. അത്തരത്തിലുള്ള അവതരണം സ്വീകരിക്കുന്നിടത്താണ് ഈ സിനിമ ഈ വർഷത്തെ ഏറ്റവും മികച്ച ആക്ഷൻ-ത്രില്ലർ ആവുന്നത്.

Year : 2019
Run Time : 1h 49min

🔻Dong-Seok Ma, Mu-Yeol Kim എന്നിവർ കേന്ദ്രകഥാപാത്രമാവുന്ന ചിത്രം എന്നതുകൊണ്ട് തന്നെ പ്രതീക്ഷകൾ ഏറെയാണ്. അവയൊക്കെയും ശരിവെക്കുന്ന തരത്തിൽ ഒരു സ്റ്റൈലിഷ് ആക്ഷൻ-ത്രില്ലർ തന്നെയാണ് സംവിധായകൻ ഒരുക്കിയിരിക്കുന്നത്. മനസ്സിലാകെ ഈഗോ നിറഞ്ഞ ഒരു ഡോണും പോലീസും ഒരു ഘട്ടത്തിൽ ഒരുമിച്ച് പ്രവർത്തിക്കേണ്ടി വരുമ്പോഴുള്ള ക്ലാഷുകൾ സിനിമയെ മുന്നോട്ട് നയിക്കുന്നു. അതിനൊപ്പം ഒരു സീരിയൽ കില്ലർ കൂടിയായാലോ. സംഗതി ഉഷാറാവും.

🔻പതിവ് വാർപ്പ് മാതൃകയിൽ തന്നെയാണ് ഈ കഥയും പോവുന്നത്. എന്നാൽ നായകന്മാർക്ക് നല്ല കിടിലൻ രംഗങ്ങൾ നൽകിക്കൊണ്ടുള്ള മികച്ച അവതരണമാണ് ചിത്രത്തെ ഗംഭീരമാക്കുന്നത്. കൃത്യമായ സ്‌ക്രീൻ സ്‌പേസും സ്‌ക്രീൻ പ്രസൻസും നൽകിക്കൊണ്ട് ഒരുക്കിയ തിരക്കഥ മികച്ച് നിൽക്കുമ്പോൾ ത്രിൽ എലമെന്റ്സിന് യാതൊരു പഞ്ഞവുമില്ല. രോമാഞ്ചം കൊള്ളിക്കുന്ന ചില രംഗങ്ങളുണ്ട്. അപാര പ്രസന്റേഷൻ ആണ് അവയ്ക്ക്. കൂടെ ഇഷ്ടതാരങ്ങളെ ഒരുമിച്ച് കാണുമ്പോൾ മറ്റൊരു സന്തോഷവും.

🔻കിടിലൻ BGM, സിനിമയുടെ പേസിന് ഗുണകരമായ എഡിറ്റിങ്ങ്, ത്രില്ലടിപ്പിക്കുന്ന ചേസിങ്ങ്‌, ആക്ഷൻ രംഗങ്ങൾ തുടങ്ങി ത്രില്ലറിന് വേണ്ട എല്ലാ ചേരുവകളും കൃത്യമായി ചേർത്തിട്ടുണ്ട്. സിനിമ തീരുമ്പോഴുള്ള 5 മിനിറ്റ് pure goosebumps എന്നെ പറയാനുള്ളൂ. അതിനപ്പുറം ഒരു മാസ്സ് സിനിമക്ക് വേറൊന്നും വേണ്ട എന്ന് തോന്നിപ്പോവും വിധം ആക്ഷൻ ഹീറോയുടെ സ്‌ക്രീൻ പ്രസൻസ് കൊണ്ട് ഗംഭീരമായ ആ രംഗം പെട്ടെന്നൊന്നും മറക്കില്ല. ഒപ്പം കില്ലറുടെ അവതരണവും മികവ് പുലർത്തുന്നുണ്ട്.

🔻ＦＩＮＡＬ ＶＥＲＤＩＣＴ🔻

ഈ വർഷം കണ്ടതിൽ ഏറ്റവും കൂടുതൽ ത്രസിപ്പിച്ച കൊറിയൻ ത്രില്ലർ എന്ന പേര് ഈ ചിത്രത്തിന് സ്വന്തം. ഒരു സസ്പെൻസ് ത്രില്ലർ അല്ല പകരം ഒരു ആക്ഷൻ ത്രില്ലർ ആണ് നമുക്കായി കരുതി വെച്ചിരിക്കുന്നത്. ഒന്നിലധികം നായകന്മാർ ഉള്ളത് തന്നെ കണ്ടിരിക്കാൻ പ്രേരിപ്പിക്കുന്ന ഘടകമാണ്. ഒപ്പം സിനിമ പൂർണ്ണതൃപ്തി നൽകുമ്പോഴോ, കാണുന്നവർ ഡബിൾ ഹാപ്പി

ＡＢ ＲＡＴＥＳ ★★★★☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ചിത്രത്തിന്റെ കഥയെ പറ്റി പരാമർശിച്ചാൽ അത് ചതിയായിപ്പോവും എന്നുള്ളത് കൊണ്ട് അതിന്റെ അകത്തളങ്ങളിലേക്ക് കടക്കുന്നില്ല. അടുത്ത Mayor ആവാൻ തിരഞ്ഞെടുപ്പിന് തയ്യാറാവുന്ന ലീയും തന്റെ കാമുകിയുമായി ഒരു യാത്ര നടത്തുകയും അവിചാരിതമായി ചില കാര്യങ്ങൾ സംഭവിക്കുകയും ചെയ്യുന്നിടത്ത് സിനിമ ആരംഭിക്കുന്നു.

Year : 2018
Run Time : 1h 42min

🔻സിനിമയുടെ പേര് പോലെ തന്നെയാണ് അതിന്റെ ആഖ്യാനവും. കാണികൾക്ക് ഒരു തരത്തിലും ഊഹിക്കാൻ ഇടകൊടുക്കാതെ ഗ്രിപ്പിങ്ങ് ആയി പറഞ്ഞുപോവുന്ന കഥ. പ്രതീക്ഷിക്കാത്ത രീതിയിൽ മാറിമറിയുന്ന വഴിത്തിരിവുകൾ. ഇടയ്ക്കിടെ വെളിപ്പെടുന്ന ചില മിസ്റ്ററി എലമെന്റുകൾ. അത്തരത്തിൽ മികച്ച ത്രില്ലറിന് ആവശ്യമായ എല്ലാ ഘടകങ്ങളും ചിത്രത്തിന് സ്വന്തം. ഒരുപക്ഷെ ഈ വർഷം ഇത്ര മികവ് പുലർത്തിയ ത്രില്ലർ കൊറിയൻ ഇൻഡസ്ട്രിയിൽ റിലീസ് ആയിട്ടുണ്ടോ എന്ന് സംശയമാണ്.

🔻ഒരു ദിവസം സംഭവിക്കുന്ന കഥയാണ് ചിത്രം കൈകാര്യം ചെയ്യുന്നത്. അതും കഥ നടക്കുന്നത് ഒരു വീട്ടിലും. അതുകൊണ്ട് തന്നെ വിരലിലെണ്ണാവുന്ന കഥാപാത്രങ്ങൾ മാത്രമാണ് ചിത്രത്തിലുള്ളത്. അത് തന്നെയാണ് പ്ലോട്ട് നന്നായി മുറുകാനുള്ള കാരണവും. കേന്ദ്രകഥാപാത്രം അനുഭവിക്കുന്ന മാനസികസമ്മർദ്ദം ഗംഭീരമായി അവതരിപ്പിച്ചിടത്ത് ചിത്രം ത്രിൽ എലമെൻറ്സ് ചോരാതെ കാത്ത് സൂക്ഷിക്കുന്നു. ഒപ്പം ഓരോ നിമിഷവും അടുത്തതെന്തെന്നറിയാനുള്ള ആകാംഷയും വർദ്ധിച്ച് വരുന്നു.

🔻ചില ഫ്ലാഷ്ബാക്കുകൾ സിനിമയുടെ ടൈറ്റിലിനെ അന്വർത്ഥമാക്കുന്നു. പലപ്പോഴും വിശ്വസിക്കാനാവാത്ത കഥകളാണ് സംവിധായകൻ ഒരുക്കി വെച്ചിരിക്കുന്നത്. ഒപ്പം അപാര കാസ്റ്റിംഗും കൂടിയാവുമ്പോൾ ഓരോ രംഗവും വളരെ ഇന്റൻസ് ആയി തോന്നും. റിയലിസ്ടിക്ക് അവതരണം ആഖ്യാനത്തിന് നന്നായി ഗുണം ചെയ്തിട്ടുണ്ട്.

🔻ＦＩＮＡＬ ＶＥＲＤＩＣＴ🔻

വളരെ ഫാസ്റ്റ് പെയ്‌സിൽ ഉള്ള ത്രില്ലർ ആസ്വദിക്കുന്ന ലാഘവത്തോടെ ചിത്രത്തെ സമീപിക്കേണ്ട. കഥ ആവശ്യപ്പെടുന്ന വേഗതയിൽ മാത്രം സഞ്ചരിക്കുന്ന, എന്നാൽ ഒട്ടും മടുപ്പ് തോന്നിക്കാത്ത മികച്ച ചിത്രമാണ് True Fiction. എന്തുകൊണ്ട് സിനിമക്ക് ഈ പേര് വന്നു എന്ന് കാഴ്ച അവസാനിക്കുമ്പോൾ ബോധ്യപ്പെടും. ആഖ്യാനത്തിലെ സാമർഥ്യം കൊണ്ട് നല്ലൊരു അനുഭവമായി മരുന്ന് ഈ ചിത്രം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests