Abeed Azad

🔻ഒരു കാര്യവുമില്ലാതെ കാണാതെ മാറ്റിവെക്കുന്ന ചില സിനിമകളുണ്ട്. എന്റെയൊരു സ്വഭാവത്തിന് സജസ്റ്റ് ചെയ്യുന്നവരുടെ എണ്ണം കൂടുന്നതിനനുസരിച്ച് കാണാനുള്ള താല്പര്യം കുറയാറുണ്ട്. GOT അതിന് ഉത്തമ ഉദാഹരണം ആണ്. ഈ സിനിമ അങ്ങനെയൊരു കാറ്റഗറിയിൽ വരില്ലെങ്കിലും കാണാതെ മാറ്റിവെച്ചതാണ്. ഇന്നലെ ലാപ്പിൽ പരതിയപ്പോൾ യാദൃശ്ചികമായി കണ്ണിൽ പെടുകയും എങ്കിൽ കണ്ടേക്കാം എന്ന മൈന്റിൽ അങ്ങ് ഇരുന്നതാണ്. കണ്ട് കഴിഞ്ഞപ്പോ സിനിമയുടെ കടുത്ത ഫാനായി മാറിക്കഴിഞ്ഞിരുന്നു..!! ഭൂരിഭാഗം പേരും കണ്ടുകഴിഞ്ഞ ഒരു സിനിമയെ പറ്റി ഇനി എഴുതുന്നത് കൊണ്ട് വല്ല ഗുണമുണ്ടോ എന്നറിയില്ല. എങ്കിലും ഇത് കണ്ട് ഒരാളെങ്കിലും സിനിമ ആസ്വദിച്ചാൽ അതിലൊരു സന്തോഷം. അത്രമാത്രം.

Year : 2014
Run Time : 2h 9min

🔻ഒരു സ്പൈ ത്രില്ലർ എന്ന നിലയിൽ കഥയിൽ വലിയ പുതുമകളോ സസ്പെൻസോ ട്വിസ്റ്റോ ഒന്നുമില്ല. എന്നാൽ അവതരണത്തിൽ ഈ ചിത്രം പുലർത്തുന്ന മികവ്. It Felt One Of A Kind. തുടക്കം തന്നെ കാര്യങ്ങൾ പരിചയപ്പെടുത്തുകയും ധൃതഗതിയിൽ കഥ മുന്നോട്ട് പോവുകയും ചെയ്യുന്നുണ്ട്. Kingsman എന്ന സീക്രട്ട് സർവീസിനെ പറ്റി വ്യക്തമായ ഐഡിയ നമുക്ക് പകരുന്നുണ്ട്. അവിടെ തുടങ്ങുന്നു വളരെ സ്റ്റൈലിഷ് ആയ Execution. പിന്നെയങ്ങോട്ട് അമ്പരിപ്പിക്കുന്ന രംഗങ്ങളാൽ സമൃദ്ധം. എടുത്ത് പറയേണ്ടത് ആക്ഷൻ കൊറിയോഗ്രഫിയാണ്. Church Massacre, Climax Fireworks Were Bloody Awesome. ഇടക്ക് വരുന്ന One-Linerഉകളും ഏറെ രസകരമായിരുന്നു. കഥയെ പറ്റി ബാക്കി പരാമർശിക്കുന്നില്ല.

🔻Kingsmanന്റെ signature BGM ചിത്രത്തിലുണ്ട്. പലപ്പോഴും ഒരു രോമാഞ്ചം വന്ന ഫീൽ ആയിരുന്നു അത് കേൾക്കുമ്പോൾ. അത്ര ഗംഭീരമാണ് BGM വർക്കുകൾ. ഒപ്പം കിടിലൻ ക്യാമറ വർക്കുകളും. ആക്ഷൻ സീനുകളിലെ ഓരോ ആംഗിളുകളും കിടിലൻ placement തന്നെ. മുമ്പ് പറഞ്ഞത് പോലെ ആക്ഷൻ കൊറിയോഗ്രാഫി കണ്ടനുഭവിക്കേണ്ടത് തന്നെ.

🔻സാമുവൽ ജാക്സന്റെ കഥാപാത്രം വളരെ രസകരമായി കൈകാര്യം ചെയ്തിട്ടുണ്ട്. അദ്ദേഹത്തിന്റെ ഡയലോഗ് ഡെലിവറി നന്നായി ചിരിപ്പിക്കുന്നുണ്ട്. ഒപ്പം നായകന്മാരുടെ മെയ്വഴക്കം അപാരം. Manners Maketh Man എന്ന ഡയലോഗിന് ശേഷമുള്ള ഫൈറ്റിൽ തുടങ്ങി പിന്നെയങ്ങോട്ട് നിർത്താതെ ആവേശം കൊള്ളലാണ്. It Was A Treat To Watch.

🔻ＦＩＮＡＬ ＶＥＲＤＩＣＴ🔻

ഒരു സ്പൈ ത്രില്ലർ എന്നതിലേറെ ആക്ഷൻ മൂവി എന്ന നിലയിലാണ് Kingsman വേറിട്ട് നിൽക്കുന്നത്. ആക്ഷൻ രംഗങ്ങളിലുള്ള വേറിട്ട സമീപനം ആസ്വാദനത്തെ കുത്തനെ ഉയർത്തുമ്പോൾ തീർച്ചയായും നഷ്ടബോധം തോന്നാത്ത ഒന്നായി മാറും ഈ ചിത്രം. കാണാൻ ഒരുപാട് വൈകിപ്പോയതിൽ ഏറെ ഖേദം തോന്നിയ ചിത്രങ്ങളിൽ Kingsmanഉം ഇടം പിടിക്കുന്നു.

ＡＢ ＲＡＴＥＳ ★★★★☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests


രണ്ടാം ഭാഗം ഇറങ്ങിയിട്ടുണ്ട്. കണ്ടശേഷം അഭിപ്രായം പങ്കുവെക്കാം.

🔻7 Boxes, Gold Seekers എന്നീ രണ്ട് ചിത്രങ്ങൾക്കും ഒരു പ്രത്യേകതയുണ്ട്. രണ്ട് സിനിമകളും കേന്ദ്രീകരിക്കുന്നത് സമൂഹത്തിലെ Middle class-Low Class categoryലേക്കാണ്. ദിനേനയുള്ള കാര്യങ്ങൾക്കായി പണം കണ്ടെത്താൻ പരിശ്രമിക്കുന്ന കൂട്ടർ. ജീവിതത്തിൽ കര പറ്റാൻ ഒരു സന്ദർഭം തെളിഞ്ഞാൽ അതിനായി എത്ര വേണമെങ്കിലും പരിശ്രമിക്കുന്നവർ. ചില സിനിമ ഡയലോഗുകൾ പോലെ നഷ്ടപ്പെടാൻ ഒന്നുമില്ലാത്തവർ എന്ത് ചെയ്യാനും മടിക്കില്ല എന്ന ടൈപ്പ്. ഈ രണ്ട് സിനിമയിലെ കഥകളും place ചെയ്തിരിക്കുന്നത് അത്തരത്തിലൊരു സമൂഹത്തിലാണ്. അവിടെയല്ലാതെ മറ്റെവിടെയാണ് ഒരു നിധി തേടിപ്പോവുന്ന കഥ ഇത്ര ത്രില്ലിങ്ങായി അവതരിപ്പിക്കാൻ സാധിക്കുക.

Year : 2017
Run Time : 1h 42min

🔻ന്യൂസ് പേപ്പർ ബോയ് ആയി പകലും വിദ്യാർഥിയായി രാത്രികാലവും കഴിച്ചുകൂട്ടിയിരുന്ന മാനുവലിന്റെ കൈകളിലേക്കാണ് മുത്തച്ഛൻ ഒരു പുസ്തകം നീട്ടിയത്. പ്രത്യക്ഷത്തിൽ അവന് യാതൊന്നും തോന്നിയില്ലെങ്കിലും ഓരോ നിമിഷം കഴിയുന്തോറും മനസ്സിൽ ചില ചിന്തകൾ ഉടലെടുത്തു. വെറും വായനക്ക് വേണ്ടിയാണോ മുത്തച്ഛൻ അത് സമ്മാനിച്ചത്. മുത്തച്ഛൻ പണ്ട് നിധി തേടി പോയിരുന്ന കഥകൾ മുത്തശ്ശി പറഞ്ഞ് കേട്ടിട്ടുള്ളത് കൊണ്ട് തന്നെ ഒരല്പം കൗതുകം അവനിൽ നിറഞ്ഞു. അത്തരത്തിൽ പുസ്തകം പരിശോധിച്ചപ്പോൾ ചില അടയാളപ്പെടുത്തലുകൾ കൂടി ശ്രദ്ധയിൽ പെട്ടു. കൂടുതൽ പരിശോധിച്ചപ്പോഴാണ് അതൊരു നിധിയിലേക്കുള്ള കവാടമാണെന്ന് അവൻ തിരിച്ചറിഞ്ഞത്.

🔻ഒരു ദിവസം നടക്കുന്ന കഥയാണ് സംവിധായകൻ ആദ്യ ചിത്രമായ '7 Boxes'ലൂടെ പറഞ്ഞിരുന്നത്. അപാര മേക്കിങ്ങ് ആയിരുന്നു ആ ചിത്രം. ഈ സിനിമയിലും വളരെ ലളിതമായിട്ടുള്ള പ്രമേയമാണ് കഥയായിട്ടുള്ളത്. എന്നാൽ അതിന്റെ അവതരണം ഏറെ മികവ് പുലർത്തുന്നുണ്ട്. ആദ്യം തന്നെ കഥയിലേക്ക് കടക്കുകയും തുടർന്ന് നർമ്മം കൂടി ഇടകലർത്തിയുള്ള നിധി തേടലുമൊക്കെ അതീവ രസകരമാണ്. ഒപ്പം നല്ല ത്രില്ലിങ്ങും. ഒരു നിമിഷം പോലും നമ്മെ കണ്ണെടുക്കാൻ അനുവദിക്കാത്ത വിധം engage ചെയ്ത് ഇരുത്തുന്നുണ്ട് ചിത്രം. സമയമോ വളരെ തുച്ഛവും.

🔻കേന്ദ്രകഥാപാത്രങ്ങളായ കുറച്ചുപേരെ അവതരിപ്പിച്ച ശേഷം ചെറിയ റോളുകളിൽ വന്നുപോവുന്ന ചിലരെ ക്ലൈമാക്സിലേക്ക് ലിങ്ക് ചെയ്ത വിധം ശരിക്കും രസിപ്പിക്കുന്നുണ്ട്. ഒടുക്കം വരുന്ന വഴിത്തിരിവുകളും സിനിമ അവസാനിക്കുന്ന വിധവുമൊക്കെ ഏറെ ഇഷ്ടപ്പെട്ടു. അതൊക്കെയും കൈകാര്യം ചെയ്ത വിധം സിനിമയെ വേറൊരു തലത്തിലേക്ക് എത്തിക്കുന്നുണ്ട്. അവസാനത്തെ ഷോട്ട് തന്നെ അതിനുദാഹരണം. എന്താ ഭംഗി..!! നിധിയിലേക്കുള്ള വഴിയിൽ സംഭവിക്കുന്ന യാദൃശ്ചികമായ ചില കാര്യങ്ങൾ ആ രംഗങ്ങൾ എലവേറ്റ് ചെയ്യുന്നുണ്ട്. മിസ്റ്ററി-ത്രില്ലർ എന്ന തലത്തിൽ നല്ലൊരു ആസ്വാദനം സമ്മാനിക്കുന്നു ഈ ചിത്രം.

🔻പശ്ചാത്തലസംഗീതം ഗംഭീരമെന്നെ പറയാനുള്ളൂ. അത്രക്ക് ബോധിച്ചു ഓരോ BGM വർക്കുകളും. വയലിൻ ഒരു പ്രധാന ഉപകരണമായി ഉപയോഗിച്ച് രംഗങ്ങളുടെ താളത്തിനൊത്ത് സംയോജിപ്പിച്ച് ത്രില്ലിന്റെ തീവ്രത വർദ്ധിപ്പിക്കാനായിട്ടുണ്ട് അവയിലൂടെ. ഒപ്പം 7 boxesലെ പോലെ തന്നെ കിടിലൻ ക്യാമറ വർക്കുകളും ചടുലമായ എഡിറ്റിങ്ങും അവതരണത്തിന് വേഗം സമ്മാനിക്കുന്നു.

🔻ＦＩＮＡＬ ＶＥＲＤＩＣＴ🔻

ഒരടിപൊളി അഡ്വഞ്ചർ-മിസ്റ്ററി-ത്രില്ലർ തന്നെയാണ് The Gold Seekers. എല്ലാ തലങ്ങളിലും ഒരുപോലെ മികവ് അടയാളപ്പെടുത്തുന്ന ചിത്രം. ഒരു നിമിഷം പോലും ബോറടിയില്ലാതെ നമ്മുടെ ഊഹത്തിനപ്പുറം സഞ്ചരിക്കുന്ന രംഗങ്ങളാൽ സമൃദ്ധം. തീർച്ചയായും നല്ലൊരു അനുഭവം തന്നെ സമ്മാനിക്കും ഈ ചിത്രം എന്നുറപ്പ്. പരാഗ്വേയുടെ ഓസ്കാർ എൻട്രി കൂടിയായിരുന്നു ഈ ചിത്രമെന്ന് ഓർമിപ്പിക്കുന്നു. ഇനി ഒന്നും നോക്കണ്ട. അങ്ങ് ആസ്വദിക്കുക.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻The Invisible Guest, Badla എന്നീ ചിത്രങ്ങൾ കണ്ടശേഷവും Evaru കാണാനായി ഇരുന്നപ്പോൾ അത് പൂർണ്ണതയിൽ ആസ്വദിക്കാനാവുമോ എന്നൊരു ആശങ്കയുണ്ടായിരുന്നു. റീമേക്ക് അല്ലെങ്കിൽ ഇൻസ്പിരേഷൻ എന്ന് തന്നെ പറയാം ഈ ചിത്രവും. എന്നാൽ അതിൽ തന്റേതായ മാറ്റങ്ങൾ കൊണ്ടുവരാനുള്ള സംവിധായകന്റെ ആത്മാർത്ഥമായ ശ്രമം നമുക്ക് ചിത്രത്തിൽ കാണാം. അത് കഥയിലും അവതരണത്തിലും നന്നായി പ്രതിഫലിക്കുന്നുണ്ട്. അവിടെയാണ് വ്യക്തിപരമായി മറ്റ് രണ്ട് ചിത്രങ്ങളേക്കാളുമേറെ Evaru ആസ്വദിക്കാനായത്.

Year : 2019
Run Time : 1h 58min

🔻കഥയിലേക്ക് കടക്കുന്നില്ല. ആസ്വാദനത്തിന് ചിത്രത്തിലെ ഓരോ നിമിഷവും  വിലപ്പെട്ടതാണ്. ഒരു കൊലപാതകത്തിൽ തുടങ്ങുന്ന കഥ ഓരോ നിമിഷവും വളരെ ഗ്രിപ്പിങ്ങ് ആയി അവതരിപ്പിച്ചിരിക്കുകയാണ് സംവിധായകൻ. പ്രതീക്ഷിക്കാത്ത വിധമുള്ള കഥയുടെ സഞ്ചാരവും ചടുലത നിറഞ്ഞ അവതരണവും നമ്മെ തെല്ലൊന്നുമല്ല ത്രസിപ്പിക്കുന്നത്. തിരക്കഥയിൽ പഴുതുകൾ നോക്കാൻ പോലും അനുവദിക്കാത്തത്ര വേഗതയാണ് സിനിമക്ക്. ചില ഡയലോഗുകളിൽ പോലും അത് നമുക്ക് കാണാൻ സാധിക്കും. കഥയിൽ നല്ല രീതിയിൽ മാറ്റം വരുത്തിയിരിക്കുന്നതിനാൽ ഫ്രഷ്‌നെസ്സ് അനുഭവിക്കാനും സാധിക്കുന്നു. മറ്റ് രണ്ട് ചിത്രങ്ങൾ കണ്ടിട്ടില്ലാത്തവർക്ക് പിന്നെ പറയുകയും വേണ്ട..

🔻ഓരോ നിമിഷവും നമ്മെ എഡ്ജ് ഓഫ് സീറ്റ് ത്രില്ലർ എന്ന് അനുഭവപ്പെടുത്തുന്നുണ്ട് ചിത്രം. രണ്ട് മണിക്കൂർ പോലുമില്ലാത്ത ചിത്രത്തിൽ അനാവശ്യമായ ഒരു രംഗം പോലുമില്ല എന്നതാണ് അതിന് കാരണം. തിരക്കഥയിലും അവതരണത്തിലും സംവിധായകന്റെ വൈഭവം പതിഞ്ഞിട്ടുണ്ട്. അത്ര മികവ് പുലർത്തുന്നുണ്ട് അവ രണ്ടും. ഒരേ വേഗതയിൽ കാഴ്ചയിലുടനീളം നമ്മെ പിടിച്ചിരുത്തുന്നുണ്ട് സംവിധായകൻ. അത്ര നിസാര കാര്യമല്ല അത്. പല കാര്യങ്ങളും കണക്റ്റ് ചെയ്ത് അവതരിപ്പിക്കുകയും അത് അവസാനത്തിലേക്ക് എത്തിക്കുകയും ചെയ്ത വിധവും ഗംഭീരം.

🔻അദിവി സേഷ് വീണ്ടും ത്രില്ലർ ഒരുക്കി വിസ്മയിപ്പിക്കുന്നു. ക്ഷണവും ഗൂഡാചാരിയും പോലെ തന്നെ ഏറെ ഇഷ്ടപ്പെട്ട ചിത്രമാവുന്നു Evaru. ഒപ്പം റജീനയുടെ നല്ല പ്രകടനവും പല രംഗങ്ങളും മികച്ചതാക്കുന്നുണ്ട്. പശ്ചാത്തല സംഗീതം അതിഗംഭീരമെന്നേ പറയാനുള്ളൂ. പല രംഗങ്ങളും വഴിത്തിരിവുകളും മറ്റൊരു തലത്തിലേക്ക് ഉയർത്തുന്നതിൽ സംഗീതം മുഖ്യ പങ്ക് വഹിച്ചിട്ടുണ്ട്. ഒപ്പം പേസിങ്ങ് കൃത്യമായി കൊണ്ടുപോവുന്ന എഡിറ്റിങ്ങും മികച്ച് നിന്ന ക്യാമറ വർക്കുകളും ചിത്രത്തിന് സഹായകമാവുന്ന.

🔻ＦＩＮＡＬ ＶＥＲＤＩＣＴ🔻

ഒരേ തീമിനെ ഇൻസ്പയർ ചെയ്ത് മൂന്നാമത്തെ സിനിമയാണ് കാണുന്നതെങ്കിൽ കൂടി മറ്റുള്ളവയെക്കാളേറെ ആസ്വദിക്കാനായത് ഈ ചിത്രമാണ്. കെട്ടുറപ്പുള്ള തിരക്കഥയും അവതരണമികവും പലപ്പോഴും നമ്മെ ത്രസിപ്പിക്കുമ്പോൾ ത്രില്ലർ ആസ്വാദകർക്ക് ഗംഭീര അനുഭവം തന്നെയാവുന്നു ഈ ചിത്രം. സ്പാനിഷും ഹിന്ദിയും കണ്ടിട്ടില്ലാത്തവർക്ക് ഒരു കിടിലൻ ലോട്ടറി തന്നെയാണ് അടിച്ചിരിക്കുന്നത്. കണ്ടാസ്വദിക്കുക.

ＡＢ ＲＡＴＥＳ ★★★★☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻മോർച്ചറിയിലാണ് മിൻ ഉറക്കം എഴുന്നേൽക്കുന്നത്. തന്നെ ജീവനോടെ കണ്ടയുടനെ നഴ്‌സുമാർ ബോധരഹിതരായി വീഴുന്ന കാഴ്ചയായിരുന്നു മിൻ ആദ്യമായി കണ്ടത്. താൻ ആരാണെന്നോ താനെങ്ങനെ ഇവിടെയെത്തിയെന്നോ അറിയാതെ ആകെ കുഴഞ്ഞുമറിഞ്ഞ അവസ്ഥയായിരുന്നു ആ സമയം മിൻ അഭിമുഖീകരിച്ചത്. എന്നാൽ എന്താണ് സത്യമെന്ന് മനസ്സിലാക്കാൻ മറ്റ് ചിലരുടെ ഇടപെടലുകൾ വേണ്ടി വന്നു. അവർ സ്വയം 'ഗാർഡിയൻസ്' എന്ന് വിശേഷിപ്പിച്ചു. അവർ മിന്നിന് ഒരു countdown time നൽകി. 100 ദിവസം. അതെന്തിനായിരുന്നു എന്നത് സിനിമ കണ്ടറിയുക. (നല്ലൊരു ത്രിൽ ഫാക്ടർ അതിൽ കുടിയിരിപ്പുണ്ട്.)

Year : 2019
Run Time : 2h 12min

🔻തായ് സിനിമകളോട് അത്ര അടുപ്പം തോന്നിയിട്ടില്ലെന്ന് പല എഴുത്തുകളിലും പ്രതിപാദിച്ചിട്ടുള്ളതാണ്. എന്നാൽ വിരളമായ ചില അനുഭവങ്ങൾ അതിനെ ശരി വെക്കാതെ പോവും. അത്തരത്തിൽ ഒന്നാണ് ഈ ചിത്രം. ഏറെ പ്രിയപ്പെട്ട ഹൊറർ മൂവിയായ ഷട്ടറിന്റെ സംവിധായകന്റെ ചിത്രം എന്നത് തന്നെയാണ് കാണാൻ തോന്നിയ ആദ്യ ഫാക്ടർ. പോസ്റ്ററുകൾ ഒരുക്കിയ വിധവും ശ്രദ്ധ പിടിച്ചുപറ്റി.

🔻ആദ്യ 20 മിനിറ്റ് കൊണ്ട് വമ്പൻ ഫാന്റസി ലോകം തന്നെ തീർക്കുന്നുണ്ട് സംവിധായകൻ. ആ സമയത്തുള്ള CGI വർക്കുകൾ അപാരം തന്നെ. അൽപ്പം കൺഫ്യൂഷൻ സമ്മാനിക്കുന്ന തുടക്കം ആസ്വാദനത്തിന് നല്ല ആകാംഷ ജനിപ്പിക്കുന്നുണ്ട്. മുഴുനീള ഫാന്റസി ആവുമെന്ന് പ്രതീക്ഷിച്ചിടത്ത് പല ജേണറുകളുടെ ബ്ലെന്റ് ആൺ സംവിധായകൻ ഒരുക്കിവെച്ചത്. എന്നാൽ ചില ഏറ്റക്കുറച്ചിലുകൾ അതൃപ്തി നൽകിയെന്ന് പറയാതെ വയ്യ. അത്തരത്തിൽ ഒന്നാണ് ചിത്രത്തിൽ റൊമാൻസ് കൈകാര്യം ചെയ്ത വിധം.

🔻ഫാന്റസിയിലൂന്നിയ തുടക്കമായിട്ട് കൂടി ഒരു സമയം കഴിയുമ്പോൾ അത് പാടെ ഉപേക്ഷിച്ച രീതിയിലാവുന്നുണ്ട് അവതരണം. സ്‌കൂൾ കാലഘട്ടത്തിലെത്തുമ്പോൾ റൊമാൻസിലേക്ക് മാത്രമായി ചിത്രം ഒതുങ്ങുന്നുമുണ്ട്. അവിടെ ഒരൽപം മടുപ്പ് അനുഭവപ്പെട്ടതൊഴിച്ചാൽ പിന്നീടങ്ങോട്ട് ജിജ്ഞാസ പകരുന്ന ഒരുപാട് എലമെന്റുകളാൽ സമൃദ്ധമാണ് ചിത്രം. കഥാപാത്രങ്ങളുടെ വേരുറപ്പ് കഥക്ക് തീർത്തും ഗുണം ചെയ്യുന്നുണ്ട്. ഉപകഥകൾ പോലെ പല കഥകൾ കൂടിച്ചേരുമ്പോഴാണ് പല ചോദ്യങ്ങൾക്കും ഉത്തരം ലഭിക്കുക. ശക്തമായ ക്യാരക്ടറൈസേഷൻ ഓരോ കഥാപാത്രങ്ങൾക്കും സംവിധായകൻ നൽകിയിട്ടുണ്ട്. കുടുംബവുമായി ബന്ധപ്പെട്ട കഥ തന്നെ അതിനുദാഹരണം.

🔻CGI കൊണ്ട് വിസമയം തീർക്കുന്ന രംഗങ്ങൾ ഉണ്ട് ചിത്രത്തിൽ. ഫാന്റസി എലെമെന്റുകൾ കൊണ്ട് എത്രത്തോളം താല്പര്യം ജനിപ്പിക്കാമോ അത്രത്തോളം നമ്മെ വശ്യമാക്കുന്നുണ്ട് ആ രംഗങ്ങൾ. ഒപ്പം ഗംഭീര പശ്ചാത്തലസംഗീതവും കണ്ണഞ്ചിപ്പിക്കുന്ന ഫ്രയിമുകളും നമ്മെ കൂടുതൽ അടുപ്പിക്കുന്നു.

🔻ＦＩＮＡＬ ＶＥＲＤＩＣＴ🔻

ഫാന്റസിയിൽ തുടങ്ങി പല സബ്ജേണറുകളിലൂടെ സഞ്ചരിക്കുന്ന ചിത്രം മികച്ച ഒരനുഭവം തന്നെയായിരുന്നു. ശക്തമായ കഥാപാത്രങ്ങളും അതിനൊത്ത അവതരണവും നല്ലൊരു ക്ലൈമാക്സും കൂടിയാവുമ്പോൾ Homestay നിരാശ നൽകില്ല. വേറിട്ട അനുഭവം നമുക്കായി കരുതിവെച്ചിരിക്കുന്നു ഈ ചിത്രം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ആദ്യം തന്നെ ഒരു Warning തരട്ടെ. സിനിമയുടെ പല പോസ്റ്ററുകളിലായി വന്നുപോവുന്ന ടാഗ് ലൈനുകൾ വായിക്കാതിരിക്കുക. 'The Hidden Face, എന്ന സ്പാനിഷ് ചിത്രത്തിന്റെ ട്രെയിലർ ഒരുക്കിയതിനോളം വിവരക്കേട് ആ ടാഗ്‌ലൈനുകളിൽ ഇല്ലെങ്കിൽ കൂടി അവ ഒഴിവാക്കുകയാണ് തുടർന്നുള്ള കാഴ്ചക്ക് നല്ലത്. കഥയുടെ ചില എലമെന്റുകൾ, ചില ചോദ്യങ്ങൾക്കുള്ള ഉത്തരങ്ങൾ ഉൾപ്പടെ അവയിൽ പരാമർശിച്ചിട്ടുണ്ട് എന്നത് ഖേദകരം തന്നെ. അതുകൊണ്ട് ആ കാര്യം ഒന്ന് ശ്രദ്ധിക്കുക. (മുകളിൽ കൊടുത്തിരിക്കുന്ന പോസ്റ്ററും ഇനി നോക്കാതിരിക്കുക)

Year : 2012
Run Time : 1h 42min

🔻നിക്ക് 21ആം നിലയിൽ ആ ഹോട്ടലിൽ റൂം എടുത്തു. അൽപ്പനേരം വിശ്രമിച്ചു. വിശപ്പടക്കാൻ ഭക്ഷണം ഓർഡർ ചെയ്തു. വെയിറ്റർക്ക് കാര്യമായ ടിപ്പും കൊടുത്തു. ഒന്ന് മുഖം കഴുകി ഇറങ്ങിയത് ആ റൂമിന്റെ ജനലിന് പുറത്തേക്കാണ്. റോഡിനെ അഭിമുഖീകരിച്ച് നിൽക്കുന്ന ആ മുറിയുടെ പടിക്കൽ നിന്നുകൊണ്ട് അദ്ദേഹം ഒരു കാര്യം നിശ്ചയിച്ചു. He Was Going To Commit Suicide..!

ഇതുകണ്ട് തടിച്ചുകൂടിയ നാട്ടുകാർ പോലീസിലടക്കം വിവരം അറിയിച്ചു. പോലീസുകാർ വന്ന് നിക്കിനോട് കാര്യം അന്വേഷിച്ചപ്പോൾ അദ്ദേഹത്തിന് ഒരു കണ്ടീഷൻ ഉണ്ടായിരുന്നു. Negotiator ലിഡിയയുമായി അദ്ദേഹത്തിന് സംസാരിക്കണം. തുടർന്ന് അവിടെ സന്ധിസംഭാഷണം അരങ്ങേറുന്നു.

🔻സിമ്പിളായ തീമിന്റെ ഭംഗിയായ അവതരണമാണ് ചിത്രത്തിൽ കാണാൻ സാധിക്കുക. ഏതാനും മണിക്കൂറുകളിൽ മാത്രം ഒതുങ്ങുന്ന കഥയാണ് ചിത്രത്തിന്റേത്. അതിനെ വൃത്തിയായി അവതരിപ്പിച്ചിടത്താണ് ചിത്രം ആസ്വാദ്യകരമാവുന്നത്. ത്രിൽ എലമെന്റുകൾ പരമാവധി കീപ്പ് ചെയ്തുകൊണ്ട് കഥ മുന്നോട്ട് കൊണ്ടുപോവുന്ന വിധം നന്നായിരുന്നു. ഒപ്പം ചുരുക്കം ചില കഥാപാത്രങ്ങളെ ഉൾപ്പെടുത്തിയ വിധവും.

🔻സിനിമയിലെ വഴിത്തിരിവ് അവതരിപ്പിച്ച ഭാഗം ബാക്കിയുള്ളതുമായി താരതമ്യം ചെയ്യുമ്പോൾ അൽപ്പം ദുർബ്ബലമായ തോന്നിയെങ്കിൽ കൂടി നന്നായി ചെയ്തിട്ടുണ്ട്. ഒപ്പം പഴുതുകൾ ഇല്ലെന്ന് തോന്നിപ്പിക്കുന്ന വിധത്തിലുള്ള അവതരണം കഥയുടെ വേഗതക്ക് ഗുണം ചെയ്യുന്നുണ്ട്.ത്രസിപ്പിച്ചിരുത്താൻ പാകത്തിന് ഓരോ രംഗവും ഒരുക്കിയ വിധം ഇടക്ക് നെഞ്ചിടിപ്പ് കൂട്ടുന്നുണ്ട്. ആ രംഗങ്ങളിലെ ക്യാമറ വർക്കുകൾ ഓരോ സന്ദർഭങ്ങളുടെയും ആഘാതം വർദ്ധിപ്പിക്കുന്നുണ്ട്.

🔻ＦＩＮＡＬ ＶＥＲＤＩＣＴ🔻

സിമ്പിളായ ഒരു ത്രില്ലർ ആണ് ഈ ചിത്രത്തിലൂടെ സംവിധായകൻ കരുതിവെച്ചിട്ടുള്ളത്. വമ്പൻ സസ്പെൻസ് ഒന്നുമല്ലെങ്കിലും കൂടി നമുക്ക് തൃപ്തി തരുന്ന ഒന്നാണ് അത് എന്ന് സൂചിപ്പിക്കുന്നു. ലളിതമായ കഥയെങ്കിൽ കൂടി അവതരണത്തിലുള്ള മികവ് ചിത്രത്തെ നല്ലൊരനുഭവം തന്നെയാകും എന്ന കാര്യത്തിൽ സംശയമില്ല.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

NB : ടാഗ് ലൈനുകളിൽ നിന്ന് അകലം പാലിക്കുക..!!

🔻അന്ന് രാത്രി ആ വീട്ടിൽ വമ്പൻ ആഘോഷങ്ങൾ അരങ്ങേറുകയായിരുന്നു. താനും ഭാര്യയും 3 കുട്ടികളുമടങ്ങിയ Barot Family എന്തെന്നില്ലാത്ത സന്തോഷത്തിലും. എന്നാൽ ആ സന്തോഷം മുഴുവൻ തകർക്കാൻ അവർക്കായി കാത്തിരുന്നത് ഒരു തിരോധാനമാണ്. ആ കുടുംബത്തിലെ ഏറ്റവും പ്രിയപ്പെട്ട ഒരാളുടെ തിരോധാനം.

Year : 2019
Run Time : 1h 29min

🔻സിനിമ കണ്ട് കഴിഞ്ഞപ്പോൾ തോന്നിയ കാര്യം എന്തെന്നാൽ കുറച്ചുകൂടി വലിയ ക്യാൻവാസിൽ ഒരുങ്ങേണ്ടിയിരുന്ന ചിത്രമാണ് ഇതെന്നാണ്. മികച്ച് നിൽക്കുന്ന ഒരുപാട് ഫാക്ടറുകൾ സിനിമയിലുടനീളം ഉണ്ടെങ്കിലും ചില പ്രധാന സന്ദർഭങ്ങളിൽ അതിന്റെ തീവ്രത കുറഞ്ഞതായി തോന്നി. സിനിമയിലെ മുഖ്യ വഴിത്തിരിവുകളിൽ ഒന്നിന്റെ അവതരണം തന്നെ അപ്രകാരമാണ് തോന്നിയത്. അത്തരത്തിൽ ചില പോരായ്മകൾ തോന്നിയെങ്കിൽ കൂടി തീർത്തും അപരിചിതമായ, അധികം കണ്ട് ശീലിച്ചിട്ടിലാത്ത, ഡിസ്റ്റർബിങ്ങ് ആയ ഒരനുഭവമാണ് ഈ കുടുംബം സമ്മാനിച്ചത്.

🔻സിനിമയിലെ സൈക്കളോജിക്കൽ എലമെന്റുകൾ അവതരിപ്പിച്ച വിധത്തിലുള്ള പക്വതയാണ് ഏറ്റവും ആകർഷണീയമായി തോന്നിയത്. ഒരു പരിധി കവിഞ്ഞ് അതിഭാവുകത്വം അവിടങ്ങളിൽ കാണാൻ സാധിക്കില്ല.ക്യാരക്ടർ ഡെവലെപ്മെന്റിൽ ഇത്തരം രംഗങ്ങൾ ഭംഗിയായി ഉപയോഗിച്ചിട്ടുണ്ട്. സിനിമ മുന്നിലേക്കിടുന്ന ചോദ്യങ്ങൾക്ക് നാം ഉത്തരം കണ്ടെത്താൻ ശ്രമിക്കുമ്പോൾ നന്നായി കുഴപ്പിക്കുന്നുണ്ട് ഓരോ കഥാപാത്രങ്ങളും. ഒരു നിഗമനത്തിൽ എത്തിച്ചേരാൻ നമ്മെ അനുവദിക്കില്ല. പിന്നീട് ട്വിസ്റ്റ് റിവീൽ ചെയ്തതിന് ശേഷമുള്ള ഭാഗങ്ങളും അങ്ങനെ തന്നെ. ഇനിയെന്താവും എന്ന് നമുക്ക് ഊഹിക്കാൻ സാധിക്കാത്ത വിധം ഭംഗിയായി ആ സന്ദർഭങ്ങൾ കൊണ്ടുപോയിട്ടുണ്ട്. ഒടുവിൽ അവസാനിപ്പിച്ച വിധവും നമ്മെ വല്ലാതെ അലട്ടും. അതൊക്കെയും കണ്ടറിയേണ്ടത് തന്നെ.

🔻കൊച്ച് പയ്യന്റെ ഗംഭീര പ്രകടനം തന്നെയാണ് ചിത്രത്തിന്റെ ഹൈലൈറ്റ്. കൂടുതൽ അതിനെ പറ്റി പറയുന്നില്ല. അനുഭവിച്ചറിയുക ആ കഥാപാത്രം. സ്‌ക്രീനിൽ വന്നുപോയ ഓരോ കഥാപാത്രങ്ങൾക്കും വ്യക്തമായ ക്യാരക്ടർ സ്കെച്ച് നൽകിയിട്ടുണ്ട് സംവിധായകൻ. അതുകൊണ്ട് തന്നെ പ്ലോട്ട് ടൈറ്റ് ആവാൻ ഓരോ കഥാപാത്രങ്ങളും സഹായിച്ചിട്ടുണ്ട്. പെർഫെക്ട് എന്ന് തോന്നിയ ഛായാഗ്രഹണവും പശ്ചാത്തലസംഗീതവും പല സന്ദർഭങ്ങളും മറ്റൊരു തലത്തിലേക്ക് എലവേറ്റ് ചെയ്യുന്നുണ്ട്. ടെക്നിക്കൽ സൈഡുകൾ വളരെയേറെ മികവ് പുലർത്തുന്നുണ്ട്.

🔻ＦＩＮＡＬ ＶＥＲＤＩＣＴ🔻

ഒരു സിനിമ വെബ് റിലീസ് ആവുമ്പോഴുള്ള ബഡ്ജറ്റിന്റെ ചില ഏറ്റക്കുറച്ചിലുകൾ ചില രംഗങ്ങളിൽ അനുഭവപ്പെട്ടതൊഴിച്ചാൽ വളരെ ഇഷ്ടപ്പെട്ട, ഏറെ ആസ്വദിച്ച ഒരു ചിത്രമായി 'Barot House'. കൈകാര്യം ചെയ്യുന്ന വിഷയത്തിന്റെയും അത് അവതരിപ്പിച്ച രീതിയിലെയുമുള്ള പുതുമകൾ മികച്ച അനുഭവം തന്നെ സമ്മാനിക്കുന്നുണ്ട്. ഡാർക്ക് മൂഡിലുള്ള, അൽപ്പം ഡിസ്റ്റർബിങ്ങ് ആയ ചിത്രം നിരാശ നല്കില്ലെന്നുറപ്പ്.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests