Abeed Azad

🔻ആ കൊലപാതകത്തിന് സാക്ഷികളായി ആരും തന്നെ ഉണ്ടായിരുന്നില്ല. ആ മുറിയിലേക്ക് വന്നുപോയ ഒരാളുടെ മനസ്സിൽ നിമിഷങ്ങൾ കൊണ്ട് തെളിഞ്ഞ, താടി വെച്ച മനുഷ്യന്റെ രൂപം ആ അന്വേഷണത്തെ കൊണ്ടെത്തിച്ചത് മാസങ്ങൾക്ക് മുമ്പ് നടന്ന ഒരു ബാങ്ക് റോബറിയിലാണ്. ആ റോബറിയിൽ നാലംഗ സംഘത്തിന്റെ നേതാവായി പ്രവർത്തിച്ച വാങ്ങിന്റെ മുഖമായിരുന്നു അത്. അന്വേഷണത്തിൽ ടീമിലുണ്ടായിരുന്ന ലാറി അപ്പോഴാണ് ആ മുറിയിലുള്ള മറ്റൊരാളെ കൂടി ശ്രദ്ധിച്ചത്. സംസാരിക്കാൻ കഴിവുള്ള ഒരു തത്ത. ആ കൊലപാതകം കണ്ട ഒരേ ഒരാൾ..!!

Year : 2019
Run Time : 1h 44min

🔻തത്ത ഉരിയാടുന്നത് ആകെ രണ്ട് വാക്കുകളാണ്. Idiot, Genius. ഈ രണ്ട് വാക്കുകൾ കൊണ്ട് എങ്ങനെ കുറ്റവാളികളെ കണ്ടുപിടിക്കാമെന്നായി ലാറിയുടെ ചിന്ത. മറ്റുള്ളവരെല്ലാം തകൃതിയായി കേസന്വേഷിക്കുമ്പോൾ ലാറിയുടെ നീക്കം തത്തയെ കേന്ദ്രീകരിച്ചായി. ആരായിരിക്കും ശരി.? ആരായിരിക്കും ആദ്യം വാങ്ങിനെ കണ്ടെത്തുക.?  ഉത്തരങ്ങൾ അറിയാൻ മടിക്കാതെ സിനിമ കാണുക.

🔻പ്രേക്ഷകനെ കബളിപ്പിക്കുക എന്ന കർത്തവ്യം കൃത്യമായി നിറവേറ്റിയ ചിത്രമാണിത്. നമ്മുടെ ശ്രദ്ധ ഒന്നിൽ കേന്ദ്രീകരിക്കുകയും മറ്റൊരു വഴിയിലൂടെ കഥ നീങ്ങുകയും ചെയ്യുന്ന സാഹചര്യങ്ങൾ ഒന്നര മണിക്കൂറിൽ നമുക്ക് നേരിടാൻ സാധിക്കും. ഒടുവിൽ ട്വിസ്റ്റ് റിവീൽ ചെയ്യുമ്പോൾ അധികമാരും ചിന്തിച്ച് കാണാൻ സാധ്യതയില്ലാത്ത ഒരു പര്യവസാനത്തിലേക്ക് കൊണ്ടെത്തിക്കുന്നുണ്ട് സംവിധായകൻ. എന്നാൽ അത് ഏത് തരത്തിൽ പ്രേക്ഷകനെ സ്വാധീനിക്കുമെന്നത് രണ്ടാമത്തെ കാര്യം.

🔻കഥ അവസാനത്തിലേക്ക് അടുക്കുമ്പോൾ ചില മുഖ്യമായ സീനുകളിലെ അവതരണം കല്ലുകടിയായി തോന്നി. അത്ര നേരം നമ്മിൽ ജനിപ്പിച്ച ജിജ്ഞാസയെ പൂർണ്ണമായി തൃപ്തിപ്പെടുത്താൻ ആവാത്ത അവതരണം മൂലം ഇമ്പാക്റ്റ് കുറഞ്ഞ ഒന്നായി മാറുന്നുണ്ട് ചില രംഗങ്ങൾ. എഡിറ്റിംഗിലാണ് അത് എടുത്തറിയാൻ സാധിക്കുക. മറ്റെല്ലാ ഘടകങ്ങളും മികച്ച് നിൽക്കുമ്പോഴും ചില രംഗങ്ങളിലെ എഡിറ്റിങ്ങ് മാത്രം പോരായ്മയായി തോന്നും.

🔻ＦＩＮＡＬ ＶＥＲＤＩＣＴ🔻

ഗംഭീര ത്രില്ലർ ഒന്നുമല്ലെങ്കിലും ഒന്നര മണിക്കൂർ കൊണ്ട് നമ്മെ തൃപ്തിപ്പെടുത്താനാവുന്നതെല്ലാം ഈ ചിത്രത്തിലുണ്ട്. സിമ്പിളായി പറഞ്ഞവസാനിപ്പിക്കാമായിരുന്ന ത്രെഡിനെ അവതരണത്തിലെ കബളിപ്പിക്കലിലൂടെ താല്പര്യമുണർത്തുന്ന ഒന്നാക്കി മാറ്റുവാനും പൂർണമായി പിടിച്ചിരുത്താവാനും സംവിധായകനായിട്ടുണ്ട്. യാതൊരു പ്രതീക്ഷയുമില്ലാതെ സമീപിച്ചാൽ തീർച്ചയായും ഇഷ്ടപ്പെടും.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

💢ഒരു ക്രിമിനലിനെ ചേസ് ചെയ്ത് പിടിക്കാനുള്ള ശ്രമത്തിനിടയിലാണ് ആ അപകടം സംഭവിച്ചത്. പരിക്കുകൾ ഒരുപാടുണ്ടായിരുന്നു. എന്നാൽ അതിന്റെ ഏറ്റവും അവസാന ഫലം ഒരു കുട്ടിയുടെ മരണമായിരുന്നു. ക്രിമിനലുകൾ ഏറ്റവും അവസാനം ഉപയോഗിച്ച കാറിന്റെ ഡിക്കിയിൽ വെടിയേറ്റ് മരിച്ച അവസ്ഥയിൽ കണ്ടെത്തി ആ കുട്ടിയെ.

ടോങ്ങിനെ ആ ഇൻസിഡന്റ് തെല്ലൊന്നുമല്ല തളർത്തിയത്. തന്റെ കണിശത മൂലം സഹജീവനക്കാർക്ക് പല നഷ്ടങ്ങളും ഉണ്ടായി. ഒരു കുട്ടിയുടെ ജീവൻ പൊലിഞ്ഞു. ക്രിമിനലുകൾ പിടിയിലായെങ്കിലും നഷ്ടം ഒരുപാടായിരുന്നു. ഇതാ ഇപ്പോൾ ആ കുട്ടിയുടെ തന്നെ അനിയത്തി മിസ്സിങ്ങ് ആയിരിക്കുന്നു. അവരുടെ മാതാവ് പബ്ലിക് പ്രോസിക്യൂട്ടർ ആയ ഗാവോ മിന്നും. ആരാണ് കുട്ടിയെ തട്ടിക്കൊണ്ടുപോയത്.? എന്താണ് അവരുടെ ആവശ്യം.?

💢ആദ്യരംഗം തന്നെ ത്രില്ലടിപ്പിച്ചാണ് ചിത്രം തുടങ്ങുന്നത്. അതിലൂടെ തന്നെ കഥയിലേക്ക് നേരിട്ട് കടക്കുകയും ചെയ്യുന്നു. പറഞ്ഞുവരുമ്പോൾ ചെറിയ ത്രെഡ് ആണെങ്കിൽ കൂടി അത് ഭംഗിയായി, കാണാൻ പ്രേരിപ്പിക്കുന്ന തരത്തിൽ അവതരിപ്പിച്ചതിലാണ് സംവിധായകന്റെ മികവ് കാണാൻ സാധിക്കുക. 

💢ഒരു നിമിഷം പോലും ബോറടിപ്പിക്കാതെ പൂർണ്ണമായും ഒരു ത്രില്ലറിന് വേണ്ട ഘടകങ്ങളൊക്കെ ചേർത്ത് തന്നെയാണ് ചിത്രം ഒരുക്കിയിരിക്കുന്നത്. ഒരു സൂപ്പർ കോപ്പ് എന്ന ഇമേജ് നായകന് കൊടുത്തിട്ടില്ല. അതുപോലെ തന്നെ വില്ലനും. സ്വന്തമായി ഐഡൻറിറ്റി ഉള്ളവരാണ് ഇതിലെ ഭൂരിഭാഗം കഥാപാത്രങ്ങളും. അത് താനെ ചിത്രത്തിന്റെ നിലവാരം ഉയർത്തുന്നുണ്ട്.

💢കാർ ആക്‌സിഡന്റ് രംഗത്തിലെ CGI വളരെ മികവ് പുലർത്തുന്നതായിരുന്നു. അതുപോലെ തന്നെ ആക്ഷൻ രംഗങ്ങളും. വളരെ വേഗത്തിൽ നീങ്ങുന്ന കഥക്ക് പിന്തുണ പ്രഖ്യാപിക്കുന്നുണ്ട് ഇത്തരം ഘടകങ്ങൾ. കൂടെ നല്ലൊരു ക്ലൈമാക്സ് കൂടിയാവുമ്പോൾ തൃപ്തി നൽകുന്ന കാഴ്ചയായി ഈ ചിത്രം.

🔻ＦＩＮＡＬ ＶＥＲＤＩＣＴ🔻

നായകനും വില്ലനും തമ്മിലുള്ള ക്യാറ്റ് ആൻറ് മൗസ് ഗെയിം വളരെ ചടുലതയോടെ ത്രില്ലിങ്ങായി അവതരിപ്പിക്കുന്നതിൽ സംവിധായകൻ വിജയിച്ചിട്ടുണ്ട്. കാഴ്ചയിലുടനീളം ഒരേ വേഗതയിൽ നീങ്ങുന്ന ചിത്രം ത്രില്ലർ പ്രേമികൾക്ക് നല്ലൊരു അനുഭവമാകും.

ＭＹ ＲＡＴＩＮＧ:: ★★★½

Chan Kwai-Bun ഡിപ്പാർട്ട്പ്പെന്റിലെ ബുദ്ധിമാനും  സമർത്ഥനുമായ പോലീസ് ഉദ്യോഗസ്ഥനാണ്.. മറ്റുള്ളവരേക്കാൾ വ്യത്യസ്തമായ രീതിയിലും വേഗതയിലുമാണ് അദ്ധേഹം കേസന്വേഷണം നടത്തുന്നത്..ഒരു പ്രത്യേക കഴിവും ഉണ്ട് അദ്ധേഹത്തിന്..മറ്റുള്ളവരുടെ Inner Personalities കാണാനുള്ള കഴിവ്..
വിരമിച്ചതിന് ശേഷം അദ്ധേഹത്തിന് മറ്റൊരു കേസിൽ പങ്കാളിയാവേണ്ടി വരുന്നു..Ho Ka-On അന്വേഷിക്കുന്ന ഒരു പോലീസുകാരന്റെ മിസ്സിംഗ് കേസ്.. ആ കേസന്വേഷണം അദ്ധേഹത്തിന്റെ ജീവിതത്തെ എങ്ങനെ ബാധിക്കുന്നു എന്നതാണ് Mad Detective എന്ന ചിത്രത്തിൽ കാണിക്കുന്നത്..
Johnnie To, Wai Ka-Fai എന്നിവർ ചേർന്നാണ് ചിത്രം സംവിധാനം ചെയ്തിരിക്കുന്നത്..Wai Ka-Fai, Aul Kin-Yeeയും തയ്യാറാക്കിയ തിരക്കഥയാണ് ചിത്രത്തിന്റെ നട്ടെല്ല്..ഏത് നിമിഷവും പാളിപ്പോകാവുന്ന തിരക്കഥ വളരെ തന്മയത്വത്തോട് കൂടി മികച്ച രീതിയിൽ അവർ തയ്യാറാക്കി..സംവിധാനമികവ് കൂടി ആയപ്പോൾ ചിത്രം മികച്ച ഒരു ത്രില്ലറായി..
Sean Lau അവതരിപ്പിച്ച ഇൻസ്പെക്ടർ Chan Kwai-Bun വളരെയേറെ സങ്കീർണ്ണതകൾ നിറഞ്ഞ ഒരു കഥാപാത്രമായാണ് തോന്നിയത്.. കഥാപാത്രം ആവശ്യപ്പെടുന്ന തരത്തിലുള്ള ഉഗ്രൻ പ്രകടനമാണ് Lau കാഴ്ച്ചവെച്ചത്.. ചിത്രത്തിന്റെ ശ്രദ്ധാകേന്ദ്രവും അദ്ധേഹം തന്നെയായിരുന്നു..Lam Ka-Tung ജീവൻ നൽകിയ ഇൻസ്പെക്ടർ Hoയും മികച്ച കഥാപാത്രമായിരുന്നു..Andy On അവതരിപ്പിച്ച -ve ടച്ചുള്ള കഥാപാത്രവും മികച്ച് നിന്നു..Kelly Lin, Seut Lam, Jay Lau എന്നിവർ മറ്റ് കഥാപാത്രങ്ങളെ അവതരിപ്പിച്ചു..
Xavier Jamauxന്റെ പശ്ചാത്തല സംഗീതവും
Cheng Siu-Keungന്റെ ഛായാഗ്രഹണവും Tina Bazന്റെ എഡിറ്റിംഗും ഒരുപോലെ ചിത്രത്തിന് ഗുണകരമായി.. ചിത്രത്തിന് വേഗത കൂട്ടുവാനും കാണികളിൽ ത്രിൽ പകരുവാനും ഇവ സഹായകമായി..
യാത്രയിലുടനീളം കാണികളെ ഒരുപോലെ 'ഇനിയെന്ത്' എന്ന് ചിന്തിപ്പിക്കുന്നുണ്ട് ചിത്രം.. ഒരു സൈക്കോളജിക്കൽ ത്രില്ലർ എന്ന നിലയിൽ ചിത്രം മേന്മ പുലർത്തുന്നുണ്ട്..ചില രംഗങ്ങൾ ഞെട്ടൽ ഉണ്ടാക്കുന്നതായിരുന്നു..ത്രില്ലർ ഗണത്തിലുള്ള ചിത്രങ്ങൾ ഇഷ്ടപ്പെടുന്നവർക്ക് തീർച്ചയായും കണ്ടിരിക്കാവുന്ന ചിത്രമാണ് Mad Detective..
My Rating::★★★½